Maslahatchining asosiy vazifalari quyidagilar:

• Kadastr agentligi, shuningdek, uning tizim tashkilotlarda ma’naviy-ma’rifiy sohaga va davlat tiliga oid qonun hujjatlari hamda dasturlar va “yo‘l xaritalari”ning ijrosini tashkil etish;
• Ma’naviy-ma’rifiy sohaga va davlat tiliga oid qonun hujjatlariga so‘zsiz rioya etilishini, ma’naviy-ma’rifiy ishlar samaradorligini oshirish borasidagi ishlarni tanqidiy o‘rganish, bu borada aniqlangan kamchilik va muammolarni bartaraf etish yuzasidan chora-tadbirlarni amalga oshirish;
• Davlat tili to‘g‘risidagi qonun hujjatlari talablariga so‘zsiz rioya etilishini ta’minlash bo‘yicha jamoatchilik nazoratining samarali shakllarini joriy etish yuzasidan takliflar ishlab chiqish va ularning amalga oshirilishida ishtirok etish;
• Ma’naviy-ma’rifiy ishlar samaradorligini oshirish hamda davlat tilini rivojlantirishga oid qonun hujjatlari loyihalarini ishlab chiqish jarayonida faol ishtirok etish;
• Kadastr agentligida, shuningdek, uning tizim tashkilotlarda xodimlarga davlat tilini chuqur o‘rganishlari uchun zarur shart-sharoitlar yaratish hamda davlat tilini keng targ‘ib qilish va rivojlantirish, shu jumladan, “O‘zbek tili bayrami kuni”ni nishonlash bo‘yicha madaniy-ma’rifiy va boshqa tadbirlarni tashkil etish;
• Obyektlarga qonun hujjatlariga muvofiq nom berilishi borasidagi faoliyatni monitoring qilish va bu borada aniqlangan kamchiliklarni bartaraf etish yuzasidan takliflar kiritish;
• Kadastr agentligi va uning tizimidagi tashkilotlardagi barcha tashqi yozuvlar, shu jumladan lavhalar, e’lonlar, reklama va ko‘rgazmali boshqa axborot matnlari, tashqi reklama materiallarining davlat tili va reklama to‘g‘risidagi qonun hujjatlariga muvofiq bo‘lishini ta’minlashda ishtirok etish;
• Davlat tilini rivojlantirishga oid ilmiy-tadqiqot ishlarini qo‘llab-quvvatlash, ilmiy asoslangan yangi so‘z va atamalarni iste’molga kiritish, zamonaviy atamalarning o‘zbekona muqobillarini yaratish bo‘yicha takliflar kiritish;
• Odob ahloq qoidalariga amal qilish;
• Maslahatchi har uch yilda bir marta ish o‘rni va ish haqi saqlangan holda, Alisher Navoiy nomidagi Toshkent davlat o‘zbek tili va adabiyoti universiteti huzuridagi Davlat tilida ish yuritish asoslarini o‘qitish v amalaka oshirish markazi va uning hududiy bo‘linmalarida malaka oshiradi;
• Maslahatchi o‘z zimmasida yuklatilgan vazifalarni amalga oshirishda Departament bilan hamkorlikda ish olib boradi;
• Qonun hujjatlarida belgilangan tartibda Kadastr agentlik faoliyatiga asoslangan boshqa vazifalarni amalga oshiradi;

    Maslahatchining funksiyalari quyidagilar:

• Kadastr agentligi markaziy apparatida ishlab chiqiladigan va kiritiladigan O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari, farmoyishlari, hukumat qarorlari, shuningdek, boshqa me’yoriy hujjatlar, kelishuvlar, buyruqlar, qoidalar loyihalarining davlat tilidagi matnini ushbu hujjatlarni ishlab chiqayotgan bo‘linma rahbari tomonidan imzolangandan so‘ng qo‘shimcha ravishda kelishadi;
• Zarur hollarda, markaziy apparat va boshqarmalari tomonidan davlat tilida tayyorlangan hisobotlar bildirgilar, chiqish xatlari, bayonnomalar va boshqa hujjatlar matnini ko‘rib chiqib, kamchiliklari bo‘lsa, ularni bartaraf etish yuzasidan tavsiyalar berilishini ta’minlaydi;
• Kadastr agentligi bo‘yicha ma’naviy-ma’rifiy soha va davlat tili masalalariga doir buyruqlar ishlab chiqilishi va imzolanishini tashkil etadi;
• Kadastr agentligi rasmiy veb-sayti va internet tarmoqlaridagi sahifalarining sarlavhalarini, tayyorlanayotgan maqola, ma’lumotlar matnini joylashtirishdan avval davlat tili qoidalariga muvofiqligi yuzasidan ko‘rib chiqadi, kamchiliklari bo‘lsa, ularni bartaraf etadi;
• Ish qog‘ozlari, muhr, tamg‘alar, eshik lavhalari, e’lonlar, reklama va ko‘rgazmali boshqa axborot matnlarini buyurtma berishdan avval ko‘rib chiqadi, xatolari bo‘lsa, bartaraf etish choralarini ko‘radi;
• “Elektron hujjat almashish avtomatlashtirilgan axborot tizimi” orqali kelib tushadigan hujjatlarni, topshiriq va murojaatlarni ko‘rib chiqadi va ijrosini ta’minlaydi;
• Hududiy boshqarmalar va tizim tashkilotlarga ish yurtishni davlat tilida tashkil etish masalalarida konsultativ yordam ko‘rsatadi, tavsiyalar beradi;
• Davlat tiliga bag‘ishlangan maqolalar tayyorlab, Kadastr agentligi saytida joylashtiradi;
• Kadastr agentligi rahbariyatining alohida topshiriqlarini bajaradi.

Quyidagilar Xizmatning asosiy vazifalari hisoblanadi:

• Agentlik rahbariyati tomonidan zamonaviy talablarga muvofiq belgilanadigan Agentlikning axborot siyosatini shakllantirish va amalga oshirishda ishtirok etish;
• Axborot sohasidagi yagona davlat siyosatini amalga oshirish borasida O‘zbekiston Respublikasi Prezidentining Matbuot xizmati, davlat va xo‘jalik boshqaruvi hamda boshqa organlarining axborot xizmatlari bilan samarali va amaliy hamkorlikni yo‘lga qo‘yish;
• Qabul qilinayotgan qonun hujjatlarining mazmun-mohiyati va ahamiyatini aholiga yetkazishga qaratilgan materiallar bilan tayyorlab borish;
• Huquqiy targ‘ibotni amalga oshirish, huquqiy axborotni tarqatish;
• Xizmat yuklangan vazifalarni amalga oshirish uchun quyidagi funksiyalarni bajaradi:
• Ommaviy axborot vositalarida (bundan buyon matnda OAV deb ataladi), shu jumladan, Internet tarmog‘ida axborot e'lon kiladi (chop etadi), shuningdek, ularni rasmiy veb-saytlarda joylashtirish va yangilab borishni ta'minlaydi;
• O‘z yo‘nalishi bo‘yicha ommaviy tadbirlarni, shu jumladan, Agentlikning rahbarlari ishtirokidagi tadbirlarni (majlislar, yig‘ilishlar, uchrashuvlar, matbuot anjumanlari, brifinglar, seminarlar, davra suhbatlari va boshqalar) tashkil etadi va o‘tkazadi;
• OAV va jurnalistlarning so‘rovi asosida ularga og‘zaki va yozma shaklda 
• (shu jumladan, elektron hujjat shaklida) axborot taqdim etadi;
• Qabul qilinayotgan qonun hujjatlari, ijtimoiy ahamiyatga molik muhim dasturlar holati to‘g‘risida keng jamoatchilikni xabardor qilib boradi;
• Keng jamoatchilikni Agentlikning faoliyati, uning sohaga doir normativ-huquqiy hujjatlari to‘g‘risida xolisona, sifatli va tezkor xabardor qiladi;
• OAV bilan o‘zaro hamkorlik qiladi, Xizmat bilan doimiy hamkorlikda ishlaydigan jurnalistlar doirasini shakllantiradi, axborot xabarlarini (matbuot uchun axborotlar, byulletenlar va shu kabilarni) tarqatadi, ommaviy tadbirlarni tashkil etadi;
• Agentlikning rasmiy veb-saytida hamda ijtimoiy tarmoqlarida axborotni tezkorlik bilan joylashtiradi va o‘z vaqtida yangilab boradi;
• Axborot maydoni monitoringini olib boradi va tahlil qiladi, ularga munosabat bildirishning turlari, usullari va darajasi bo‘yicha ekspertlar bilan birgalikda takliflar tayyorlaydi, OAV, shu jumladan, Internet tarmog‘ida materiallar tarqatish bo‘yicha kompleks ishlarni tashkil etadi va amalga oshiradi;
• Agentlikning boshqa tarkibiy bo‘linmalari va tuzilmalari bilan birgalikda milliy va xorijiy OAVda tarqatish uchun xabar, axborot-ma'lumot materiallar, sharhlar va axborot-tahliliy materiallar tayyorlaydi;
• Agentlik va uning tuzilmasiga kiruvchi tashkilotlar faoliyatiga nisbatan jamoatchilik fikrining holati hamda milliy va xorijiy OAV pozisiyasini tahlil qiladi va ular to‘g‘risida Agentlik rahbariyatiga axborot beradi;
• Agentlikning faoliyatiga aloqador matnli, foto, audio va videomaterial ma'lumotlar bankini shakllantiradi va yuritadi;
• Ommaviy axborot vositalarining huquqiy axborot bilan ta'minlashdagi rolini oshiradi, huquqiy targ‘ibotning innovasion usullaridan keng foydalanadi, shu jumladan, veb-texnologiyalarni qo‘llashni kengaytiradi;
• Davlat hokimiyati va boshqaruvi organlari, shu jumladan, huquqni muhofaza qiluvchi organlar hamda fuqarolik jamiyati institutlarining manzilli huquqiy targ‘ibotni amalga oshirish borasidagi o‘zaro hamkorligini mustahkamlaydi;
• Davlat xizmatchilarining huquqiy ongi va huquqiy madaniyatini yuksaltirib borish, ularda korrupsiya va boshqa huquqbuzarliklarga nisbatan murosasizlik munosabatini shakllantirishda Komplaens-nazorat xizmatiga ko‘maklashadi;
• Xizmat oldida turgan vazifalarni samarali hal etish uchun zarur bo‘lgan axborotni Agentlikning boshqa tuzilmalari bilan o‘zaro hamkorlikda to‘playdi va ularni puxta ishlaydi;
• Agentlik faoliyatiga doir masalalar bo‘yicha bosma materiallarni tayyorlaydi hamda milliy va xorijiy nashrlarda e'lon qiladi, teleko‘rsatuvlar va radioeshittirishlarni tashkil etadi;
• Agentlik faoliyatiga doir masalalar bo‘yicha jamoatchilik fikrini hamda milliy va xorijiy ommaviy axborot vositalari pozisiyasini o‘rganishga doir tahliliy ishlarni amalga oshiradi, Agentlik rahbariyatiga axborot berish uchun e'lon qilingan dolzarb materiallarning sharhlarini tayyorlaydi;
• Agentlik faoliyatini to‘liq va xolisona yoritish maqsadida milliy va xorijiy OAV hamda jurnalistlar bilan o‘zaro hamkorlikni amalga oshiradi;
• Agentlikning veb-sayti tashkil etilishini hamda uni belgilangan tartibda 
• va darajada yuritishni ta'minlaydi;
• Agentlik tomonidan tashkil etiladigan rasmiy tadbirlardan teledasturlar, roliklar va lavhalar tayyorlashda va ularni montaj qilishda ishtirok etadi hamda ushbu materiallarni belgilangan tartibda saklash uchun ularning arxivlashtirilishini ta'minlaydi;
• Agentlik faoliyatiga doir foto, audio va videomateriallarni tayyorlaydi hamda ularni tayyorlash jarayonida davlat va nodavlat OAV bilan o‘zaro hamkorlik qiladi;
• Xizmat o‘z vakolatlari doirasida boshqa vazifa va funksiyalarni ham amalga oshirishi mumkin.

Quyidagilar Xizmatning asosiy vazifalari hisoblanadi:

• Agentlik va uning tashkiliy tuzilmasiga kiruvchi tashkilotlarda korrupsion huquqbuzarliklar, qonun hujjatlarga zid boshqa noqonuniy xatti-harakatlarni oldini olish, ularni minimallashtirish hamda profilaktikasini amalga oshirish;
• “Korrupsiyaga qarshi kurashish to‘g‘risida”gi O‘zbekiston Respublikasi Qonuni talablariga muvofiq Agentlik tizimida korrupsiya va boshqa huquqbuzarliklarning oldini olish choralarini ko‘rish, shuningdek, huquqni qo‘llash amaliyotini, qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga ko‘maklashuvchi sabablar xamda shart-sharoitlarni aniqlash, tahlil qilish va bartaraf etish;
• Agentlik tizimida korrupsiyaviy harakatlarni sodir etilishiga ko‘maklashuvchi sabab va sharoitlarni bartaraf etishga mo‘ljallangan barcha choralarni tizimli ravishda ko‘rish;
• Agentlik tizimida korrupsiyaga qarshi kurashish bo‘yicha ko‘rilgan chora-tadbirlarni tahlil qilish natijasidan kelib chiqib, Agentlik va uning tashkiliy tuzilmasiga kiruvchi tashkilotlar xodimlari xamda boshqa shaxslarga tizimidagi korrupsiyaviy holatlar haqida o‘z vaqtida axborot berish mexanizmalarini ishlab chiqish, joriy etish va takomillashtirish;
• Agentlik va uning tashkiliy tuzilmasiga kiruvchi tashkilotlar xodimlari faoliyatidagi manfaatlar to‘qnashuvini aniqlash va ularni bartaraf etish;
• Agentlik xodimlari tomonidan O‘zbekiston Respublikasi Vazirlar Mahkamasining 2016 yil 2 martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan Agentlik xodimlarining odob-axloq qoidalari talablariga rioya etilishini nazorat qilish;
• Jismoniy va yuridik shaxslarning korrupiyaga oid murojaatlarini belgilangan tartibda o‘rganib chiqish.

Komplaens-nazorat xizmati o‘ziga yuklangan asosiy vazifalarga muvofiq quyidagi funksiyalarni amalga oshiradi:

• Komplaens-nazorat xizmati tizimini joriy etish va amalga oshirishda xalqaro tashkilotlar tomonidan qo‘llaniladigan amaldagi qoidalar, standartlar, amaliyotlar bo‘yicha tavsiyalarni ishlab chiqadi;
• Korrupsion-xavf to‘g‘risidagi hisobot tizimini ishlab chiqadi va yuritadi hamda Agentlik Direktoriga tizimdagi korrupsion-xavflar to‘g‘risidagi ma'lumotlarni, shuningdek, ularni bartaraf etish bo‘yicha takliflarni taqdim etadi;
• Manfaatlar to‘qnashuvini aniqlaydi, baholaydi hamda nazorat qilish bo‘yicha chor-tadbirlar ishlab chiqadi va amalga oshiradi;
• Korrupsion-xavfi bilan bog‘liq holatlarni hisobga oladi, ularning yuzaga kelish ehtimolini va yuzaga kelishi mumkin bo‘lgan oqibatlarini miqdoriy jixatdan aniqlaydi;
• Agentlikning korrupsiyaga qarshi kurashish siyosatini ishlab chiqadi, joriy etadi, takomillashtiradi va samarali amalga oshirilishini ta'minlaydi;
• Agentlik va uning tashkiliy tuzilmasiga kiruvchi tashkilotlarning faoliyatida taqiqlangan amaliyotlarning holatlari, xatarlari, shu jumladan xodimlar va uchinchi shaxslarning firibgarlik, korrupsiyaviy xatti-harakatlari to‘g‘risidagi murojaatlarini o‘rganadi, tahlil qiladi xamda o‘rnatilgan tartibda ko‘rib chiqilishini ta'minlaydi;
• Xodimlar tomonidan qonun hujjatlar bilan taqiqlangan noqonuniy xatti-xaratkatlarni sodir etilganda ushbu xatti-xarakatlar to‘g‘risidagi faktlarni va holatlarni tekshiradi, o‘rganadi, tahlil qiladi va oldini olish choralarini ko‘radi;
• Korrupsion-xavfni boshqarish bo‘yicha Agentlikning tarkibiy bo‘linmalari bilan o‘zaro hamkorlik qiladi va ularning ushbu faoliyat yo‘nalishlarini muvofiqlashtiradi;
• Agentlik va uning tashkiliy tuzilmasiga kiruvchi tashkilotlar faoliyatida korrupsiya holatlari to‘g‘risida kelib tushgan murojaatlar dinamikasini monitoring qiladi, fuqarolarning huquqlari buzilish holatlarini tahlil qilgan holda oldini olish choralarini ko‘radi;
• Xizmatining faoliyat yo‘nalishlari bo‘yicha Agentlikning ichki lokal hujjatlar loyihalarini ishlab chiqadi, Agentlikning tarkibiy bo‘linmalari bilan kelishilgan holda tasdiqlash uchun Agentlik Direktoriga kiritadi;
• Agentlik Direktorining topshirig‘iga muvofiq Xizmat vakolatlariga kiradigan masalalar bo‘yicha yig‘ilishlarni tashkil qiladi va belgilangan tartibda o‘tkazilishini ta'minlaydi;
• Xizmat faoliyatini avtomatlashtirish, moddiy-texnika va axborot ta'minoti bo‘yicha takliflarni ishlab chiqadi va Agentlik Direktoriga taqdim etadi;
• Xizmatning ish rejalari, yo‘l xaritalari, chora-tadbirlar rejasini ishlab chiqadi, Komplaens-nazorat xizmatining yillik, yarim yillik hisobotlarini tayyorlaydi va Agentlik Direktoriga hamda maxsus vakolatli davlat tashkilotlariga taqdim etadi;
• Vakolat doirasida xodimlar va uchinchi shaxslarning firibgarlik va qonun hujjatlarga zid xatti-harakatlarni aniqlaydi hamda oldini olishga qaratilgan tadbirlarni amalga oshiradi;
• Xizmat faoliyati davomida (yillik, yarim yillik) amalga oshirilgan ishlar bo‘yicha Agentlik Direktoriga hisobot beradi;
• Xodimlar orasida korrupsion holatlarni oldini olishga qaratilgan profilaktik tadbirlarni tashkillashtiradi va o‘tkazadi;
• Korrupsiyani oldini olishda qonunchilikda ruxsat etilgan barcha ma'lumotlarini belgilangan tartibda oladi, to‘playdi, qayta ishlaydi, korrupsiya bilan bog‘liq holatlarni nazorat qilishning shakllari, usullari va vositalaridan foydalanadi hamda zarur bo‘lgan chora-tadbirlarni amalga oshiradi;
• Korrupsiyaga oid huquqbuzarliklar sodir etish imkoniyatini yaratadigan, korrupsiyani yuzaga keltiradigan omillarni aniqlaydi, normativ-huquqiy va ichki lokal tusdagi hujjat loyihalarini qabul qilishning korrupsiya holatlari uchun imkoniyat yaratadigan oqibatlarini umumiy tarzda baholaydi, normativ-huquqiy hujjatlarni qo‘llash jarayonida korrupsiya xususiyatiga ega tavakkalchiliklarning yuzaga kelish ehtimolini prognoz qiladi, aniqlangan korrupsiyani yuzaga keltiruvchi omillarni bartaraf etishga qaratilgan tavsiyalar ishlab chiqadi va choralar ko‘radi;
• Normativ-huquqiy hujjatlar va ular loyihalarining korrupsiyaga qarshi ekspertizadan o‘tkazadi;
• Xodimlarning ongida Agentlik va uning tashkiliy tuzilmasiga kiruvchi tashkilotlar tomonidan korrupsiyaning har qanday shakli namoyon etilishiga yo‘l qo‘ymaslikning bir hilda qabul qilinishini shakllantiradi;
• Xodimlarning korrupsiyaga qarshi kurashish to‘g‘risidagi qonun hujjatlari va Agentlikning korrupsiyaga qarshi kurashish siyosatining talablari, qoidalari, tamoyillarini bilishi hamda ularga qat'iy rioya etilishini ta'minlaydi;
• Agentlik va uning tashkiliy tuzilmasiga kiruvchi tashkilotlarning faoliyatiga asossiz aralashuviga, kadrlarning sha'ni, qadr-qimmati kamsitilishiga, ularning xizmat vazifasi, vakolatlari, funksiyalariga kirmaydigan ishlarga majburiy ravishda jalb qilinishining har qanday shakllariga, xodimlarning huquqlari buzilishiga yo‘l qo‘ymaslik bo‘yicha qonun hujjatlarida nazarda tutilgan choralarni ko‘radi;
• Agentlik va uning tashkiliy tuzilmasiga kiruvchi tashkilotlarda korrupsiyaviy huquqbuzarliklarni sodir etgan yoki sodir etilishiga shart-sharoit yaratib bergan xodimlarni egallab turgan lavozimidan qat'iy nazar, qonun hujjatlariga muvofiq javobgarlikka tortish choralarini ko‘rish bo‘yicha Agentlik Direktoriga takliflar kiritadi;
• Agentlikning korrupsiyaga qarshi kurashishga oid hujjatlarini, jumladan Agentlikning korrupsiyaga qarshi kurashish siyosati, chora-tadbirlar, ish rejalar, yo‘l xaritalar va boshqa aloqador hujjatlarning Agentlik va uning tashkiliy tuzilmasiga kiruvchi tashkilotlar tomonidan to‘liq, sifatli va o‘z vaqtida ijro etilishi holatini o‘rganadi, monitoring qiladi, natijasi bo‘yicha umumlashtirilgan tahliliy ma'lumotlar tayyorlaydi va Agentlik Direktoriga taqdim etadi;
• Agentlik va uning tashkiliy tuzilmasiga kiruvchi tashkilotlarda nazorat idoralari hamda huquqni muhofaza qiluvchi organlari tomonidan o‘tkazilayotgan tekshirishlar jarayonida vakolat doirasidagi masalalar bo‘yicha ishtirok etadi;
• Jismoniy va yuridik shaxslar, ularning vakillari tomonidan Agentlik va uning tashkiliy tuzilmasiga kiruvchi tashkilotlarda faoliyat yuritayotgan xodimlarga nisbatan amalga oshirilayotgan noqonuniy hatti-harakatlar bo‘yicha aybdor shaxslarning qonun oldida javobgarlikka tortilishi muqarrarligini ta'minlash maqsadida huquqni muhofaza qiluvchi idoralari va nazorat qiluvchi  organlari bilan hamkorlik qiladi;
• Korrupsiyaga qarshi kurashish borasida mahalliychilik va qarindosh-urug‘chilik, mansab vakolatlarini suiste'mol qilish, o‘zganing mulkini o‘zlashtirish, o‘g‘irlash, yo‘qolishiga olib keladigan holatlarga yo‘l qo‘ymaslik choralarini ko‘radi;
• Agentlik tizimida korrupsiyaga qarshi kurashish sohasida aniqlangan kamchiliklarni bartaraf etish, kelgusida oldini olish choralarini ko‘rmagan hududiy boshqarmalar va tashkilotlar rahbarlarining xatti-harakatlari yuzasidan Agentlik Direktoriga ma'lumot kiritadi;
• Kadrlar xizmati bilan birgalikda Agentlik va uning tizimida faoliyat yuritayotgan, o‘z lavozimidan shaxsiy manfaatlari yo‘lida foydalanuvchi, mahalliychilikka, qarindosh-urug‘chilikka yo‘l qo‘ygan xodimlarning xatti-xarakatlari yuzasidan Agentlik Direktoriga tahliliy ma'lumotlar kiritadi;
• Agentlik Direktori bilan kelishilgan holda, kadrlar xizmati bilan birgalikda Agentlikning markaziy apparati va uning tashkiliy tuzilmasiga kiruvchi tashkilotlarda rahbarlik lavozimiga tayinlanayotgan xodim(shaxs)lar bo‘yicha o‘z vakolati doirasida dastlabki o‘rganish ishlarini, shu jumladan korrupsiyaga qarshi kurashish bo‘yicha faoliyatni amalga oshiruvchi maxsus vakolatli davlat organlari va idolaridan ma'lumotlar olish orqali amalga oshiradi;
• Agentlikning Moliya-iqtisodiy va buxgalteriya boshqarmasi bilan birgalikda Agentlik, uning tizimidagi hududiy boshqarmalar va tashkilotlar tomonidan xarid qilinadigan tovar (xizmat) bo‘yicha tuziladigan shartnomaviy munosabatlarda manfaatlar to‘qnashuvi va korrupsiyaviy holatlarni oldini olish bo‘yicha choralarini ko‘radi.

Funktsional vazifalari

     Quyidagilar Boshqarmaning asosiy vazifalari va faoliyat yo‘nalishlari hisoblanadi:
Agentlikning huquqni qo‘llash faoliyatida qonun ustuvorligi 
va qonuniylikni ta'minlashni tashkil etish;
Agentlik tomonidan ishlab chiqilayotgan (qabul qilinayotgan) normativ-huquqiy va boshqa hujjatlar loyihalarining qonunchilikka muvofiqligi ustidan nazoratni olib borish;
Agentlikning qonun ijodkorligi faoliyatida ishtirok etish, qonunchilikni takomillashtirish yuzasidan takliflarni tayyorlash masalalarida ularning tuzilmalari ishini muvofiqlashtirish;
Agentlik xodimlarining huquqiy madaniyati va huquqiy savodxonligini oshirish, ularga qabul qilinayotgan normativ-huquqiy hujjatlarning mazmun va ahamiyatini, shu jumladan zamonaviy axborot-kommunikasiya texnologiyalari orqali yetkazishda ishtirok etish;
Agentlikning shartnomaviy-huquqiy va talabnoma-da'vo ishlarini yuritish, uning mulkiy va boshqa manfaatlarini ishonchli himoya qilinishini ta'minlash.
6. Boshqarma o‘ziga yuklatilgan vazifalarni bajarish uchun quyidagi funksiyalarni amalga oshiradi:
1) Agentlikning huquqni qo‘llash faoliyatida qonun ustuvorligi 
va qonuniylikni ta'minlashni tashkil etish sohasida:
Agentlik va uning tizimiga kiruvchi tuzilmalarda qonun buzilishlarini, ularning sabablari va shart-sharoitlarini bartaraf etish yuzasidan takliflar kiritadi, ushbu chora-tadbirlarni amalga oshirishda ishtirok etadi;
Agentlik rahbariyatiga taqdim qilinadigan buyruqlar, farmoyishlar, shartnomalar va yuridik tusdagi boshqa hujjatlar loyihalarini ularning qonunchilikka muvofiqligi yuzasidan ekspertizadan o‘tkazadi hamda ular bo‘yicha e'tiroz va takliflar bo‘lmasa, viza qo‘yadi. Bunda loyihalarga Boshqarma tomonidan Agentlikning boshqa tarkibiy tuzilmalaridan (xodimlaridan) keyin viza qo‘yiladi;
jismoniy va yuridik shaxslarning huquq va erkinliklarini amalga oshirishga ta'sir etadigan davlat organlari va tashkilotlarining qarorlari yuzasidan xulosalar beradi;
mustaqil ravishda yoki boshqa bo‘linmalar bilan birgalikda Agentlikning buyruqlari, farmoyishlari, shartnomalari va yuridik tusdagi boshqa hujjatlarini ishlab chiqish, ularga o‘zgartish va qo‘shimchalar kiritish, shuningdek ularni o‘z kuchini yo‘qotgan deb hisoblash to‘g‘risida takliflar tayyorlaydi;
Agentlikda, shuningdek Agentlikning tegishli tuzilmalarida huquqni qo‘llash amaliyotini o‘rganadi, tahlil qiladi va umumlashtiradi, uni takomillashtirish bo‘yicha takliflar tayyorlaydi va rahbariyatga kiritadi;
Agentlikning boshqa tuzilmalari bilan birgalikda Agentlikning tegishli tuzilmalari va ularning mansabdor shaxslari faoliyatida qonuniylikning buzilishi ko‘rsatilgan arizalar, takliflar va shikoyatlarni ko‘rib chiqishda ishtirok etadi;
Agentlikda boshqaruv tizimini takomillashtirish, uning tizimiga kiradigan tuzilmalar va ularning mansabdor shaxslarining huquq 
va majburiyatlarini belgilash bo‘yicha takliflar ishlab chiqishda ishtirok etadi;

Ageetlikda mehnat haqidagi qonunchilikka rioya etilishini ta'minlashda, shu jumladan mehnat munosabatlarini tartibga soluvchi huquqiy hujjatlarni (mehnat shartnomasi, jamoa shartnomasi, jamoa bitimi va boshqalarni) ishlab chiqishda ishtirok etadi, ushbu hujjatlar loyihalarining qonunchilikka muvofiqligini tekshiradi va huquqiy xulosa beradi;
Agentlik rahbariyatiga Agentlik faoliyatida qonun ustuvorligi 
va qonuniylikni ta'minlash ahvoli yuzasidan hisobot taqdim etadi;
Agentlik xodimlarining kasaba uyushmalari va boshqa vakillik organlariga vakolatlarini amalga oshirishda yuridik yordam ko‘rsatadi;
2) Agentlik tomonidan ishlab chiqilayotgan (qabul qilinayotgan) normativ-huquqiy va boshqa hujjatlar loyihalarining qonunchilikka muvofiqligi ustidan nazoratni olib borish, shuningdek Agentlikning qonun ijodkorligi faoliyatida ishtirok etish, qonunchilikni takomillashtirish yuzasidan takliflarni tayyorlash masalalarida uning tuzilmalari ishini muvofiqlashtirish sohasida:
Agentlikning norma ijodkorligi faoliyatining joriy va istiqbolli rejalarini ishlab chiqadi yoki ularning ishlab chiqilishida, amalga oshirilishi 
va bajarilishini nazorat qilishda ishtirok etadi;
Agentlik vakolatiga kiradigan masalalar bo‘yicha normativ-huquqiy hujjatlar loyihalarini ishlab chiqadi yoxud ishlab chiqishda ishtirok etadi;
Agentlikning idoraviy normativ-huquqiy hujjatlarini ishlab chiqadi yoxud ularni ishlab chiqishda hamda O‘zbekiston Respublikasi Adliya vazirligiga huquqiy ekspertizadan o‘tkazish va davlat ro‘yxatiga olish uchun yuborishda ishtirok etadi;
ekspertizadan o‘tkazish yoki kelishish uchun taqdim etilgan normativ-huquqiy hujjatlar loyihalarini mustaqil yoki boshqa tuzilmalar bilan birgalikda huquqiy ekspertizadan o‘tkazadi, ularning qonunchilikka, qonunchilik texnikasi qoidalariga, havola qiluvchi normalar qo‘llanilishining asosliligi va maqsadga muvofiqligi, shuningdek ularda korrupsiyaga sabab bo‘ladigan omillarning mavjud emasligi yuzasidan huquqiy xulosalar tayyorlaydi;
normativ-huquqiy hujjatlar loyihalari bo‘yicha e'tiroz va takliflar bo‘lmasa, ularga viza qo‘yadi. Bunda loyihalarga yuridik xizmat tomonidan Agentlikning boshqa tarkibiy tuzilmalaridan (xodimlaridan) keyin viza qo‘yiladi;
tizimli ravishda Agentlikning soha faoliyatidagi amaldagi normativ-huquqiy hujjatlarning ularda korrupsiyaga sabab bo‘ladigan omillarni aniqlashga qaratilgan tahlilni o‘tkazadi;
Agentlikning faoliyati sohasida davlat boshqaruvini takomillashtirish bo‘yicha takliflar ishlab chiqishda ishtirok etadi;

Agentlikka kelib tushgan va o‘zi tomonidan chiqarilgan hujjatlar, shu jumladan normativ-huquqiy hujjatlarning tizimlashtirilgan hisobini belgilangan talablarga muvofiq yuritadi, ularning saqlanishini va nazorat holatida bo‘lishini ta'minlaydi;
Agentlikning normativ-huquqiy hujjatlar fondini to‘ldirish, shu jumladan fondni kodekslar, qonunlar, sharhlar, axborotnomalar va boshqa huquqiy nashrlar bilan butlash choralarini ko‘radi, Agentlik rahbariyatiga huquqiy nashrlarga obuna bo‘lish haqida takliflar kiritadi;
Agentlik vakolatiga kiradigan masalalar bo‘yicha qonun hujjatlari to‘plamlarini nashr etishga tayyorlaydi;
Agentlik tizimiga kiradigan tuzilmalarning yuridik xizmatlari faoliyatini muvofiqlashtiradi, kelishilgan hamkorlikni ta'minlaydi;
Agentlik tizimiga kiradigan tuzilmalarning huquqiy ishlariga metodik yordam ko‘rsatadi, yuridik xizmat faoliyati yo‘nalishlari bo‘yicha tavsiyanomalar 
va ko‘rsatmalarni ishlab chiqadi;
3) Agentlik xodimlarining huquqiy madaniyati va huquqiy savodxonligini oshirish, ularga qabul qilinayotgan normativ-huquqiy hujjatlarning mazmun 
va ahamiyatini, shu jumladan zamonaviy axborot-kommunikasiya texnologiyalari orqali yetkazish sohasida:
Agentlik rahbariyati uchun qonunchilik masalalari bo‘yicha tahliliy materiallar tayyorlaydi;
Agentlik, shuningdek uning tizimiga kiradigan tuzilmalar xodimlarining huquqiy bilimlarini oshirish tadbirlarini tashkil etish to‘g‘risida takliflar kiritadi, ushbu tadbirlarni o‘tkazishda ishtirok etadi;
Agentlik faoliyatiga tegishli qonunchilikni targ‘ib qilish ishlarini amalga oshiradi;
zudlik bilan Agentlikning axborot xizmatiga Agentlik veb-saytiga joylashtirish maqsadida qabul qilingan normativ-huquqiy hujjatlar 
va ularning mazmun va ahamiyati to‘g‘risida ma'lumotlar kiritadi;
Agentlik xodimlarining murojaatlari bo‘yicha ularga davlat organi 
va tashkiloti faoliyatiga tegishli huquqiy hujjatlarni topishga ko‘maklashadi, zarur hollarda ularning qoidalari bo‘yicha tushuntirishlar beradi;
qonunchilikka kiritilgan o‘zgartirishlar haqidagi ma'lumotlarni, sud amaliyotini, O‘zbekiston Respublikasi Adliya vazirligining huquqiy ishlarga taalluqli ko‘rsatmalarini Agentlik tizimiga kiradigan tuzilmalarga yetkazadi;
4) shartnomaviy-huquqiy va talabnoma-da'vo ishlarini yuritish, Agentlikning mulkiy va boshqa manfaatlarini ishonchli himoya qilinishini ta'minlash sohasida:

davlat organlari va tashkilotlari, shuningdek fuqarolar bilan nizolar vujudga kelganda, mustaqil yoki boshqa tarkibiy tuzilmalar bilan birgalikda ularni sudgacha hal etish choralarini ko‘radi;
boshqa tuzilmalar bilan birgalikda Agentlik tomonidan shartnomalarni tayyorlash va tuzish ishlarida ishtirok etadi, ularning qonunchilikka muvofiqligini tekshiradi hamda shartnomalar loyihalariga, agar e'tiroz va takliflar bo‘lmasa, viza qo‘yadi. Bunda loyihalarga Boshqarma tomonidan Agentlikning boshqa tarkibiy tuzilmalaridan (xodimlaridan) keyin viza qo‘yiladi;
shartnomalarni tuzish, bajarish, o‘zgartirish va bekor qilishning belgilangan tartibiga rioya etilishini nazorat qiladi;
Agentlik tomonidan tuzilgan shartnomalarni zarur darajada bajarish bo‘yicha takliflar kiritadi, shartnomaviy munosabatlarni takomillashtirish yuzasidan takliflar ishlab chiqishda ishtirok etadi;
Agentlikning manfaatlarini himoya qilish bo‘yicha talabnomalar tayyorlashda 
va Agentlikka nisbatan bildirilgan talabnomalarni ko‘rib chiqishda ishtirok etadi, Agentlikda talabnomalar bildirish va ularni ko‘rib chiqish tartibiga rioya etilishini nazorat qiladi;
tegishli tuzilmalar bilan birgalikda Agentlikning debitorlik va kreditorlik qarzlari ahvolini o‘rganadi, ularning miqdorini kamaytirish choralarini ko‘radi;
shartnomaviy munosabatlardan kelib chiqadigan nizolar yuzasidan da'vo ishlarini olib boradi;
Agentlikning mulkiy va boshqa manfaatlarini huquqiy himoya qilish uchun zarur bo‘lgan hujjatlarni tayyorlashda hamda belgilangan tartibda sud majlislarida ishtirok etadi;
mulkni saqlash masalalari bo‘yicha huquqiy tusdagi hujjatlar loyihalarining qonun hujjatlariga muvofiqligini tekshiradi va ularni tayyorlashda ishtirok etadi;
boshqa tarkibiy tuzilmalar bilan birgalikda Agentlikda mulkning talon-toroj qilinishi, kamomad va noishlab chiqarish xarajatlarining kelib chiqishi sabablari 
va sharoitlarini tahlil qiladi hamda ularni bartaraf etish choralarini ko‘radi, mulkning talon-toroj qilinishi va kamomad holatlari bo‘yicha materiallarni huquqni muhofaza qilish organlariga yuborish uchun rasmiylashtiradi;
moddiy boyliklar va pul mablag‘larini hisobdan chiqarish to‘g‘risidagi hujjatlar loyihalari, shuningdek qonun buzilishlari va suiiste'mollar aniqlangan auditorlik tekshiruvlari va xatlovdan o‘tkazish dalolatnomalari bo‘yicha huquqiy xulosalar beradi.
O‘z vakolati doirasida jismoniy shaxslar va yuridik shaxslarning vakillarini qabul qilish, jismoniy va yuridik shaxslarning murojaatlarini ko‘rib chiqish bilan bog‘liq ishlarni tashkillashtiradi, kelib tushgan ariza, taklif va shikoyatlarni o‘z muddatida ko‘rib chiqilishini nazorat qiladi;
Boshqarma o‘z vakolatlari doirasida boshqa vazifa va funksiyalarni ham amalga oshirishi mumkin.

Quyidagilar Boshqarmaning asosiy vazifalari va faoliyat yo‘nalishlari hisoblanadi:

• Agentlik faoliyatiga oid normativ-huquqiy hujjatlar loyihalarini o‘rnatilgan tartibda ishlab chiqish, kiritish;
• Agentlikka kelishish uchun taqdim etilgan normativ-huquqiy hujjatlar loyihalarini ko‘rib chiqish.

Boshqarmaga yuklatilgan vazifalarni bajarish uchun quyidagi funksiyalarni amalga oshiradi:

• Agentlik faoliyatiga oid normativ-huquqiy hujjatlarni tahlil qiladi;
• Agentlik faoliyatiga oid normativ-huquqiy hujjatlar loyihalarini markaziy apparat tarkibiy tuzilmalari bilan birgalikda belgilangan tartibda ishlab chiqadi, manfaatdor vazirlik va idoralar bilan kelishuvdan, Adliya vazirligidan huquqiy ekspertizadan o‘tkazadi hamda Vazirlar Mahkamasiga kiritadi;
• Agentlik faoliyatiga oid normativ-huquqiy hujjatlarga o‘zgartirish va qo‘shimchalarni kiritish bo‘yicha normativ-huquqiy hujjatlar loyihalarini ishlab chiqadi;
• Normativ-huquqiy hujjatlar loyihalarini barcha manfaatdor vazirliklar, idoralar, mahalliy ijro etuvchi hokimiyat organlariga ko‘rib chiqish, elektron raqamli imzodan foydalangan holda kelishish (viza qo‘yish) uchun, shu jumladan ularning keng jamoatchilik va mutaxassislar muhokamasini o‘tkazish uchun bir vaqtning o‘zida va tezkor jo‘natadi;
• Normativ-huquqiy hujjatlar loyihalarini ishlab chiqish jarayoni hamda kelishish Yagona elektron tizim orqali amalga oshiradi va normativ-huquqiy hujjatlar loyihalarining yagona elektron bazasini yuritadi, shuningdek, normativ-huquqiy hujjatlar loyihalari bo‘yicha axborot-tahliliy va statistik ma'lumotlarni shakllantiradi;
• Agentlik tarkibiy bo‘linmalarining normativ-huquqiy bazasini o‘rganadi va uni takomillashtirish bo‘yicha takliflar kiritadi;
• Agentlik rahbariyatining topshiriqlarini bajaradi.
• Boshqarma o‘z vakolati doirasida boshqa vazifa va funksiyalarni ham bajarishi mumkin.

Quyidagilar bo'limning asosiy vazifalari va faoliyat yoʼnalishlari hisoblanadi:

• Oʼzbekiston Respublikasi Davlat chegarasini (keyingi oʼrinlarda – Davlat chegarasi) delimitatsiya, demarkatsiya (redemarkatsiya) qilish va uning oʼtish chizigʼini tekshirish boʼyicha chegaradosh davlatlar bilan muzokaralar jarayonida ishtirok etadi hamda ishlarni bajarish uchun zarur boʼlgan geodeziya, kartografiya va gidrografiyaga oid ishlarni amalga oshiradi, ular asosida materiallar (maʼlumotlar) tayyorlash;
• Davlat chegarasini delimitatsiya, demarkatsiya (redemarkatsiya) qilish masalalari boʼyicha aerokosmik suratlar, geodeziya maʼlumotlari, yerni masofadan zondlash, topografik, kartografik, gidrografik va boshqa materiallar bilan taʼminlash;
• Davlat chegarasi bilan bogʼliq arxiv materiallarini oʼrganishda ishtirok etish;
• Davlat chegarasini delimitatsiya, demarkatsiya (redemarkatsiya) qilish masalalari boʼyicha manfaatdor vazirliklar va idoralar bilan hamkorlik qilish;
• Davlat chegarasini delimitatsiya, demarkatsiya (redemarkatsiya) qilish sohasidagi normativ-huquqiy hujjatlarni oʼz vakolatlari doirasida ishlab chiqish.
• Boshqarmaga qonunchilikka muvofiq oʼz faoliyatidan kelib chiqqan holda boshqa vazifalar ham yuklanishi mumkin.

Boshqarma oʼziga yuklatilgan asosiy vazifalarga muvofiq quyidagi funktsiyalarni amalga oshiradi:

• Oʼzbekiston Respublikasi Davlat chegarasini (keyingi oʼrinlarda — Davlat chegarasi) delimitatsiya, demarkatsiya (redemarkatsiya) qilish va uning oʼtish chizigʼini tekshirish boʼyicha chegaradosh davlatlar bilan muzokaralar jarayonida ishtirok etadi hamda ishlarni bajarish uchun zarur boʼlgan geodeziya, kartografiya va gidrografiyaga oid ishlarni amalga oshiradi, ular asosida materiallar (maʼlumotlar) tayyorlaydi;
• Davlat chegarasini delimitatsiya, demarkatsiya (redemarkatsiya) qilish masalalari boʼyicha aerokosmik suratlar, geodeziya maʼlumotlari, yerni masofadan zondlash, topografik, kartografik, gidrografik va boshqa materiallar bilan taʼminlaydi;
• Davlat chegarasi bilan bogʼliq arxiv materiallarini oʼrganishda ishtirok etadi;
• Davlat chegarasini delimitatsiya, demarkatsiya (redemarkatsiya) qilish masalalari boʼyicha manfaatdor vazirliklar va idoralar bilan hamkorlik qiladi;
• Davlat chegarasini delimitatsiya, demarkatsiya (redemarkatsiya) qilish sohasidagi normativ-huquqiy hujjatlarni oʼz vakolatlari doirasida ishlab chiqadi;
• Davlat chegarasi chizigʼini oʼtishini aniqlaydigan arxiv, kartografik va boshqa materiallarni yigʼish, tizimlashtirish va har tomonlama tahlil qilishni amalga oshiradi;
• Davlat chegarasini delimitatsiya, demarkatsiya va redemarkatsiya qilish masalalari boʼyicha manfaatdor vazirliklar va idoralar bilan hamkorlik qiladi;
• Davlat chegarasini delimitatsiya, demarkatsiya va redemarkatsiya qilish masalalari boʼyicha qoʼshni davlatlar bilan muzokaralar jarayonida koʼrib chiqiladigan takliflarni Oʼzbekiston Respublikasining manfaatlaridan kelib chiqib ishlab chiqadi;
• Vakolatli organlarni Davlat chegarasini xalqaro-huquqiy rasmiylashtirish jarayonlarida doimiy ravishda maʼlumot va tahlillar bilan taʼminlaydi;
• Vakolat doirasida Davlat chegarasini delimitatsiya, demarkatsiya 
• Va redemarkatsiya qilish boʼyicha Muvofiqlashtiruvchi kengashning Bayoni qaror loyihalarini tayyorlaydi;
• Muvofiqlashtiruvchi kengashga, Hukumat delegatsiyasiga topografik-geodezik maʼlumotlar, kartografik, gidrografik materiallar va boshqa hujjatlarni tayyorlaydi va taʼminlaydi;
• Davlat chegarasini delimitatsiya, demarkatsiya va redemarkatsiya qilishga bogʼliq boʼlgan dala va kameral ishlarni, shu jumladan topo-geodezik, kartografik, gidrografik va boshqa ishlarni tizimli asosda tashkil etadi;
• Delimitatsiya va demarkatsiya ishlari boʼyicha dastlabki ish hajmlar va xarajatlarni aniqlaydi va texnik rejalashtiradi;
• Vazirlik va idoralar hamkorligidagi ishchi komissiyalar Plenar majlislarida ekspert sifatida qatnashadi, Davlat chegara chizigʼini oʼtishini aniqlashdagi delimitatsiya va demarkatsiya qilishda topografik-geodezik, kartografik ishlarni texnologiyasini ishlab chiqadi hamda dala ishlarida qatnashadi;
• Komissiya va ishchi guruhlarni topografik-geodezik maʼlumotlar, huquqiy baza materiallari va xaritalar bilan taʼminlashda hamda uni tayyorlashda ishtirok etadi;
• Arxiv, matn, topografik-geodezik, kartografik va boshqa materiallarni tizimlashtiradi va tahlil qiladi, ekspert xulosalari loyihasini tayyorlaydi;
• Davlat chegara chizigʼining oʼtishi (gidrografik obʼektlar oʼzanining oʼzgarishini aniqlash bilan, ularning oʼzgarishi bilan Davlat chegarasi chizigʼi oʼtishiga aniqlik kiritadi) arxiv materiallarini oʼrganishda bevosita ishtirok etadi; hududning hozirgi holati bilan tavsif yozilgan sanadagi xaritalarni taqqoslaydi;
• Proektsiyalar va xaritalar masshtablarini tanlash, shartli belgilar, xarita varaqlarining oʼlchamlari va turlari, Tavsif-bayoni matnini tayyorlash uchun rasmiylashtirishni kelishishda ishtirok etadi;
• Muvofiqlashtiruvchi kengash bilan delimitatsiya va demarkatsiya boʼyicha yakuniy hujjatlarni tayyorlashda foydalaniladigan normativ – texnik hujjatlarni va topografik, kartografik va boshqa materiallarni rasmiylashtirishda qoʼllaniladigan yoʼriqnomalarni kelishadi;
• Delimitatsiya va demarkatsiya ishlari boʼyicha dastlabki ish hajmlarini, xarajatlarini aniqlash va texnik rejalashtirish ishlarini amalga oshiradi hamda Muvofiqlashtirish kengashiga kelishish uchun kiritadi;
• Oʼzbekiston Respublikasining Davlat chegarasiga oid navbatchi maʼlumotnoma tarzidagi xaritasini yuritadi;
• Oʼzbekiston Respublikasining Davlat chegarasini delimitatsiya, demarkatsiya va redemarkatsiya qilish masalalari boʼyicha qoʼshni davlatlar bilan muzokaralar oʼtkazish masalalarini ishlab chiqadi hamda ishtirok etadi;
• Muvofiqlashtiruvchi kengashida qatnashadi.
• Boshqarma qonunchilikka muvofiq boshqa funktsiyalarni ham bajarishi mumkin.

Quyidagilar Bo‘limning asosiy vazifalari va faoliyat yo‘nalishlari hisoblanadi:

Ko‘chmas mulkka bo‘lgan huquqlarni davlat ro‘yxatidan o‘tkazish, geodeziya, kartografiya va davlat kadastrlarini yuritish sohasida xalqaro hamkorlikni kengaytirish.

Bo‘lim o‘ziga yuklatilgan vazifalarni bajarish uchun quyidagi funksiyalarni amalga oshiradi:

• ko‘chmas mulkka bo‘lgan huquqlarni davlat ro‘yxatidan o‘tkazish, geodeziya, kartografiya va davlat kadastrlarini yuritish sohasida xalqaro hamkorlikni kengaytirish ishlarini tashkil qiladi va amalga oshiradi;
• mulkni ro‘yxatdan o‘tkazish sohasiga oid xalqaro reyting va indekslarda O‘zbekiston Respublikasiga berilgan baholarga sabab bo‘lgan omillar va muammolarni kompleks o‘rganadi va ularni bartaraf etish bo‘yicha Agentlik markaziy apparati tarkibiy bo‘linmalari bilan birgalikda takliflar ishlab chiqadi;
• mulkni ro‘yxatdan o‘tkazish sohasiga oid xalqaro reyting va indekslarni tuzuvchi xalqaro va xorijiy tashkilotlar bilan aloqalarni yo‘lga qo‘yadi va hamkorlik qiladi;
• xorijiy davlatlarning davlat organlari, tashkilotlari hamda yuridik shaxslari, shuningdek xalqaro tashkilotlar va xalqaro moliyaviy tashkilotlardan Agentlik ish yurituviga kelib tushadigan rasmiy murojaatlarni o‘z vakolati doirasida ko‘rib chiqadi;
• xalqaro protokol-vakillik vazifalarini bajaradi;
• Agentlik ishtirokida amalga oshiriladigan xalqaro shartnomalar, bitimlar, protokollar, shuningdek, chet el delegasiyalari vakillari qabuli, muzokaralar, seminarlar va konferensiyalar bo‘yicha dastur va hisobotlar tayyorlaydi;
• o‘z vakolati doirasida jismoniy shaxslar va yuridik shaxslarning vakillarini qabul qiladi hamda ularning murojaatlarni ko‘rib chiqadi;
• Agentlik rahbariyati va vakillarini sohaning faoliyat yo‘nalishlari bo‘yicha chet el rasmiy delegasiyalari, diplomatik vakolatxonalar, konsullik muassasalari va xalqaro tashkilotlar vakillari bilan uchrashuvlarni belgilangan tartibda tashkil etadi;
• xalqaro ekspertlar ishtirokida kadastr organlari va muassasalari xodimlari uchun Agentlikning tegishli tarkibiy tuzilmalari bilan birgalikda ko‘chmas mulkka bo‘lgan huquqlarni davlat ro‘yxatidan o‘tkazish, geodeziya, kartografiya va davlat kadastrlarini yuritish sohasi bo‘yicha xorijiy amaliyot, seminar va o‘quv kurslarini tashkil etish bo‘yicha ishlarini tashkil etadi;
• Agentlik xodimlarining xorijiy xizmat safarlarini belgilangan tartibda tashkil qilishda ishtirok etadi;
• Agentlik rahbarlari va xodimlarining xizmat safarlarini O‘zbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari to‘g‘risida” 2014 yil 5 martdagi PQ-2142-son va “Xorijiy xizmat safarlarida bo‘lishning samaradorligi va xorijiy delegasiyalarning O‘zbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari to‘g‘risida” 2017 yil 3 avgustdagi PQ-3170-son qarorlari talablariga muvofiq tashkil etishda ishtirok etadi;
• xorijiy davlatlarga xizmat safariga boruvchi Agentlik xodimlari bilan suhbatlar o‘tkazadi;
• xorijiy davlatlarga xizmat safaridan qaytgan hodimlar bilan birgalikda bo‘lib o‘tgan xizmat safari natijalari bo‘yicha Agentlik rahbariyatga tahliliy ma'lumot tayyorlab kiritadi;
• Agentlikka kelib tushgan taklif hamda xorijiy hamkorlar o‘rtasida tuzilgan hamkorlik shartnomalari doirasida xorijga chiqish va xizmat safari kvotalari va imkoniyatlari bo‘yicha Agentlik rahbariyatiga va tarkibiy bo‘linmalariga xabar beradi;
• xorijiy xizmat safariga boruvchi Agentlik xodimlariga xizmat safariga oid hujjatlarni rasmiylashtirishda uslubiy va amaliy yordam beradi;
• Bo‘lim xalqaro tashkilotlar tomonidan taqdim etilayotgan grant shaklidagi xizmat safarlariga nomzodlarni til bilish malakasi hamda mehnat faoliyatidagi aniq maqsadga yo‘nalganligi, o‘z sohasida eng ilg‘or xorij tajribasidan xabardorligini aniqlash orqali saralash, xizmat safarlariga tavsiya etadi;
• Agentlik rahbariyati darajasidagi uchrashuvlardan oldin xorijiy delegasiya tarkibi, uchrashuv maqsadi va uchrashuvning tashkiliy masalalariga doir materiallarni tayyorlaydi;
• Agentlik va uning tuzilmasidagi tarkibiy bo‘linmalar rahbarlarining xizmat safari hamda chet elliklar bilan uchrashuvi masalalarini muvofiqlashtiradi; 
• bo‘lim yo‘nalishi, yuklatilgan vazifasi yuzasidan vazirlik, idoralar va mahalliy davlat hokimiyati organlari bilan birgalikda o‘zaro elektron axborot almashuvini ta'minlaydi.

Funksional vazifalari

Boshqarmaning asosiy vazifalari quyidagilardan iborat:

• geodeziya va kartografiya sohasida yagona davlat siyosatini amalga oshirilishini taʼminlash;
• aerokosmik suratga olish, topografiya-geodeziya, kartografiyaga oid izlanishlar hamda tadqiqotlarni, yerlarni masofadan zondlash, geodinamik tadqiqotlar maʼlumotlari va materiallaridan foydalangan holda kartografik monitoringni amalga oshirishni tashkil etish;
• davlat kartografiya-geodeziya kadastrini yuritishni tashkil etish;
• davlat kartografiya-geodeziya fondining faoliyat yuritilishini taʼminlash.

 Boshqarma oʼziga yuklangan vazifalarni bajarish uchun quyidagi funktsiyalarni amalga oshiradi:

Geodeziya va kartografiya sohasida yagona davlat siyosati amalga oshirilishini taʼminlashda:

• geodeziya va kartografiya sohasida yagona davlat siyosati amalga oshirilishini taʼminlaydi;
• geodeziya va kartografiya faoliyati sohasidagi davlat dasturlarini ishlab chiqadi;
• geodeziya punktlarini hisobga olinishini tashkil qiladi;
• davlat boshqaruvi organlarining, mahalliy davlat hokimiyati organlarining, xoʼjalik birlashmalarining, yuridik shaxslarning geodeziya va kartografiyaga oid ishlarni bajarish bilan bogʼliq faoliyatini  muvofiqlashtirish ishlarini tashkil etadi va amalga oshiradi;
• geodeziya va kartografiya faoliyatini texnik jihatdan tartibga solish sohasida normativ hujjatlar loyihalarini ishlab chiqadi hamda tasdiqlash uchun Аgentlik rahbariyatiga kiritadi;
• geodeziya va kartografiya faoliyati sohasida normativ-huquqiy hujjatlarni ishlab chiqadi hamda tasdiqlash uchun Аgentlik rahbariyatiga kiritadi va davlat roʼyxatidan oʼtkazish uchun belgilangan tartibda Oʼzbekiston Respublikasi Аdliya vazirligiga taqdim etadi;
• geodeziya va kartografiya faoliyatini amalga oshirish uchun zarur boʼlgan moddiy-texnika bazaga, asbob-uskunalarga va boshqa texnik vositalarga doir talablarni belgilash ishlarini tashkil qiladi va amalga oshiradi;

Aerokosmik suratga olish, topografiya-geodeziya, kartografiyaga oid izlanishlar hamda tadqiqotlarni, yerlarni masofadan zondlash, geodinamik tadqiqotlar maʼlumotlari va materiallaridan foydalangan holda kartografik monitoringni amalga oshirishda:

• aerokosmik suratga olishga, topografiya-geodeziyaga, kartografiyaga oid va boshqa tekshiruvlarni hamda qidiruv ishlarini tashkil qiladi;
• davlat geodeziya, nivelir, gravimetriya tarmoqlarining hamda geodezik zichlashtirish tarmoqlarining turlari va tarkibini, shuningdek, ularni yaratish tartibini belgilash ishlarini amalga oshiradi;
• davlat geodeziya, nivelir, gravimetriya tarmoqlarini, geodezik zichlashtirish tarmoqlarini yaratish, rivojlantirish va ishlash holatida saqlab turish boʼyicha ishlarni tashkil qiladi;
• yerning kartografik monitoringini, uni masofadan turib zondlashni va geodinamik tadqiqotlarini amalga oshirish ishlarini tashqil qiladi;
• sunʼiy yoʼldosh navigatsiya tizimlarining ishlashini taʼminlash uchun geodeziya va kartografiyaga doir materiallarni (maʼlumotlarni) yaratish ishlarini tashkil qiladi;
• fazoviy maʼlumotlarning milliy infratuzilmasini yaratish, rivojlantirish va uning faoliyat koʼrsatishi boʼyicha ishlarni tashkil qiladi va muvofiqlashtiradi;
• davlat topografik xaritalari va rejalarini yangilash davriyligi normalarini belgilaydi va tasdiqlash uchun Аgentlik rahbariyatiga kiritadi;
• umumdavlat ahamiyatiga molik boshqa geografik axborot tizimlarini yaratish, rivojlantirish va yuritish ishlarini tashkil qiladi;
• umumgeografik, siyosiy-maʼmuriy, ilmiy-maʼlumotga oid xaritalarni va boshqa mavzuli xaritalarni, shuningdek, tarmoqlararo ahamiyatga molik atlaslarni, kartografiya oʼquv qoʼllanmalarini yaratish hamda ularni nashr etish ishlarini tashkil qiladi;
• geografik obʼektlarning nomlarini belgilashni, meʼyorlashtirishni, davlat roʼyxatidan oʼtkazishni, ulardan foydalanishni va ularni saqlashni, shuningdek, Geografik obʼektlar nomlarining davlat reestrini yuritishni amalga oshirilishini tashkil qiladi;
• geodeziya va kartografiya sohasida ilmiy-tadqiqot, tajriba-konstruktorlik va tajriba-texnologik ishlarni bajarilishini tashkil qiladi;
• davlat boshqaruvi organlarini, xoʼjalik birlashmalarini, yuridik va jismoniy shaxslarni geodeziya, kartografiyaga doir materiallar (maʼlumotlar) bilan taʼminlanishi tashkil qiladi;
• geodeziya, kartografiya va kadastrga oid ishlarni metrologik jihatdan taʼminlashni tashkil etadi;
• geodezik va kartografiya sohasida qoʼllaniladigan asbob-uskunalarni taʼmirlash, metrologik attestatsiyaga tayyorlash, ularni qiyoslashni ishlarini tashkil qiladi;
• texnik-oʼlchash vositalarini samarali joriy etishda asos boʼluvchi metrologik taʼminotga oid qiyoslash va taʼmirlash ishlarini tashkil qiladi;
• Davlat chegarasini delimitatsiya, demarkatsiya (redemarkatsiya) qilish masalalari boʼyicha aerokosmik suratlar, geodeziya maʼlumotlari, yerni masofadan turib zondlash, topografik, kartografik, gidrografik va boshqa materiallar bilan taʼminlashni tashkil etadi;
• Davlat chegarasi bilan bogʼliq arxiv materiallarini oʼrganishda ishtirok etadi;
• Oʼzbekiston Respublikasi hududida geodeziya koordinatalarining, balandliklarning, gravimetriya oʼlchovlarining yagona davlat tizimlarini hamda davlat topografik xaritalari va rejalarining masshtab qatorini belgilash masalalari boʼyicha takliflarni Vazirlar Mahkamasiga kiritadi;
• Vazirlar Mahkamasining topshirigʼiga koʼra Oʼzbekiston Respublikasining maʼmuriy-hududiy tuzilishi masalalariga doir hujjatlarni, shu jumladan, xaritalar va chegaralar chizigʼi tavsifini tayyorlaydi, chegaralar nuqtalari koordinatalarining katalogini tuzadi;
• maʼmuriy-hududiy birliklar chegaralarining nizoli uchastkalariga aniqlik kiritish boʼyicha takliflarni Oʼzbekiston Respublikasi Vazirlar Mahkamasiga kiritadi;
• maʼmuriy-hududiy birliklar chegaralarini kelishib olish uchun xaritalar tayyorlashni tashkil qiladi;
• maʼmuriy-hududiy birliklarning davlat reestrini yuritish tartibini belgilangan tartibda ishlab chiqadi va tasdiqlash uchun Vazirlar Mahkamasiga taqdim etadi hamda uni yuritadi;
• maʼmuriy-hududiy birliklarning navbatchi xaritalarini tayyorlash tartibini va ularga doir talablarni tasdiqlash uchun Аgentlik rahbariyatiga kiritadi hamda navbatchi xaritalarni yuritilishini tashkil qiladi;
• maʼmuriy-hududiy birliklarning qoʼshni chegaralari koʼrsatilgan xaritalarni kelishib olish uchun tayyorlash ishlarini tashkil qiladi;
• maʼmuriy-hududiy birliklarning chegaralarini joyida marza belgilari bilan belgilash boʼyicha yer tuzish, geodeziya va kartografiya ishlarini tashkil qiladi;
• davlat kartografiya-geodeziya kadastrini yuritishda:
• kartografiya-geodeziya davlat kadastrini yuritilishini tashkil qiladi;
• davlat kartografiya-geodeziya fondi shakllantirilishi va yuritilishini tashkil etadi;
• geodeziya va kartografiyaga oid ishlarning davlat hisobini yuritilishini tashkil qiladi;
• Oʼzbekiston Respublikasining navbatchi maʼlumotnoma tarzidagi xaritasini yuritilishini tashkil qiladi;
• mahalliy koordinatalar tizimlarini belgilaydi va ulardan foydalanish tartibini aniqlaydi;
• Oʼzbekiston Respublikasi hududida geodeziya koordinatalarining, balandliklarining, gravimetriya oʼlchovlarining yagona davlat tizimlarini hamda davlat topografik xaritalari va rejalarining masshtab qatorini belgilash masalalari boʼyicha takliflarni Аgentlik rahbariyati bilan kelishilgan holda Vazirlar Mahkamasiga kiritadi;
• umumdavlat ahamiyatiga molik geodeziya va kartografiyaga oid ishlar hamda maxsus (tarmoqqa oid) ahamiyatga molik ishlarni roʼyxatga olishni tashkil qiladi;
• grafik, raqamli, fotosurat shaklidagi hamda boshqa shakllardagi davlat topografik xaritalari va rejalarini yaratish, yangilash hamda nashr etishni tashkil qiladi;
• Oʼzbekiston Respublikasi hududida geodeziya punktlarining joylashish zichligi normalarini belgilaydi hamda ularning joylashgan yerini aniqlaydi;
• sohaga oid jismoniy va yuridik shaxslarning murojaatlarini koʼrib chiqadi, ushbu masalalar boʼyicha murojaatlarning har tomonlama va xolisona koʼrib chiqilishini taʼminlaydi;
• Oʼzbekiston Respublikasi Prezidenti, Oʼzbekiston Respublikasi Vazirlar Mahkamasi, Аgentlik rahbariyatining topshiriqlari boʼyicha va oʼz tashabbusiga koʼra sohaga oid qonunlar va boshqa normativ-huquqiy hujjatlar loyihalarini ishlab chiqadi va ularni koʼrib chiqish uchun belgilangan tartibda kiritadi;
• Аgentlik rahbariyatining topshirigʼiga koʼra Oʼzbekiston Respublikasi Oliy Majlisi palatalarida, Oʼzbekiston Respublikasi Prezidenti Аdministratsiyasida, Oʼzbekiston Respublikasi Vazirlar Mahkamasida va boshqa davlat organlarida oʼz vakolatiga kiradigan masalalar yuzasidan Аgentlikning vakili sifatida qatnashadi;
• Boshqarma oʼz vakolatlari doirasida boshqa vazifa va funktsiyalarni ham amalga oshirishi mumkin.
• Boshqarma oʼziga yuklatilgan vazifa va funktsiyalarni bevosita, shuningdek, Аgentlik tizimidagi korxona, tashkilot va hududiy boshqarmalari orqali amalga oshiradi.

Funksional vazifalari

    Quyidagilar Boshqarmaning asosiy vazifalari va faoliyat yo‘nalishlari hisoblanadi:
   jismoniy va yuridik shaxslarning yer qonunchiligi va davlat kadastrlarini yuritish sohasida huquqiy madaniyatini oshirish bo‘yicha ishlarni amalga oshirish, yer va kadastr nazoratiga oid huquqbuzarliklarning oldini olish, ularni aniqlash va bartaraf etish bo‘yicha kompleks tadbirlarni bajarishni tashkil qilish va ta'minlash;
   ko‘chmas mulkka bo‘lgan huquqlarning davlat ro‘yxatidan o‘tkazilishini ta'minlashga va yer uchastkalarining o‘zboshimchalik bilan egallab olinishiga yo‘l qo‘ymaslikka qaratilgan samarali yer nazoratini amalga oshirilishin tashkil qilish va ta'minlash;
   davlat kadastrlarini yuritish tartibiga rioya etilishining nazorat qilinishini ta'minlash.

Boshqarma o‘ziga yuklatilgan vazifalarni bajarish uchun quyidagi funksiyalarni amalga oshiradi

    1) jismoniy va yuridik shaxslarning yer qonunchiligi va davlat kadastrlarini yuritish sohasida huquqiy madaniyatini oshirish bo‘yicha ishlarni amalga oshirish, yer va kadastr nazoratiga oid huquqbuzarliklarning oldini olish, ularni aniqlash va bartaraf etish bo‘yicha kompleks tadbirlarni bajarish sohasida:
   yer qonunchiligi va davlat kadastrlarini yuritish masalalariga daxldor normativ-huquqiy hujjatlarni jismoniy va yuridik shaxslarga o‘z vaqtida tanishtirish va yetkazish ishlarini tashkil etadi va amalga oshirilishini ta'minlaydi;
   yer qonunchiligi va davlat kadastrlarini yuritish sohasida amalga oshirilayotgan ishlarning mazmun-mohiyati to‘g‘risida joylarda (seminar, davra suhbati, uchrashuv brifing) va ommaviy axborot vositalari orqali keng tushuntirish ishlarini tashkil qiladi va olib borilishini ta'minlaydi;
   yer va kadastr nazoratiga doir qonun hujjatlarini hududiy boshqarmalariga yetkazadi;
   yer qonunchiligi va davlat kadastrlarini yuritish tartibini buzishga oid huquqbuzarliklar profilaktikasini amalga oshiradi, shu jumladan ularning sodir etilishi sabablarini aniqlaydi va bartaraf etadi;

    2) ko‘chmas mulkka bo‘lgan huquqlarning davlat ro‘yxatidan o‘tkazilishini ta'minlashga va yer uchastkalarining o‘zboshimchalik bilan egallab olinishiga yo‘l qo‘ymaslikka qaratilgan samarali yer nazoratini amalga oshirish sohasida:
   yerlardan maqsadli foydalanish bo‘yicha davlat nazoratini amalga oshiradi;
   yer uchastkalarining o‘zboshimchalik bilan egallab olinishiga yo‘l qo‘ymaslikka qaratilgan samarali yer nazoratini amalga oshirilishini tashkil qiladi va ta'minlaydi;
   jismoniy va yuridik shaxslar tomonidan yer uchastkalarining o‘zboshimchalik bilan egallab olinishi va ushbu yer uchastkalarida o‘zboshimchalik bilan imorat qurilishini aniqlash ishlarini tashkil qiladi va amalga oshirilishini ta'minlaydi;
   yer toifasidan qat'iy nazar barcha turdagi yer uchastkalariga bo‘lgan huquqlarni davlat ro‘yxatidan o‘tkazmaslik holatlarini aniqlash ishlarini tashkil qiladi va amalga oshiradi;
   yer uchastkasi chegaralarini (chegara nuqtalarini) o‘zboshimchalik bilan o‘zgartirishga yo‘l qo‘ymaslik choralarini ko‘radi;
   aerokosmik suratlar va uchuvchisiz uchish aparatlaridan foydalangan holda yerlarni masofadan turib zondlashni, shuningdek geodezik o‘lchov uskunalari yordamida yerlarni o‘rganishni tashkil etadi va amalga oshiradi;
   jismoniy va yuridik shaxslar tomonidan o‘zboshimchalik bilan yer uchastkalarini egallab olish hamda noqonuniy qurilmalarni aniqlash holatlari bo‘yicha ma'muriy huquqbuzarlik to‘g‘risidagi ma'lumotlarni “E-YER NAZORAT” avtomatlashtirilgan axborot tizimi (keyingi o‘rinlarda – “E-YER NAZORAT” ATT) orqali tegishli davlat organlariga belgilangan tartibda taqdim etadi hamda ushbu holatlarni bartaraf etishni nazorat qiladi;
   jismoniy va yuridik shaxslar tomonidan yer uchastkalariga bo‘lgan huquqlarni davlat ro‘yxatidan o‘tkazmaslik, yer uchastkalarining o‘zboshimchalik bilan egallab olish holatlari bo‘yicha ma'muriy huquqbuzarlik to‘g‘risidagi ishlarni ko‘rib chiqilishini tashkil qiladi va amalga oshirilishini ta'minlaydi;

   yer nazorati sohasida aniqlangan qonun buzilish holatlari yuzasidan Ichki ishlar organlariga dasturiy ta'minot orqali tegishli ma'lumotlarni belgilangan tartibda kiritib borilishini ta'minlaydi;
   yer nazorati sohasida kompleks tadbirlar bajarilishini ustidan nazorat qiladi;
   ko‘chmas mulkka bo‘lgan huquqlarning davlat ro‘yxatidan o‘tkazilishini ta'minlash va yer uchastkalarining o‘zboshimchalik bilan egallab olish bo‘yicha aniqlangan qonun buzilishi holatlarini bartaraf etish choralarini ko‘rish yuzasidan tuman (shahar) bo‘limlarining hisobotlarini tahlil qiladi va umumlashtiradi;
   ko‘chmas mulkka bo‘lgan huquqlarning davlat ro‘yxatidan o‘tkazilishini ta'minlashga va yer uchastkalarining o‘zboshimchalik bilan egallab olinishiga yo‘l qo‘ymaslikka qaratilgan samarali yer nazorati sohasida normativ-huquqiy hujjatlar loyihalarini ishlab chiqishda ishtirok etadi;

Funksional vazifalari

Yer monitoringi bo‘limi ishlariga rahbarlikni ta‘minlaydi, ularni tashkil qiladi;

Kadastr agentligi tomonidan rahbariyati tomonidan ko‘rib chiqilishi uchun yer monitoringi to‘g‘risidagi qonun hujjatlarini takomillashtirish bo‘yicha takliflar, shuningdek yer qonunchiligi, yer monitoringi masalalari bo‘yicha buyruqlar, ko‘rsatmalar, yo‘riqnomalar hamda ma‘lumotnomalar loyihalarini ishlab chiqadi va tayorlaydi;

Hududiy bo‘linmalarning yer monitoringini ishlab chiqilgan normativ hujjatlarga muvofiq amalga oshirish va o‘tkazish ishlarini tashkil qiladi va muvofiqlashtiradi;

Yer monitoringi to‘g‘rsidagi hisobotlarni to‘plash, tahlil qilish hamda umumlashtirish ishlariga rahbarlik qiladi.

Funksional vazifalari

• Bo‘limning yerdan foydalanish va uni muhofaza qilishni nazorat qilish ishlariga rahbarlik qiladi hamda ularni tashkil qiladi;
• Kadastr agentligi rahbariyati tomonidan ko‘rib chiqilishi uchun yerdan foydalanish va uni muhofaza qilishni nazorat qilish ishlarini takomillashtirish bo‘yicha takliflar, shuningdek yer qonunchiligi, yerdan foydalanish va uni muhofaza qilish masalalari bo‘yicha buyruqlar, ko‘rsatmalar, yo‘riqnomalar hamda ma‘lumotnomalar loyihalarini ishlab chiqadi va tayorlaydi;
• Kadastr agentligi hududiy organlarining yerdan foydalanish va uni muhofaza qilish ustidan davlat nazoratini amalga oshirish bo‘yicha ish faoliyatini tashkil qiladi hamda muvofiqlashtiradi;
• Yuridik va jismoniy shaxslarning arizalari, arznomalari hamda takliflarini ko‘rib chiqadi, yerdan foydalanish va uni muhofaza qilish nazorati qilish bo‘limi vakolatlariga kiradigan masalalar bo‘yicha tushuntirishlar tayyorlaydi;
• Yerdan foydalanish va uni muhofaza qilish nazorati qilish to‘g‘rsidagi hisobotlarni to‘plash, tahlil qilish hamda umumlashtirish ishlariga rahbarlik qiladi;

Boshqarmaning vazifalari va funksiyalari:

a) Agentlik faoliyatining asosiy yo‘nalishlari ko‘rsatkichlarini umumlashtirish, samaradorligini tahlil qilish va statistik materiallarni tizimlashtirish;

b) Agentlik markaziy apparati tarkibiy tuzilmalari bilan hamkorlikda axborot-tahliliy materiallarni tayyorlash uchun zarur statistik hisobot shakllarini ishlab chiqish va uni yagona yig‘ma hisobot to‘plamiga (byulleteniga) jamlash;

v) vazirliklar, idoralar va yuqori tashkilotlarga axborotlarni markazlashgan holda taqdim etish tizimini ishga tushirish;

Agentlikka yuklatilgan vazifalardan kelib chiqib, boshqarmaga qonun hujjatlariga muvofiq boshqa vazifalar ham yuklatilishi mumkin.

5. Boshqarma o‘ziga yuklatilgan vazifalarni bajarish uchun quyidagi funksiyalarni amalga oshiradi.

a) Agentlik faoliyatining asosiy yo‘nalishlari ko‘rsatkichlarini umumlashtirish, samaradorligini tahlil qilish va statistik materiallarni tizimlashtirish borasida:

Agentlik ishining natijadorligini belgilovchi asosiy statistik ko‘rsatkichlarni tizimlashtirgan holda shakllantiradi va yuritadi;

Boshqarmaning asosiy vazifalari quyidagilardan iborat:

Boshqarmaning asosiy vazifalari quyidagilardan iborat:

• davlat geodeziya nazoratini amalga oshirish;
• geodeziya va kartografiya faoliyatining barcha sub'ektlari tomonidan geodeziya va kartografiya faoliyati to‘g‘risidagi qonunchilik hujjatlari talablariga lariga rioya etilishini ta'minlash;
• geodeziya va kartografiyaga oid ishlarni, geodeziya punktlarini ro‘yxatdan o‘tkazish hamda hisobga olishni tashkil etish;
• davlat kartografiya-geodeziya fondining faoliyat yuritilishini nazorat qilish.

Funksional vazifalari

Agentlik direktori va uning o‘rinbosarlari hamda geodeziya nazorati boshqarmasi boshlig‘i tomonidan berilgan topshiriq va ko‘rsatmalarni, Boshqarma va bo‘limga lavozim yo‘nalishi doirasida yuklatilgan funksiyalar hamda vazifalarning o‘z vaqtida va sifatli bajarish;

geodeziya va kartografiya sohasida ishlarni olib borishning belgilangan tartibiga va normativ-texnik hujjatlar talablariga hamda davlat standartlariga rioya etilishini nazorat qilish;

geodeziya va kartografiya sohasidagi qo‘llaniladigan metodikalar va texnologiyalarning muvofiqligini, loyihalashtirilayotgan ishlarda boshlang‘ich ma’lumotlar va materiallar hisobga olinganligini tekshirish maqsadida geodeziya va kartografiya ishlarini bajarishning texnik loyihalari (dasturlari)ni ekspertiza qilish va ro‘yxatdan o‘tkazish;

umumdavlat hamda maxsus (tarmoqqa oid) ahamiyatiga molik geodeziya va kartografiyaga oid ishlarni ro‘yxatga olishni amalga oshirish;

geodeziya va kartografiya ishlarida tashkilotlar tomonidan koordinatlar va balandliklarning davlat va mahalliy tizimi qo‘llanishini nazorat qilish;

geodeziya va kartografiya faoliyati bilan shug‘ullanuvchi korxonalar, muassasalar va tashkilotlar tomonidan xarita, reja va atlaslarni tuzish, nashr etishning belgilangan tartibiga rioya etilishini nazorat qilish;

kartografiyaga doir materiallarda hamda boshqa hujjatlarda O‘zbekiston Respublikasining Davlat chegarasi va hududi to‘g‘ri aks ettirilganligi ustidan nazorat qilish;

geodeziya va kartografiya ishlarini yuritish masalalari bo‘yicha yo‘riqnomalar, normalar, qoidalar, standartlar va boshqa normativ hujjatlarni ishlab chiqishda ishtirok etishdan iborat.

Geodeziya va topografiya nazorati bo‘limini vazifalari

Geodeziya va kartografiya faoliyati sub'ektlari tomonidan bajariladigan geoaxborot tizimlarini barpo etish ishlarining tashkil etilishi, yo‘lga qo‘yilishi, ishlarni bajarishda va geodeziya ma'lumotlari, materiallar, rejalar va xaritalarda, kosmik va aerofotosuratlardan foydalanishda ular tomonidan normativ-texnik hujjatlar talablariga rioya etilishini nazorat qilish;

“Lisenziya” AT imkoniyatlaridan kelib chiqqan holda xabardor qiluvchi yuridik shaxslarni mavjud talab va shartlarga rioya qilinganligi to‘g‘risida kiritilgan ma'lumotlar, shuningdek, vakolatli organlar va idoralardan olingan boshqa axborotlar asosida masofaviy monitoringini amalga oshirish;

Umumdavlat ahamiyatiga molik geodeziya va kartografiyaga doir materiallar (ma'lumotlar) davlat kartografiya geodeziya fondiga topshirilishi, shuningdek, ushbu fonddan olingan materiallardan (ma'lumotlardan) foydalanishi ustidan nazorat qilish;

Geodeziya va kartografiya ishlarida tashkilotlar tomonidan koordinatlar va balandliklarning davlat va mahalliy tizimi qo‘llanishini nazorat qilish;

Geodeziya punktlari saqlanishi va ularning qonun hujjatlariga muvofiq qayta tiklanishi ta'minlanishi bo‘yicha tadbirlarning bajarilishini nazorat qilish;

Maʼmuriy amaliyot boʻlimining asosiy vazifalari quyidagilar hisoblanadi:

a) agentlik organlarida davlat yer, kadastr va geodeziya nazorati sohasidagi maʼmuriy huquqbuzarliklar toʻgʻrisidagi ishlarni yuritishni tashkil etish;

b) agentlik organlarida yer, kadastr va geodeziya nazorati sohasiga oid huquqbuzarliklar toʻgʻrisidagi ishlarni yuritishda qonunchilikka rioya etilishi ustidan nazoratni amalga oshirish;

v) agentlik organlarining yer, kadastr va geodeziya nazorati sohasidagi huquqbuzarliklar toʻgʻrisida ishlarni yuritish boʻyicha sudlar, tergovga qadar tekshiruvni amalga oshiruvchi, surishtiruv va tergov organlari bilan oʻzaro hamkorligini tashkil etish;

g) agentlik organlarida yer, kadastr va geodeziya nazorati sohasidagi huquqbuzarliklar sodir etilishi sabablari va ularga olib kelgan shart-sharoitlarni bartaraf etish chora-tadbirlarini amalga oshirishni tashkil etish.

Boʻlim oʻziga yuklangan vazifalarga muvofiq quyidagi funksiyalarni amalga oshiradi:

a) agentlik organlarida yer, kadastr va geodeziya nazorati sohasidagi maʼmuriy huquqbuzarliklar toʻgʻrisidagi ishlarni yuritishni tashkil etish sohasida:

yer, kadastr va geodeziya nazorati sohasidagi maʼmuriy huquqbuzarlik toʻgʻrisidagi ishlarni yuritishda bir xil amaliyotni taʼminlash maqsadida belgilangan tartibda uslubiy qoʻllanmalar va tavsiyalar ishlab chiqadi;

yer, kadastr va geodeziya nazorati sohasidagi maʼmuriy huquqbuzarliklar toʻgʻrisidagi ishlarni qonunga muvofiq yuritilishini tashkil qiladi;

maʼmuriy huquqbuzarlik toʻgʻrisidagi ish yuzasidan chiqarilgan qaror xususidagi berilgan shikoyat yoki bildirilgan protestni belgilangan tartibda koʻrib chiqilishini taʼminlaydi;

yer, kadastr va geodeziya nazorati sohasidagi huquqbuzarliklar va ular yuzasidan koʻrilgan choralar toʻgʻrisida choraklik, yarim yillik, yillik statistik hisobotlar, axborotlar, maʼlumotlarni umumlashtiradi va tahlil qiladi;

agentlik organlarida yer, kadastr va geodeziya nazorati sohasiga oid huquqbuzarliklar toʻgʻrisidagi ishlarni yuritishni tartibga soluvchi meʼyoriy hujjatlarni oʻzlashtirib borish borasida xodimlar oʻrtasida ishni tashkillashtiradi;

b) agentlik organlarida yer, kadastr va geodeziya nazorati sohasiga oid huquqbuzarliklar toʻgʻrisidagi ishlarni yuritishda qonunchilikka rioya etilishi ustidan nazoratni amalga oshirish sohasida:

yer, kadastr va geodeziya nazorati sohasiga oid huquqbuzarliklar toʻgʻrisidagi ishlarni yagona markazlashtirilgan axborot tizimida belgilangan tartibda hisobga olinishini nazorat qiladi;

agentlik organlari tomonidan:

maʼmuriy huquqbuzarlik toʻgʻrisidagi ishlarni qonun talablariga muvofiq oʻz  vaqtida koʻrib chiqilib hal etilishini va chiqarilgan qarorlarning ijrosini taʼminlanishini;

maʼmuriy huquqbuzarlik toʻgʻrisidagi ishlarni taalluqliligi boʻyicha vakolatli organ (mansabdor shaxs)larga yuborilishini;

jinoyat alomatlari mavjud materiallarni belgilangan tartibda tergovga qadar tekshiruvni amalga oshiruvchi, surishtiruv va tergov organlariga yuborilishini nazorat qiladi;

agentlikning quyi organlarida maʼmuriy huquqbuzarlik toʻgʻrisidagi ishlarni yuritish, taalluqliligi boʻyicha vakolatli organlarga yuborish, qarorlarni ijro etish, materiallarni jinoyat alomatlari bilan tergovga qadar tekshiruvni amalga oshiruvchi, surishtiruv va tergov organlariga yuborish tartiblariga rioya etilishini oʻrganadi va amaliy yordam koʻrsatadi;

v) agentlik organlarining yer, kadastr va geodeziya nazorati sohasiga oid huquqbuzarliklar toʻgʻrisida ishlarni yuritish boʻyicha jinoyat ishlari boʻyicha sudlar, tergovga qadar tekshiruvni amalga oshiruvchi, surishtiruv va tergov organlari bilan oʻzaro hamkorligini tashkil etish sohasida:

vakolatli organlar bilan yer, kadastr va geodeziya nazorati sohasiga oid huquqbuzarliklar toʻgʻrisida yuborilgan ishlar yuzasidan qabul qilingan qarorlar haqida oʻzaro axborot almashish boʻyicha qoʻshma hujjatlar ishlab chiqadi;

yer, kadastr va geodeziya nazorati sohasiga oid huquqbuzarliklar boʻyicha tergovga qadar tekshiruvni amalga oshiruvchi, surishtiruv va tergov organlariga yuborilgan jinoyat alomatlari mavjud materiallar va ular yuzasidan qabul qilingan qarorlar boʻyicha belgilangan tartibda oʻzaro solishtiruv dalolatnomalari tuzilishini taʼminlaydi;

yer, kadastr va geodeziya nazorati sohasiga oid huquqbuzarliklar yuzasidan yuritilgan maʼmuriy ishlar, jinoyat haqidagi materiallar va ular yuzasidan qabul qilingan qarorlar toʻgʻrisida oʻzaro axborot almashish orqali olingan davriy maʼlumot va hisobotlarni umumlashtiradi hamda tahlil qiladi;

g) agentlik organlarida yer, kadastr va geodeziya nazorati sohasidagi huquqbuzarliklar sodir etilishi sabablari va ularga olib kelgan shart-sharoitlarni bartaraf etish chora-tadbirlarini amalga oshirishni tashkil etish sohasida:

huquqbuzarliklar profilaktikasi toʻgʻrisidagi qonunchilik hujjatlarida belgilangan tartibda huquqbuzarliklar profilaktikasini amalga oshirishda ishtirok etadi;

yer, kadastr va geodeziya nazorati sohasiga oid huquqbuzarliklar sodir etilishi sabablari va ularga olib kelgan shart-sharoitlarni bartaraf etish chora-tadbirlarini koʻrish haqida davlat organlari, korxonalar va tashkilotlar rahbarlariga taqdimnoma kiritilishini taʼminlaydi.

Funksional vazifalari

Quyidagilar Boshqarmaning asosiy vazifalari va faoliyat yoʼnalishlari hisoblanadi:
1) koʼchmas mulkka boʼlgan huquqlarni davlat roʼyxatidan oʼtkazish sohasida:
koʼchmas mulkka boʼlgan huquqlarni davlat roʼyxatidan oʼtkazish sohasida yagona davlat siyosati amalga oshirilishini taʼminlash;
koʼchmas mulkka boʼlgan huquqlarni davlat roʼyxatidan oʼtkazish ishlarini tashkil qilish va muvofiqlashtirish;
binolar va inshootlar davlat kadastrini yuritilishini tashkil qilish 
va muvofiqlashtirish;
2) davlat kadastrlarini yuritish sohasida:
davlat kadastrlarini yuritish sohasida yagona davlat siyosati amalga oshirilishini taʼminlash;
davlat boshqaruvi organlari va mahalliy davlat hokimiyati organlarining davlat kadastrlarini yuritish sohasidagi faoliyatini muvofiqlashtirish;
Davlat kadastrlari yagona tiziminining samarali yuritilishini taʼminlash.
 

Boshqarma oʼziga yuklatilgan vazifalarni bajarish uchun quyidagi funktsiyalarni amalga oshiradi:

1) koʼchmas mulkka boʼlgan huquqlarni davlat roʼyxatidan oʼtkazish sohasida:
a) koʼchmas mulkka boʼlgan huquqlarni davlat roʼyxatidan oʼtkazish sohasida yagona davlat siyosati amalga oshirilishini taʼminlashda:
koʼchmas mulkka boʼlgan huquqlarni davlat roʼyxatidan oʼtkazish sohasida yagona davlat siyosatining ustuvor rivojlanish yoʼnalishlarini ishlab chiqadi;
koʼchmas mulkka boʼlgan huquqlarni davlat roʼyxatidan oʼtkazish faoliyatini ilmiy-texnologik va metodik taʼminlashni tashkil etadi;
b) koʼchmas mulkka boʼlgan huquqlarni davlat roʼyxatidan oʼtkazishda:
koʼchmas mulkka boʼlgan huquqlarni davlat roʼyxatidan oʼtkazishni tashkil etadi, muvofiqlashtiradi va nazorat qiladi;
koʼchmas mulkka boʼlgan huquqlarning yuzaga kelishi, oʼzgarishi, boshqa shaxsga oʼtishi, cheklanishi va bekor boʼlishini nazarda tutuvchi qarorlar, auktsion va tanlov bayonnomalari, notarial tasdiqlangan bitimlar hamda boshqa hujjatlarni Oʼzbekiston Respublikasi Milliy geografik axborot tizimida davlat roʼyxatidan oʼtkazishni tashkil etadi va nazorat qiladi;
koʼchmas mulkka boʼlgan huquqlarni davlat roʼyxatidan oʼtkazish sohasida normativ-huquqiy hujjatlar loyihalarini belgilangan tartibda ishlab chiqadi, tasdiqlash uchun rahbariyatga kiritadi va davlat roʼyxatidan oʼtkazish uchun Oʼzbekiston Respublikasi Аdliya vazirligiga taqdim etadi;
koʼchmas mulkka boʼlgan huquqlarning yuzaga kelishi, boshqa shaxslarga oʼtishi, cheklanishi, bekor boʼlishi va koʼchmas mulkka doir boshqa bitimlar toʼgʼrisidagi yagona elektron maʼlumotlar bazasini shakllantirilishi va takomillashtirilishini tashkil qiladi;
axborot-kommunikatsiya texnologiyalarini joriy etish orqali koʼchmas mulkka boʼlgan huquqlarni davlat roʼyxatidan oʼtkazishning shaffof va ommaga ochiq tizimi ishlashini tashkil qiladi;
koʼchmas mulk obʼektlariga kadastr hujjatlarini rasmiylashtirishda Davlat kadastrlari palatasi hamda kadastr muhandislari faoliyatini muvofiqlashtiradi 
va monitoringini amalga oshiradi;
respublika darajasida koʼchmas mulk obʼektlari geokodlari koʼrsatilgan holda, elektron kartalarni shakllantirilishini tashkil qiladi;
kadastr va koʼchmas mulkni roʼyxatdan oʼtkazish integratsion axborot tizimi rivojlantirilishini tashkil etadi;
kadastr muhandislari faoliyatini metodik qoʼllab-quvvatlaydi;
kadastr muhandislariga belgilangan tartibda malaka shahodatnomasini rasmiylashtiradi va berilishini taʼminlaydi;

koʼchmas mulk obʼektlari manzillari yagona reestri shakllantirilishi va yuritilishini tashkil etadi hamda nazorat qiladi;
bino va inshootlarning kadastr qiymatini belgilash ishlarini tashkil etadi va metodik qoʼllab-quvvatlaydi;
koʼchmas mulk obʼektlari manzillari yagona reestrini yuritish sohasida normativ-huquqiy hujjatlar loyihalarini ishlab chiqadi;
fuqarolar va tadbirkorlik subʼektlarining koʼchmas mulk obʼektlariga boʼlgan huquqlarni davlat roʼyxatidan oʼtkazish sohasidagi arizalari va shikoyatlarini koʼrib chiqish boʼyicha Аgentlikning apellyatsiya komissiyasining ishini tashkil etadi, shuningdek unda koʼrib chiqiladigan masalalar va holatlar yuzasidan boshqarmaning vazifalari, vakolatlari va funktsiyalari doirasida tushuntirishlar hamda xulosalar beradi;
v) binolar va inshootlar davlat kadastrini yuritishda:
binolar va inshootlar davlat kadastri yuritilishini tashkil etadi;
Davlat kadastrlari palatasining binolar va inshootlar davlat kadastri yuritish faoliyatini tashkil qiladi, monitoringini yuritadi, muvofiqlashtiradi hamda nazorat qiladi;
binolar va inshootlar davlat kadastrini yuritish sohasida normativ-huquqiy hujjatlar loyihalarini belgilangan tartibda ishlab chiqadi, tasdiqlash uchun Аgentlik rahbariyatiga kiritadi va davlat roʼyxatidan oʼtkazish maqsadida Oʼzbekiston Respublikasi Аdliya vazirligiga taqdim etadi;
axborot-kommunikatsiya texnologiyalarini qoʼllagan holda jismoniy va yuridik shaxslarga tezkor va sifatli davlat xizmatlari koʼrsatilishinini tashkil etadi, muvofiqlashtiradi va nazoratini amalga oshiradi;
foydalanuvchilarni belgilangan tartibda kadastr axborotlari bilan taʼminlashni tashkil etadi;
2) davlat kadastrlarini yuritish sohasida:
a) davlat kadastrlarini yuritish sohasida yagona davlat siyosati amalga oshirilishini taʼminlashda:
davlat kadastrlarini yuritishni takomillashtirishga qaratilgan yagona davlat siyosatini ishlab chiqadi va uni amalga oshirilishini taʼminlaydi;
Milliy geografik axborot tizimini yaratish, rivojlantirish va yuritishni tashkil qiladi;
davlat kadastrlari yuritilishiga doir normativ-huquqiy hujjatlarni belgilangan tartibda ishlab chiqadi, tasdiqlash uchun Аgentlik rahbariyatiga kiritadi 
va davlat roʼyxatidan oʼtkazish maqsadida Oʼzbekiston Respublikasi Аdliya vazirligiga taqdim etadi;
b) davlat boshqaruvi organlari va mahalliy davlat hokimiyati organlarining davlat kadastrlarini yuritish sohasidagi faoliyatini muvofiqlashtirishda:
davlat boshqaruvi organlari va mahalliy davlat hokimiyati organlarining davlat kadastrlarini yuritish sohasidagi faoliyatini monitoring qiladi va muvofiqlashtiradi;
davlat boshqaruv organlari, mahalliy davlat hokimiyati organlari, xoʼjalik birlashmalari va boshqa tashkilotlar tomonidan tegishli davlat kadastrlari maʼlumotlari Milliy geoaxborot tizimiga taqdim etib borilishi monitoringini olib boradi;

v) Davlat kadastrlari yagona tizimini yuritishda:
Davlat kadastrlari yagona tiziminining samarali yuritilishini tashkil qiladi;
Davlat kadastrlari yagona tizimini yuritish sohasida normativ-huquqiy hujjatlar loyihalarini ishlab chiqadi;
Davlat kadastrlari palatasining Davlat kadastrlari yagona tizimini yuritish boʼyicha faoliyatini monitoring qiladi va muvofiqlashtiradi;
Davlat kadastrlari yagona tizimi qonun hujjatlariga muvofiq yuritilishi ustidan nazorat qiladi;
Davlat kadastrlari yagona tizimiga kiritiladigan tarmoq kadastr axborotlarini yigʼish, tahlil qilish, turkumlash, saqlash va yangilashni tashkil qiladi va amalga oshiradi;
manfaatdor vazirliklar, idoralar va mahalliy davlat hokimiyati organlari bilan birgalikda oʼzaro elektron axborot almashuvini taʼminlanishini tashkil qiladi;
Davlat kadastrlari yagona tizimini Milliy geografik axborot tizimida shakllantirilishini tashkil qiladi;
davlat boshqaruvi organlariga, mahalliy davlat hokimiyati organlariga, xoʼjalik birlashmalariga, yuridik va jismoniy shaxslarga axborot taʼminoti va fazoviy maʼlumotlarni, shu jumladan, davlat kadastrlari toʼgʼrisidagi axborotni berish boʼyicha xizmatlar koʼrsatishni tashkil etadi;
geofazoviy maʼlumotlarni yaratish va ulardan foydalanish, davlat kadastrlarini yuritish sohasidagi faoliyatning metodik taʼminotini tashkil etadi;
Davlat kadastrlari yagona tizimi, Milliy geografik axborot tizimini yaratish, yangilash va rivojlantirishni tashkil etadi.
 

Boshqarma oʼziga yuklatilgan vazifa va funktsiyalarni bevosita, shuningdek, Davlat kadastrlari palatasi va uning hududiy boshqarmalari hamda Аgentlikning tashkiliy tuzilmasiga kiruvchi tashkilotlar orqali amalga oshiradi.

Quyidagilar Boshqarmaning asosiy vazifalari va faoliyat yo‘nalishlari hisoblanadi

Ko‘chmas mulkka bo‘lgan huquqlarni davlat ro‘yxatidan o‘tkazish sohasida:

• ko‘chmas mulkka bo‘lgan huquqlarni davlat ro‘yxatidan o‘tkazish sohasida yagona davlat siyosati amalga oshirilishini ta'minlash;
• ko‘chmas mulkka bo‘lgan huquqlarni davlat ro‘yxatidan o‘tkazish ishlarini tashkil qilish va muvofiqlashtirish;
• binolar va inshootlar davlat kadastrini yuritilishini tashkil qilish 
• va muvofiqlashtirish;

Davlat kadastrlarini yuritish sohasida:

• davlat kadastrlarini yuritish sohasida yagona davlat siyosati amalga oshirilishini ta'minlash;
• davlat boshqaruvi organlari va mahalliy davlat hokimiyati organlarining davlat kadastrlarini yuritish sohasidagi faoliyatini muvofiqlashtirish;
• davlat kadastrlari yagona tiziminining samarali yuritilishini ta'minlash.

Quyidagilar Boshqarmaning asosiy vazifalari va faoliyat yo‘nalishlari hisoblanadi:

1. fazoviy ma'lumotlar sohasida:

fazoviy ma’lumotlar sohasidagi yagona davlat siyosatini shakllantirish va amalga oshirilishini ta’minlash;

fazoviy ma'lumotlar milliy infratuzilmasini (keyingi o‘rinlarda - FMMI) rivojlantirish;

davlat va xo‘jalik boshqaruvi organlarining, mahalliy davlat hokimiyati organlarining, shuningdek fazoviy ma’lumotlarga ishlov berishni amalga oshiradigan shaxslarning fazoviy ma'lumotlar hamda FMMIni rivojlantirish sohasidagi faoliyatini muvofiqlashtirish;

2. davlat kadastrlarini yuritish sohasida:

davlat kadastrlarini yuritish sohasida yagona davlat siyosati amalga oshirilishini ta’minlash;

Davlat kadastrlari yagona tizimini yuritish;

davlat boshqaruvi organlari va mahalliy davlat hokimiyati organlarining davlat kadastrlarini yuritish sohasidagi faoliyatini muvofiqlashtirish.

Quyidagilar Bo‘limning asosiy vazifalari va faoliyat yo‘nalishlari hisoblanadi:

Agentlik va uning tashkiliy tuzilmasiga kiruvchi tashkilotlarda foydalaniladigan axborot tizimlari, resurslari va ma'lumotlar bazalarini loyihalashtirish, tayyorlash, joriy etish hamda integratsiya qilishga yagona yondashuvlarni ishlab chiqish;
Agentlik va uning tashkiliy tuzilmasiga kiruvchi tashkilotlarning IT-texnologiyalar va axborot xavfsizligini ta'minlash, Davlat va boshqa xizmatlari ko‘rsatish sohasiga oid masalalari bo‘yicha faoliyatini muvofiqlashtirish;
Agentlik faoliyati uchun zarur hujjat va axborotlarni tezkorlik bilan olishni ta'minlovchi elektron hamkorlikni amalga oshirish;
Davlat organlari va tashkilotlari bilan idoralararo elektron hamkorlikni yo‘lga qo‘yish;
Agentlik va uning tashkiliy tuzilmasiga kiruvchi tashkilotlarda qo‘llaniladigan elektron ma'lumotlar bazalarini shakllantirish uchun mashinada o‘qiladigan formatda raqamlashtirish jarayonlarini ishlab chiqish, nazorat qilish va muvofiqlashtirish;
Ilg‘or xorijiy mamlakatlarning tajribasini tahlil qilgan holda, Agentlik faoliyatini yanada takomillashtirish yuzasidan takliflar tayyorlash;
Agentlik faoliyatiga oid masalalar bo‘yicha innovasion yechimlar va axborot-kommunikasiya texnologiyalarini joriy etish;
Agentlikning asosiy vazifalari va funksiyalaridan kelib chiqib, innovasion shakllar va uslublarni joriy etishni tashkil qilish, axborot-kommunikasiya texnologiyalari va raqamlashtirish sohasini rivojlantirishda konsepsiya, strategiya va milliy dasturlarni ishlab chiqishda ishtirok etish;
Axborot-kommunikasiya texnologiyalari va raqamlashtirish sohasida normativ-huquqiy va normativ hujjatlarga o‘zgartirish va qo‘shimchalar kiritish bo‘yicha takliflar tayyorlash;
Agentlik faoliyatida qo‘llaniladigan avtomatlashtirilgan tizimlarni yuritish va texnik qo‘llab-quvvatlash hamda ularni boshqa davlat idoralarida yuritiladigan ma'lumotlar bazasi bilan integratsiya qilish;
Agentlik va uning tashkiliy tuzilmasiga kiruvchi tashkilotlarida axborot-kommunikasiya texnologiyalaridan samarali foydalanish va rivojlantirish jarayonlarini bilan bog‘liq normativ-huquqiy hujjatlar, axborot texnologiyalari va tahliliy ma'lumotlar bilan ta'minlash;
Agentlik faoliyatida qo‘llaniladigan axborot resurslarini takomillashtirish va doimiy faol ishlashini ta'minlash;
Axborot-kommunikasiya texnologiyalari va raqamlashtirish sohasini rivojlantirish masalalari ko‘riladigan yig‘ilishlarda ishtirok etish, muammolar yechimlari bo‘yicha takliflar tayyorlash;
Axborot-kommunikasiya texnologiyalari va raqamlashtirish sohasini rivojlantirish, axborot dastur va resurslari bo‘yicha takliflarni ishlab chiqish;
Agentlikning axborot xavfsizligi sohasida chora-tadbirlar rejasini ishlab chiqish va dasturlarning sifatli bajarilish faoliyatini muvofiqlashtirish;
Agentlikning axborot xavfsizligi vositalarini sertifikatlashga doir masalalarni hal qilishda normativ-huquqiy va texnik hujjatlar talablariga muvofiq belgilangan tartibda rioya qilinishi, shuningdek amaldagi qonunchilikka amal qilinishi ustidan nazorat olib borish.

     Bo‘lim o‘ziga yuklatilgan vazifalarni bajarish uchun quyidagi funksiyalarni amalga oshiradi:

O‘zbekiston Respublikasi Milliy geografik axborot tizimining samarali ishlashini nazorat qiladi;

Axborot-kommunikasiya texnologiyalarini joriy etish orqali ko‘chmas mulkka bo‘lgan huquqlarni davlat ro‘yxatidan o‘tkazishning shaffof va ommaga ochiq tizimi ishlashini tashkil qiladi;
Kadastr va ko‘chmas mulkni ro‘yxatdan o‘tkazish integrasion axborot tizimi rivojlantirilishini tashkil etadi;
Axborot-kommunikasiya texnologiyalarini qo‘llagan holda jismoniy va yuridik shaxslarga tezkor va sifatli davlat xizmatlari ko‘rsatishni tashkil qiladi va vakolat doirasida nazorat qiladi;
Manfaatdor vazirliklar, idoralar va mahalliy davlat hokimiyati organlari bilan birgalikda o‘zaro elektron axborot almashuvini ta'minlaydi;
Foydalanuvchilarni belgilangan tartibda kadastr axborotlari bilan ta'minlashda Agentlikning Axborot xizmatiga vakolat doirasida qo‘maklashadi;
Agentlik va uning tashkiliy tuzilmasiga kiruvchi tashkilotlarda tarmoqlar, dasturiy mahsulotlar, axborot tizimlari va resurslarining kiberxavfsizligini ta'minlash va ularni himoya qilishning zamonaviy texnologiyalarini joriy qilish;
Agentlik faolitiga oid masalalar bo‘yicha axborot-kommunikasiya texnologiyalaridan foydalanish sohasidagi strategik ustuvorliklarni shakllantiradi va amalga oshiradi;
Agentlik va uning tashkiliy tuzilmasiga kiruvchi tashkilotlarining axborot tizimlari va resurslarini ishlab chiqish hamda joriy qilishda, idoralararo elektron o‘zaro hamkorlikni tashkil qilishda, yagona elektron reestrlar va ma'lumotlar bazalarini, “yagona darcha” tamoyili bo‘yicha elektron davlat xizmatlari ko‘rsatish tizimlarini shakllantirishda yagona texnologik yondashuv amalga oshirilishini ta'minlaydi;
Agentlik va uning tashkiliy tuzilmasiga kiruvchi tashkilotlarida axborot texnologiyalari va kommunikasiyalarini qo‘llash va rivojlantirish, shu jumladan texnik standartlar, reglamentlarni joriy etishni tashkil qilish masalalari bo‘yicha, xalqaro tashkilotlar, xorijiy kompaniyalar, ilmiy-tadqiqot muassasalari bilan hamkorlikni rivojlantirish bo‘yicha taklif kiritadi;
Agentlik va uning tarkibiy tuzilmasiga kiruvchi tashkilotlarning axborot texnologiyalari va kommunikasiyalarini qo‘llash va rivojlantirish bo‘yicha xalqaro tashkilotlar va chet el kompaniyalari tomonidan ajratiladigan grant, kredit va boshqa moliyaviy yordam asosida amalga oshiriladigan loyihalar ishlab chiqilishida barcha bosqichlarida qatnashadi hamda ularni texnik jihatdan ishlarini muvofiqlashtirish maqsadida nazorat qiladi;
Agentlik va uning tarkibiy tuzilmasiga kiruvchi tashkilotlarida ish jarayonlarini yanada takomillashtirish maqsadida xarid qilinadigan axborot-kommunikasiya texnologiyalari bo‘yicha ularni xarid etish bo‘yicha majburiy texnik xulosa taqdim etadi;
O‘z vakolati doirasida Agentlik markaziy apparatida jismoniy shaxslar va yuridik shaxslarning vakillarini qabul qilish, jismoniy va yuridik shaxslarning murojaatlarini ko‘rib chiqish bilan bog‘liq ishlarni tashkillashtiradi, kelib tushgan ariza, taklif va shikoyatlarni o‘z muddatida ko‘rib chiqilishini nazorat qiladi;
    Bo‘lim faoliyati sohasidagi qonun hujjatlarini qo‘llash bo‘yicha xulosalar tayyorlaydi.
Bo‘lim o‘z vakolatlari doirasida boshqa vazifa va funksiyalarni ham amalga oshirishi mumkin.

Funksional vazifalari

    Quyidagilar Boshqarmaning asosiy vazifalari hisoblanadi:
Agentlikning moliya-xo‘jalik faoliyatini yuritish;
Agentlik va uning tashkiliy tuzilmasiga kiruvchi tashkilotlar (bundan buyon matnda Agentlik va uning tizimiga kiruvchi tashkilotlar) moddiy-texnik ta'minlashni tashkil etish, ularning moliyaviy-xo‘jalik faoliyati yuzasidan nazoratni amalga oshirish. 
    Boshqarma o‘ziga yuklatilgan vazifalarni bajarish uchun quyidagi funksiyalarni amalga oshiradi:
Agentlik va uning tizimiga kiruvchi tashkilotlari xodimlarining moddiy va ijtimoiy ta'minoti to‘g‘risidagi takliflarni ishlab chiqadi;
Agentlik va uning tizimiga kiruvchi tashkilotlarini moddiy-texnik ta'minlashni tashkil etadi, Agentlik va uning tizimiga kiruvchi tashkilotlarining binolarini, shu jumladan kapital qurish va ta'mirlash choralarini ko‘radi, O‘zbekiston Respublikasi Vazirlar Mahkamasiga kiritish uchun tegishli takliflar tayyorlaydi;
Agentlik va uning tizimiga kiruvchi tashkilotlarining moliyaviy-xo‘jalik faoliyati yuzasidan nazoratni amalga oshiradi;
Agentlik va uning tizimiga kiruvchi tashkilotlariga belgilangan tartibda mablag‘ ajratish ishlarida qatnashadi; 
Agentlik va uning tizimiga kiruvchi tashkilotlarining moliyaviy-xo‘jalik faoliyati yuzasidan hisobotlarni qabul qiladi;
Agentlikning moliya-xo‘jalik faoliyatini tashkillashtirish va yuritish ishlarini amalga oshiradi;
Agentlikka tegishli bino va inshootlar, ularga tegishli hududlarni toza va ozoda saqlash, obodonlashtirish ishlarini olib boradi, shuningdek, ta'mirlash, kapital qurilish, kommunal xizmat ko‘rsatish ishlarini tashkillashtiradi, Agentlik mol-mulkining ishlatilishi, saqlanishi va hisobdan chiqarilishining qonuniyligini ta'minlaydi va boshqa xo‘jalik ishlari bilan shug‘ullanadi;
Agentlik binosining aloqa, elektr energiya, gaz, issiq va sovuq suv tarmoqlarini doimiy va sifatli, texnika xavfsizligi qoidalariga rioya qilgan holda ishlab turishini ta'minlaydi hamda boshqa xo‘jalik-maishiy xizmatlarni bajaradi;
Agentlik markaziy apparati xodimlarining kanselyariya mollariga bo‘lgan ehtiyojini o‘rganadi va natijasiga ko‘ra o‘z vaqtida ajratilishini ta'minlaydi; 
Agentlik balansida mavjud bo‘lgan xizmat avtomashinalarining texnik ahvolini o‘rganadi, avtotransport vositalarini ta'mirlash ishlarini tashkil etadi va ularning tayyorligini ta'minlaydi, avtotransport vositalarini belgilangan miqdorda yonilg‘i bilan ta'minlash choralarini ko‘radi, yo‘l ko‘rsatgichlari tamg‘asi sozligini hamda yonilg‘i sarflanishini nazorat qiladi, avtotransport vositalarini tegishli xodimlarga biriktirish bo‘yicha dalolatnomalarni, yo‘l varaqalarini va boshqa hujjatlarni rasmiylashtiradi, avtomashinalarning avtoturargohda saqlanishini ta'minlaydi; 
Agentlik binosi, unga tegishli hududlardan maqsadli foydalanishni, belgilangan tartibda ularni ijaraga berishni ta'minlaydi;
avariya va boshqa favqulodda hodisalar yuz berishining oldini olishga qaratilgan choralarni, bunday hodisalar yuz bergan taqdirda, uning oqibatlarini bartaraf etish bo‘yicha zarur tadbirlarni ko‘radi;
Agentlik binosida evakuasiya qilish tartibini ishlab chiqadi va uni tegishli joylarga osib qo‘yilishini ta'minlaydi;
Agentlik omboridagi tovar-moddiy boyliklarning lozim darajada saqlanishini ta'minlaydi;
Agentlik va uning tizimiga kiruvchi tashkilotlari ehtiyojlari uchun moddiy boyliklarni xarid qilish, binolarini ta'mirlash, kapital qurish borasida hujjatlari asosida mablag‘ ajratishni amalga oshiradi;
o‘tkaziladigan tender (tanlov) hujjatlarini ishlab chiqadi, o‘rganadi, tahlil qiladi va natijasi yuzasidan Agentlik rahbariyatiga axborot beradi. Tegishli materiallarni yig‘adi, o‘rganadi va umumlashtiradi, lozim deb topilganda, yakuniy hujjatlarni Agentlik majlisi muhokamasiga ko‘rib chiqish uchun kiritadi. 
Agentlik va uning tizimiga kiruvchi tashkilotlari uchun huquqiy axborotni yig‘ish, qayta ishlash va tahlil qilishning dasturiy-texnik vositalari va texnologiyalari joriy etilishda ishtirok etadi;
Agentlik va uning tizimiga kiruvchi tashkilotlari balansidagi binolar, texnika, jihoz (mebel') va boshqa tovar-moddiy boyliklarni hisobga olish, hisobdan chiqarish, sanoqdan o‘tkazish (inventarizasiya) ishlarini ta'minlaydi va nazoratini amalga oshiradi;
Boshqarma faoliyatiga oid masalalar bo‘yicha jismoniy va yuridik shaxslardan kelib tushgan murojaatlarni ko‘rib chiqadi.
Boshqarma o‘z vakolatlari doirasida boshqa vazifa va funksiyalarni ham amalga oshirishi mumkin.