Bugungi kunda Respublikamiz bo‘ylab yerimizni asrab avaylash, yer qonun buzilish holatlarini aniqlash bo‘yicha yer va kadastr nazorati inspektorlari tomonidan tizimli ishlar amalga oshirilmoqda.
Birgina Kadastr agentligining Navoiy viloyati yer va kadastr nazorati inspektorlari tomonidan joriy yilning 1-dekabr holatiga viloyat bo‘yicha amalga oshirilgan ishlarni tahlil qilsak quyidagi raqamlarni ko‘rishimiz mumkin:
1. Yer uchastkalarining o‘zboshimchalik bilan egallab olinishi va ushbu yer uchastkalarida o‘zboshimchalik bilan imorat qurilishiga oid 348 ta (15,2 gektar) qonunbuzarlik holatlari aniqlangan.
Shundan qishloq xo‘jaligi yerlarda 99 ta (8,7 gektar), aholi punktlari yerlarda 219 ta (5,5 gektar), sanoat, transport, aloqa, mudofaa va boshqa maqsadlarga mo‘ljallangan yerlarda 2 ta (0,02 gektar), o‘rmon fondi yerlarda 13 ta (0,7 gektar), suv fondi yerlarda 7 ta (0,02 gektar), zaxira yerlarda 8 ta (0,2 gektar)ni tashkil etadi.
2. Yerlardan maqsadsiz foydalanganlik, shu jumladan qishloq xo‘jaligi sohasiga taalluqli bo‘lmagan ehtiyojlar uchun berilgan yer uchastkasidan ikki yil mobaynida foydalanilmaganlik bo‘yicha 4 ta (1,95 gektar) holat aniqlangan (aholi punktlari yerlarida).
3. Ko‘chmas mulkka bo‘lgan huquqlarni davlat ro‘yxatidan o‘tkazishni amalga oshiruvchi organga yer uchastkasiga, bino va inshootga bo‘lgan huquqni davlat ro‘yxatidan o‘tkazish uchun o‘z vaqtida murojaat etmaslikka oid 1 323 ta (234,7 gektar) holat aniqlandi (shundan 1320 ta turar va 2 ta noturar).
4. Yuqoridagi qonunbuzilish holatlari bo‘yicha 1 386 ta shaxslarga (shundan 1384 ta jismoniy va 2 ta yuridik) nisbatan MJtKning tegishli moddalariga asosan jami 424,6 mln so‘m ma’muriy jarimalar qo‘llanilib, shundan 337,3 mln so‘m (79,4 %) undirildi.
Yer uchastkalaridan maqsadsiz foydalanish holatlari bo‘yicha yer uchastkalariga bo‘lgan huquqni bekor qilish va o‘zboshimchalik bilan egallangan yer maydonida noqonuniy qurilgan imoratlarni bartaraf etish to‘g‘risida Fuqarolik ishlari bo‘yicha sudlarga 68 ta da’vo arizalari kiritilib, shundan 21 tasi qanoatlantirilgan, qolgan 47 tasi hozirgi kunda ko‘rib chiqish jarayonida.
Kadastr agentligining “Yer nazorati” bo‘limi boshlig‘i
Safarov O‘tkir Abdixomidovich.
