Ekologiya, atrof-muhitni muhofaza qilish va iqlim o‘zgarishi vazirligi tashabbusi bilan yurtimizda 25-mart — “Yer soati” kuni munosabati bilan maxsus aksiya o‘tkaziladi.
Shu kuni sayyoramizga g‘amxo‘rlik qilish, tabiiy resurslarni asrash maqsadida barcha davlat tashkilotlarida elektr jihozlari bir soatga o‘chirilishi munosabati bilan Kadastr agentligi markaziy apparati binosida ham 1 soatga barcha elektr energiyasidan foydalaniladigan qurilmalar o'chirildi.
Yerning tabiiy boyliklarini asrab avaylash maqsadida o'tkazilayotgan aksiya doirasida agentlik xodimlari vaqtdan unumli foydalanish maqsadida sport o'yinlari bilan shug'ullanib, poytaxtda joylashgan G'ofur G'ulom nomli istirohat bog'ini ham aylanib kelishdi.
Mazkur aksiya doirasida hududlarda ham tadbirlar o'tkazilmoqda.
Qashqadaryo viloyati;
Farg'ona viloyati;
Samarqand viloyati;
Namangan viloyati;
Surxondaryo viloyati
‼️ Hurmatli vatandoshlar! Sizni ushbu aksiyada ishtirok etishga va atigi 60 daqiqaga elektrni o'chirishga taklif qilamiz. Bu bilan siz Yerning tabiiy boyliklarini asrab-avaylashga o‘z hissangizni qo‘shasiz va boshqalarni ham sayyoramizga g‘amxo‘rlik qilishga ruhlantirasiz.
