Agentlikning 2021 yildagi faoliyati tahlili yuzasidan
2021 yilda Ko‘chmas mulklarni hisobga olish yo‘nalishida amalga oshirilgan ishlar haqida:
O‘tgan 12 oy davomida kadastr agentligi xodimlari tomonidan respublika bo‘yicha 252,9 mingta qo‘shimcha obyektlar aniqlanib, kadastr bazasida hisobga olindi. Obyektlarning umumiy soni 7,9 mln tadan oshdi va soliq organlari bazasiga onlayn taqdim etildi.
Shuningdek, respublika bo‘yicha 477,7 mingta ko‘chmas mulk obyektida qo‘shimcha qurilmalar aniqlanib, kadastr bahosi qayta ko‘rib chiqildi.
Kadastr agentligi hamda Davlat kadastrlari PALATASIning hududiy idoralari tomonidan 471,2 mingta ko‘chmas mulk obyektlariga bo‘lgan huquqlar davlat ro‘yxatidan o‘tkazildi.
Yer va kadastr nazorati yo‘nalishida:
2021 yilda Yer va kadastr nazoratchilar tomonidan 16 893 holatda 2 541,3 gektar yer maydonini o‘zboshimchalik bilan egallab olish bo‘yicha huquqbuzarliklar aniqlandi.
Aniqlangan huquqbuzarliklar bo‘yicha 16 278 ta majburiy ko‘rsatma berildi, fuqarolik ishlari bo‘yicha sudlarga 5 038 ta daʼvo arizalari kiritildi, prokuratura organlariga 762 ta maʼlumotlar kiritildi.
Amalga oshirilgan nazorat tadbirlari natijasida 5 587 ta holatda aniqlangan qonunbuzilish holatlari ixtiyoriy bartaraf etildi.
Sudning hal qiluv qaroriga asosan majburiy tartibda bartaraf etilganlar 61 ta ni tashkil qiladi.
Yer va kadastr sohasidagi huquqbuzarlik holatlari bo‘yicha 30 100 ta maʼmuriy javobgarlik choralari ko‘rilishi taʼminlandi.
Bo‘sh yer uchastkalarini auksionga chiqarish yo‘nalishida:
O‘tgan 12 oy davomida 74 091 ta yaʼni 3 323,5 gektar yer uchastkalari “Yerelektron” tizimiga kiritildi.
Shundan vakolatli organlar tomonidan:
- 25 706 ta 766,8 ga yer uchastkalari rad etildi;
- 18 992 ta 923,9 ga yer uchastkalari ko‘rib chiqilmoqda;
- 30 115 ta 1 670,2 ga yer uchastkalari bo‘yicha ijobiy xulosa berilib, “E-Ijro auksion” orqali auksionga chiqarildi.
8 636 ta yer uchastkalari auksionda sotildi.
Geodeziya va kartografiya yo‘nalishida:
–2021 yilda 5 876 ta geodeziya punktlari tekshirildi, 592 ta geodeziya o‘lchov ishlari bajarildi.
– 61 513,4 kv.km. maydonda aerosyomka ishlari olib borilib, 26 ming kv.km. maydonda raqamli ortofotoplanlar yaratildi va 2 144,5 ming gektar yer maydonida deshifrovka, yer resurslarini xatlovdan o‘tkazish va elektron xaritalarini yaratish ishlari amalga oshirildi.
Shuningdek, 46 500 ta Geografik obyektlar nomlari davlat ekspertizasidan o‘tkazildi.
Sohani raqamlashtirish yo‘nalishida:
O‘tgan yili quvvati 800 terabaytlik “Maʼlumotlar markazi” va Jahon banki bilan hamkorlikda “Kadastr va ro‘yxatdan o‘tkazish integratsiyalashgan axborot tizimi” to‘liq va ArcGIS dasturida onlayn geoportal pilot tarzida ishga tushirildi;
– 2021 yil 1-maydan boshlab yangi integratsiyalashgan axborot tizimida ilk bor qishloq xo‘jaligi yerlarini elektron shaklda davlat ro‘yxatidan o‘tkazish boshlandi. Bugungi kunda 166,4 mingta qishloq xo‘jaligi yerlaridan foydalanuvchilarning 23,1 mln gektar (96 %) yer maydonlari raqamlashtirildi va elektron xaritada aniq joyi, chizmasi va chegarasi axborot tizimiga kiritildi;
Elektron hisobga olingan 125,0 mingta yerdan foydalanuvchining 21,8 mln gektar (95 %) yer maydonlari davlat ro‘yxatidan o‘tkazildi.
– Davlat soliq qo‘mitasiga hamda “Elektron hukumat” tizimi idoralararo integratsiyalashuv platformasiga ko‘chmas mulk obyektlari to‘g‘risidagi maʼlumotlarni elektron ravishda integratsiya yo‘li orqali (onlayn) taqdim etib borilishi yo‘lga qo‘yildi;
– kommunal to‘lovlarning yagona billing tizimidagi o‘zaro maʼlumotlar almashinuvidagi muammolar bartaraf etildi;
– Yagona interaktiv davlat xizmatlari portali va Davlat xizmatlari markazi orqali to‘liq tartibda elektron xizmat ko‘rsatish yo‘lga qo‘yildi;
– “Litsenziya” axborot tizimlari majmuasi orqali Geodeziya va kartografiya faoliyatini litsenziyalash va ruxsatnoma olish interaktiv xizmatlarni ko‘rsatish yo‘lga qo‘yildi.
Ko‘chmas mulk obyektlarini davlat ro‘yxatidan o‘tkazilishi
5 274,5 mingta ko‘chmas mulk obyektlari davlat ro‘yxatidan o‘tkazildi.
Davlat ro‘yxatidan o‘tkazilmagan ko‘chmas mulk obyektlarining 2 073,7 mingtasida texnik inventar kadastr hujjat mavjud, 617,4 mingtasida kadastr hujjati umuman shakllantirilmaganligi maʼlum bo‘ldi.
