Joriy yilning 8-fevral kuni Matbuot uyi binosida Axborot va ommaviy kommunikatsiyalar agentligi Surxondaryo viloyat hududiy boshqarmasi, Davlat kadastrlari palatasi Surxondaryo viloyat boshqarmasi, Davlat aktivlarini boshqarish agentligi Surxondaryo viloyat hududiy boshqarmasi, Arxitektura va qurilish boshqarmasi, hamda Elektron onlayn auksionlarni tashkil etish markazi bilan hamkorlikda bugungi kunning eng dolzarb masalalaridan biri hisoblangan "Qishloq xo‘jaligiga mo‘ljallanmagan yer uchastkalarini xususiylashtirish» to‘g‘risida matbuot anjumani bo‘lib o‘tdi.
Anjumanda Davlat aktivlarini boshqarish agentligi Surxondaryo viloyat hududiy boshqarmasi boshliq o`rinbosari O.Ro`ziyev, Davlat kadastrlari palatasi Surxondaryo viloyat boshqarmasi boshliq o`rinbosari F.Ashurov, Elektron onlayn auksionlarni tashkil etish markazi Surxondaryo viloyati vakili L.G`oibov, Qurilish bosh boshqarmasi boshliq o`rinbosari H.Abdullaevlar qatnashdilar.
Matbuot anjumanida O‘zbekiston Respublikasi Prezidentining 2021 yil8 iyundagi “Yer munosabatlarida tenglik va shaffoflikni taʼminlash, yerga bo‘lgan huquqlarni ishonchli himoya qilish va ularni bozor aktiviga aylantirish chora-tadbirlari to‘g‘risida”gi PF-6243-sonli farmoni hamda ushbu farmon ijrosini taʼminlash maqsadida Vazirlar Mahkamasining 2022 yil 14 fevraldagi “Qishloq xo‘jaligiga mo‘ljallanmagan yer uchastkalarini xususiylashtirish to‘g‘risida»gi O‘zbekiston Respublikasi qonunini amalga oshirish chora-tadbirlari haqida”gi 71-sonli qarori bilan yer uchastkalarini ajratish bo‘yicha 3 ta nizom tasdiqlandi.
Xususan,
1. O‘zbekiston Respublikasi fuqarolari va yuridik shaxslariga doimiy foydalanish (egalik qilish), ijara va meros qilib qoldiriladigan umrbod egalik qilish huquqi asosida tegishli bo‘lgan yer uchastkalarini xususiylashtirish bo‘yicha davlat xizmatlari ko‘rsatishga doir maʼmuriy reglament.
2. Tadbirkorlik va shaharsozlik faoliyatini amalga oshirish uchun yer uchastkalarini mulk huquqi va ijara huquqi asosida elektron onlayn-auksion orqali berish tartibi to‘g‘risidani nizom;
3. Yakka tartibda uy-joy qurish va uy-joyni obodonlashtirish uchun yer uchastkalarini mulk huquqi asosida elektron onlayn-auksion orqali realizatsiya qilish tartibi to‘g‘risidagi nizomi tasdiqlandi va bu borada hozirgi kunda viloyatda qilinayotgan ishlar xususida maʼlumotlar berildi.
Shuningdek anjumanda "Surxon tongi" gazetasi muxbiri X.Qarshiyev, "Zarya Surxana" gazetasi muxbiri D.Egamberdiyeva, "Termiz oqshomi" gazetasi muxbiri M.Raxmonova, DIYOR 24 sayti muxbiri hamda bir qator mustaqil va davlat ommaviy axborot vositalarining jurnalistlari va blogerlar ishtirok etib qiziqtirgan savollariga Kadastr agentligining masʼul rahbar va mutaxassislardan javob oldilar.
