Ko‘p uchraydigan savollarga javoblar
Javob: Xususiylashtirish majburiy hisoblanmaydi.
Fuqarolar va yuridik shaxslar yer uchastkalarini xususiylashtirishga boʻlgan oʻz huquqlarini oʻz ixtiyoriga koʻra hamda oʻz manfaatlaridan kelib chiqqan holda amalga oshiradilar.
Yer uchastkalarini xususiylashtirish bo'yicha davlat xizmatlari Davlat xizmatlari markazlari yoki Yagona interaktiv davlat xizmatlari portali orqali ko'rsatiladi.
Agar fuqaro yer uchastkasini berishni, sotishni xohlamasa, ushbu yer uchastkasi davlat tomonidan ham olib qoʻyilishiga yoʻl qoʻyilmaydi.
“Qishloq xo‘jaligiga mo‘ljallanmagan yer uchastkalarini xususiylashtirish to‘g‘risida qonunning 34-moddasiga ko‘ra shunday belgilangan:
Yer davlat va jamiyat ehtiyojlari uchun sotib olinganda (egasining yozma roziligi bilan);
Yerga ijro hujjatlari bo‘yicha undiruv qaratilganda;
Yer musodara qilinganda;
Yer rekvizisiya qilinganda (epidemiya, tabiiy ofat vaqtida) olinishi mumkin.
Hurmatli fuqaro Siz O‘zbekiston Respublikasining qonunlariga ishoning. Qonun hujjatlariga ko‘ra bugungi kunda respublikamizda uy-joy qurish hamda tadbirkorlik bilan shug‘ullanish uchun yer maydonlarini ajratish auksion orqali amalga oshirilishi belgilab berilgan. Buning uchun maxsus e-auksion.uz sayti faoliyat yuritadi. Agarda sizga kimdir yer olib berishni va’da qilgan bo‘lsa, bu firibgarlik hisoblanadi. Yana qaytaraman bugungi kunda respublikamizda uy-joy qurish hamda tadbirkorlik bilan shug‘ullanish uchun yer maydonlarini ajratish auksion orqali amalga oshiriladi.
Bo‘ladi. Bunda kadastr pasportini shakllantirish uchun ariza DXMga murojaat qilasiz.
Vazirlar Mahkamasining 2018-yil 18-maydagi 370-sonli qarorining 7-ilovasi 20-bandida “Ariza beruvchi dalolatnoma loyihasini tayyorlash yoki kelishish rad etilgan kundan boshlab bir oy mobaynida davlat xizmati ko‘rsatish uchun yig‘imni to‘lamasdan obyektni foydalanishga qabul qilish uchun qayta murojaat qilish huquqiga ega” deb ko‘rsatilgan.
Hurmatli fuqaro xavotirga o‘rin yo‘q. Ko‘chmas mulkka oid barcha hujjatlarni o‘zida jamlagan papka kadastr yig‘majildi deyiladi va u kadastr idoralarining arxivlarida doimiy saqlanadi. Sizga beriladigan karta esa kadastr kartasi deyiladi va unda kadastr yig‘majildida mavjud bo‘lgan barcha hujjatlarning elektron shakli joylashtirilgan bo‘ladi. Kadastr kartasi yo‘qolganda yoki yaroqsiz xolga kelib qolganida uni tiklash oson hisoblanadi, hujjatlardan iborat yig‘majild esa Kadastr arxivlarida saqlanadi
Kadastr hujjatlarini rasmiylashtirish uchun ariza bilan davlat xizmatlari markazlariga murojaat qilasiz. Kadastr idoralariga kelishingiz shart emas. Shuningdek, interaktiv davlat xizmatlari portali orqali onlayn ariza berishingiz ham mumkin. Bugungi kunda kadastr agentligining quyidagi xizmatlaridan onlayn foydalanishingiz mumkin.
1. Qurilishi (rekonstruksiyasi) tugallangan bino va inshootlarni foydalanishga qabul qilish (Yakka tartibda uy-joy qurish obyekti bo‘lmagan obyekt uchun)
2. Qurilishi (rekonstruksiyasi) tugallangan bino va inshootlarni foydalanishga qabul qilish (yakka tartibdagi uy-joy qurish obyekti uchun)
3. Bino va inshootlarni ijara shartnomasini davlat ro‘yxatidan o‘tkazish
4. O‘zganing yer uchastkasidan cheklangan tarzda foydalanish huquqi (servitut) to‘g‘risidagi kelishuvni davlat ro‘yxatidan o‘tkazish
5. Ipoteka, bino va inshootlar, shuningdek yer uchastkasiga bo‘lgan ashyoviy huquqlar ipotekasi to‘g‘risidagi shartnomalarni davlat ro‘yxatidan o‘tkazish
6. Fuqarolar nomida shaxsiy turar joyi mavjud yoki mavjud emasligi to‘g‘risida ma’lumotnoma berish
7. Turar joyning maydoni bo‘yicha ma’lumotnoma olish
8. Respublika hududidagi ko‘chmas mulk obyektida xatlov/taqiq mavjudligi haqida ma’lumot taqdim etish
9. Ko‘chmas mulk obyektlariga bo‘lgan huquqlarni davlat ro‘yxatidan o‘tkazishga ariza yuborish
10. Kadastr pasportini tayyorlash.
Farmonga muvofiq 2021 yil 1 avgustdan boshlab meros qilib qoldiriladigan umrbod egalik, doimiy egalik, vaqtincha foydalanish huquqi bilan yer ajratish tartibi bekor qilinadi, bunda ilgari ajratilgan yer uchastkalariga bo‘lgan bunday huquqlar ularning egalarida amaldagi tartibda saqlanib qolinishi belgilangan.
‼️ Shunga muvofiq, meros qilib qoldiriladigan umrbod egalik huquqi bilan rasmiylashtirilgan yer uchastkasida joylashgan bino-inshootlar begonalashtirilganda ushbu yer uchastkasi ham yangi mulk egasiga o‘tadi.
Farmon bilan ushbu huquqlar bekor qilinmagan.
Farmonning 2-bandi bilan meros qilib qoldiriladigan umrbod egalik, doimiy egalik, vaqtincha foydalanish huquqi bilan yer ajratish tartibi bekor qilingan hamda aynan shu bandda ilgari ajratilgan yer uchastkalariga bo‘lgan bunday huquqlar ularning egalarida amaldagi tartibda saqlanib qolishi belgilangan.
O‘zining egallab turgan yer uchastkasida qurilish, qayta qurish ishlarini amalga oshirish uchun Vazirlar Mahkamasining 2018 yil 18 maydagi 370-sonli qarori bilan tasdiqlangan ma'muriy reglamentlarga asosan ruxsatnoma olish lozim. Buning uchun davlat xizmatlari markazlari orqali murojaat etiladi. Ruxsatnoma Arxitektura qurilish bo‘limi tomonidan beriladi.
Agar yer uchastkasi qizil chiziq hududida yoki muxofaza zonasida joylashgan bo‘lsa yoki o‘zboshimchalik bilan egallangan bo‘lsa, qurilish ishlarini amalga oshirish uchun ruxsat berilmaydi.
Noturar joyni qayta turar joy toifasiga o‘tkazish uchun tegishli hujjatlar bilan joylardagi Davlat xizmatlari markaziga murojaat qilishingiz zarur bo‘ladi. Shu bilan birga, kadastr hujjatlaringizni qayta tayyorlash uchun ariza berishingiz mumkin.
Ko‘p kvartirali uylar atrofidagi yer uchastkasi umumiy foydalanishdagi yer uchastkasi hisoblanadi va u yerda qurilmalar qurish mumkin emas.
O‘zbekiston Respublikasi Yer Kodeksining 91-moddasiga asosan O‘zboshimchalik bilan egallab olingan yer uchastkalari ularga g‘ayriqonuniy ravishda egalik qilingan va foydalanilgan vaqtda qilingan sarf-xarajatlar qoplanmagan tarzda tegishliligiga ko‘ra qaytariladi.
O‘zboshimchalik bilan egallab olingan yer uchastkasini yer egasiga, yerdan foydalanuvchiga, yer uchastkasi ijarachisiga yoki mulkdoriga qaytarish tegishli tuman, shahar, viloyat hokimining qaroriga binoan yoki sudning hal qiluv qaroriga ko‘ra amalga oshiriladi.
