Yil yakuniga qadar 1000 ta, yo‘l yoqasidan 200 ta bo‘sh yer uchastkalarini "E-IJRO AUKSION" elektron savdosiga chiqarish yuzasidan yig‘ilish bo‘lib o‘tdi

Kadastr agentligi, Davlat kadastrlari palatasining Toshkent viloyati boshqarmalari hamda Toshkent viloyati Qurilish boshqarmasi mutasaddilari ishtirokida mazkur masala yuzasidan yig‘ilish bo‘lib o‘tdi. 
Ma'lumki, 2019 yil 1 oktyabrda boshlab, Qoraqalpog‘iston Respublikasi, viloyatlar va Toshkent shahrida qishloq xo‘jaligiga mo‘ljallanmagan bo‘sh turgan yer uchastkalari tadbirkorlik va shaharsozlik faoliyatini amalga oshirish uchun faqat «E-IJRO AUKSION» savdo maydonchasida elektron onlayn-auksion orqali berilishi (eng yaxshi taklifni tanlash orqali yirik investisiya loyihasini amalga oshirish uchun Vazirlar Mahkamasining qarorlariga muvofiq yer uchastkalarini taqdim etish hollari bundan mustasno) hamda jismoniy va yuridik shaxslarga «YERELEKTRON» avtomatlashtirilgan axborot tizimida (keyingi o‘rinlarda «YERELEKTRON» AAT deb ataladi) aniq investisiya majburiyatlari bilan birga yer uchastkasi va rejalashtirilayotgan qurilish ob'ekti to‘g‘risidagi ma'lumotlarni keyinchalik ularni elektron onlayn-auksionga qo‘yish masalasini belgilangan tartibda ko‘rib chiqish uchun joylashtirish bo‘yicha takliflar kiritish huquqi berilishi belgilangan.
Bundan tashqari, O‘zbekiston Respublikasi Prezidentining 2021 yil    8 iyundagi PQ-6243-sonli Farmoniga ko‘ra, «E-IJRO AUKSION» savdo maydonchasida yer uchastkalariga mulk huquqi va ijara huquqi elektron onlayn-auksionda «Elektron onlayn-auksionlarni tashkil etish markazi» davlat unitar korxonasi tomonidan realizasiya qilinishi belgilangan. 
Joriy yilning o‘tgan davri mobaynida Toshkent viloyatida jami 46,3 mlrd so‘mga 1070 ta yer uchastkalari sotilgan.
Yig‘ilishda amalga oshirilgan ishlar muhokama qilinib, yil yakuniga qadar 1000 ta, yo‘l yoqasidan 200 ta bo‘sh yer uchastkalarini auksion savdosiga chiqarish to‘g‘risida tegishli ko‘rsatmalar berildi.

MillionCodersUNG.png

Ishonch telefoni

1097

 

 

 

Onlayn foydalanuvchilar

Onlayn foydalanuvchilar: 248
Система Orphus

So'rovnoma

Yangi saytimizni baholang

Yangiliklarga obuna bo'ling

So'rovnoma

Foydali resurslar


Diqqat! Agar siz matnda xatoliklarni aniqlasangiz, ularni belgilab, ma'muriyatni xabardor qilish uchun Ctrl+Enter tugmalarini bosing