“Namangan, Toshkent, Sirdaryo, Jizzax, Samarqand, Navoiy va Buxoro" viloyatlari hududidagi geodeziya punktlari va nivelir belgilarini tekshirish bo‘yicha ishlar o‘tgan asrning 80-yillarida amalga oshirilgan.
Hozirgi vaqtda geodeziya va nivelir tarmoqlarini davlat koordinatalar tizimidan WGS-84 butun jahon geodeziya koordinatalar tizimiga o‘tishida, 7-ta parametrlarni hisoblab chiqish va geodeziya punktlari hisobini aniq yuritish uchun ularning holatini aniqlash zarur.
Shu maqsadda Respublika aerogeodeziya markazi Geodeziya va topografiya boʻlimi mutaxassislari tomonidan Namangan, Toshkent, Sirdaryo, Jizzax, Samarqand, Navoiy va Buxoro viloyatlarida geodezik punkt hamda nivelir belgilarini tekshirish ishlari olib borilmoqda.
