Ishonch telefoni : 1097 Kirish

Ko‘p uchraydigan savollarga javoblar

Yo‘q. Har 5 yilda kadastrni yangilash kerak degan holat respublikamiz qonunchiligida mavjud emas. 

Kadastr pasporti quyidagi hollarda rasmiylashtiriladi yoki qayta rasmiylashtiriladi:

🔹 ko‘chmas mulk ob'ekti bo‘yicha birlamchi xatlov ishlari bajarilganda;
🔹 ko‘chmas mulk ob'ektining bir qismi begonalashtirilganda yoki yer uchastkasi alohida bo‘linganda; 
🔹 qishloq xo‘jaligiga mo‘ljallanmagan yer uchastkalari xususiylashtirilgandan so‘ng ularning bir qismiga bo‘lgan huquq boshqa shaxsga o‘tganda;
🔹 yer uchastkasining maydoni yoki chegara nuqtalari o‘zgarganda;
🔹 ko‘chmas mulk ob'ektining manzilini belgilashda yoki o‘zgartirishda;
🔹 ko‘chmas mulk ob'ektining toifasi o‘zgarganda;
🔹 o‘z yer uchastkasida tegishli ruxsatnomalarni rasmiylashtirmasdan qurilgan bino va inshootlar mavjud bo‘lganda.

Fermer xo‘jaligiga berilgan yer uchastkalarini fermer rahbari hamda hech qaysi vakolatli organlar tomonidan oldi-sotdi, garov, hadya, ayirboshlanishi mumkin emas. Bu O‘zbekiston Respublikasi Yer kodeksining 16-moddasi va 24-moddalari bilan taqiqlab qo‘yilgan. Mazkur fermerning harakatlari noqonuniy hisoblanadi. 

Bugungi kunda uy-joy qurish uchun yer uchastkasini e-auksion orqali sotib olishingiz mumkin.

Kadastr yig‘majildi bugungi kunda ham shakllantiriladi va kadastr idoralarida saqlanadi. 

Amaldagi qoidalarga ko‘ra turar joy bo‘yicha to‘liq ma'lumotlar yig‘ilib kadastr yig‘majildi shakllantirilganidan so‘ng kadastr pasporti beriladi, to‘liq shakllantirilmagan bo‘lsa kadastr pasporti rasmiylashtirilmaydi.

Kadastr kartasini olgan bo‘lsangiz  kadastr yig‘majildingiz to‘liq shakllantirilgan hisoblanadi.

Yo‘q, fermer xo‘jaligiga berilgan yer uchastkalarini fermer rahbari hamda hech qaysi vakolatli organlar tomonidan xususiylashtirilishi va oldi-sotdi, garov, hadya, ayirboshlashi mumkin emas. Bu Yer kodeksining 
16-moddasi va 24-moddalari bilan ta'qiqlab qo‘yilgan.

📗 16-modda. O‘zbekiston Respublikasida yerga bo‘lgan mulkchilik
Yer davlat mulki — umummilliy boylikdir, undan oqilona foydalanish zarur, u davlat tomonidan muhofaza etiladi hamda oldi-sotdi qilinmaydi, ayirboshlanmaydi, hadya etilmaydi, garovga qo‘yilmaydi, O‘zbekiston Respublikasining qonunlarida belgilangan hollar bundan mustasno.

📗 24-modda. Yer uchastkasi ijarasi
Yer uchastkasining ijarasi yer uchastkasiga ijara shartnomasi shartlarida muddatli, haq evaziga egalik qilish va foydalanishdan iboratdir.
Ijaraga berilgan yer uchastkalari oldi-sotdi, garov, hadya, ayirboshlash ob'ekti bo‘lishi mumkin emas. Yer uchastkasini ijaraga olish huquqi kreditlar olish uchun garovga qo‘yilishi mumkin. Ijarachi faqat qonunda yoki ijara shartnomasida nazarda tutilgan hollardagina yer uchastkasiga bo‘lgan o‘zining ijara huquqlarini ijaraga beruvchining roziligisiz garovga qo‘yishga haqlidir.
Yer uchastkalari ijarasining shartlari va muddatlari taraflarning kelishuviga binoan belgilanadi va shartnomada mustahkamlab qo‘yiladi. Qishloq xo‘jaligiga mo‘ljallangan yerlar ijaraga ellik yilgacha bo‘lgan, biroq o‘ttiz yildan kam bo‘lmagan muddatga berilishi mumkin.

Vazirlar Mahkamasining 2017 yil 16 yanvardagi 14-sonli qarori bilan tasdiqlangan “Ko‘p kvartirali uylarni qurish va rekonstruksiya qilishni moliyalashtirish, shuningdek yosh oilalarga, eskirgan uy-joylarda yashayotganlarga va uy-joy sharoitlarini yaxshilashga muhtoj bo‘lgan fuqarolarning boshqa toifalariga sotish tartibi to‘g‘risida nizomga asosan ko‘p kvartirali uylardagi kvartiralarni yashash sharoitlarini yaxshilashga muhtoj bo‘lgan jismoniy shaxslarga biriktirish masalalarini ko‘rib chiqish bo‘yicha komissiya tomonidan ko‘rib chiqiladi. Komissiya tuman hokimiyatidan tashkil etilgan.

Vazirlar Mahkamasining 2020 yil 25 martdagi 182-sonli qarori bilan tasdiqlangan “Uy-joy sotib olish uchun fuqarolarga subsidiya to‘lash tartibi to‘g‘risida”gi nizomga asosan, ipoteka kreditlari orqali aholini uy-joy bilan ta'minlashning yangi tartibi doirasida uy-joy sotib olish uchun ipoteka krediti bo‘yicha boshlang‘ich badal va (yoki) foizlarning bir qismini qoplash uchun O‘zbekiston Respublikasi Davlat byudjeti mablag‘lari hisobiga subsidiya taqdim etiladigan O‘zbekiston Respublikasi fuqarolarini, shu jumladan, daromadi yuqori bo‘lmagan va uy-joy sharoitlarini yaxshilashga muhtoj bo‘lgan fuqarolarni aniqlash mezonlari, subsidiyalarni hisoblash va to‘lash tartibi tasdiqlangan.

🔷 Uyni kadastr plani ya'ni kadastr yig‘ma jildini shakllantirish uchun murojaatlar davlat xizmatlari markazi orqali qabul qilinadi. Kadastr yig‘ma jildini shakllantirish natijasi bo‘yicha kadastr pasporti taqdim etiladi.

🔷Ko‘chmas mulk ob'ektlarining kadastr pasportini tayyorlash va kadastr hujjatlarini rasmiylashtirish uchun to‘lov miqdorlari O‘zbekiston Respublikasi Vazirlar Mahkamasining 2014 yil 10 iyuldagi 186-sonli qaroriga asosan aniqlanadi, undan tashqari kadastr plani uchun qo‘shimcha to‘lov qilinmaydi.

O‘zbekiston Respublikasi Vazirlar Mahkamasining  2019 yil 28 yanvardagi 63-son qarori bilan tasdiqlangan Nizomga asosan yakka tartibda uy-joy qurish uchun yer uchastkalari meros qilib qoldiriladigan umrbod egalik qilish huquqini realizasiya qilish «E-IJRO AUKSION» yagona savdo maydonchasida elektron auksionlar o‘tkazish yo‘li bilan amalga oshiriladi. Tumaningizda auksion savdosiga qo‘yilayotgan yer uchastkalarini kuzatib boring.

🔷 Noturar joylarni turar joy toifasiga o‘tkazish O‘zbekiston Respublikasi Vazirlar Mahkamasining 2018 yil 18 maydagi 370-sonli qarori bilan tasdiqlangan Ob'ektni qayta ixtisoslashtirish va rekonstruksiya qilish uchun ruxsatnoma berish bo‘yicha davlat xizmatlarini ko‘rsatishning Ma'muriy reglamenti asosida berilgan shartlarga mos keladigan noturar joylarni turar joy toifasiga belgilangan tartib bo‘yicha o‘tkaziladi. 

🔷 O‘zbekiston Respublikasi Vazirlar Mahkamasining 2014 yil 10 iyuldagi 186-sonli qaroriga bilan tasdiqlangan ko‘chmas mulk ob'ektlarining davlat kadastri sohasida davlat xizmatlari narxlarini belgilash tartibga asosan o‘zingiz nomingizga kadastr pasportini tayyorlash va davlat ro‘yxatidan o‘tkazish bo‘yicha belgilangan tarif asosida to‘lov undiriladi.

O‘zbekiston Respublikasi Fuqarolik kodeksining 488-moddasiga asosan Uyni, kvartirani, uyning yoki kvartiraning bir qismini sotish shartnomasi notarial tartibda tasdiqlanishi va davlat ro‘yxatidan o‘tkazilishi lozimligi belgilangan. Shunga asosan turar joy ob'ektlarini tasarruf etish faqat notarial tartibda amalga oshiriladi.

🔷Vazirlar Mahkamasining 2018 yil 29 dekabrdagi 1060-sonli qarori bilan tasdiqlangan “Kuchmas mulk ob'ektlariga bo‘lgan huquqlarni davlat ro‘yxatidan o‘tkazish tartibi to‘g‘risida”gi nizomining 14-bandida “Ro‘yxatdan o‘tkazuvchi ko‘chmas mulkka bo‘lgan huquqni tasdiqlovchi hujjatlar mavjud bo‘lgan takdirda, ko‘chmas mulkka bo‘lgan huquqlarni hujjatlar kelib tushgan kundan e'tiboran ikki ish kuni davomida davlat ro‘yxatidan o‘tkazadi” deb ko‘rsatilgan.

🔷Oldi-sotdi shartnoma notarial tartibda rasmiylashtirilgan takdirda, ariza berilishi kadastr idoralari bilan o‘rnatilgan o‘zaro elektron tizim orqali notarius tomonidan amalga oshirilishi belgilab quyilgan va amalda qo‘llanilib kelinmoqda.

🔹 Ko‘chmas mulk ob'ekti bo‘yicha birlamchi kadastr yig‘majildi (pasport) mavjud bo‘lib, begonalashtirilganda yoki ob'ektda o‘zgarishlar (rekonstruksiya, qo‘shimcha va alohida qurilish) mavjud bo‘lmaganda;

🔹 ko‘chmas mulk ob'ektining bir qismi begonalashtirilganda ob'ektning qolgan qismiga yoki rekonstruksiyasiz toifasi o‘zgarganda;

🔹 kadastr yig‘majildi (pasporti) yuqolganda (yaroqsiz xolga kelganda).

Ushbu xollarda kadastr pasporti 3 ish kuni mobaynida rasmiylashtiriladi.

O‘zbekiston Respublikasi Vazirlar Mahkamasining 2020 yil 2 sentyabrdagi 535-son qarori bilan tasdiqlangan ma'muriy reglamanga asosan kadastr (yig‘majildi) pasporti yo‘qolganda (yaroqsiz holga kelganda), qog‘oz yoki plastik shaklda yangi kadastr pasportini olish uchun ma'tbuotda e'lon berish talab etilmaydi.