Bugun Namangan viloyatida 2022-yilning 9 oy davomida amalga oshirilgan ishlar hamda sohada bo‘layotgan o‘zgarishlar va yangiliklar to‘g‘risida matbuot anjumani bo‘lib o‘tdi. Viloyat boshqarmasi, uning tuman va shahar bo‘limlari tomonidan joriy yilning 9 oyi davomida yer uchastkalarining o‘zboshimchalik bilan egallab olinishi va ushbu yer uchastkalarida o‘zboshimchalik bilan imorat qurilishiga oid 1057 ta holatda 490 gektar qonunbuzilish holatlari aniqlandi.

Qonunbuzilish holatlari tahlil qilinganda ulardan:

qishloq xo‘jaligiga mo‘ljallangan yerlarda 389 ta holatda 454 gektar;
aholi punktlari yerlarda 286 ta holatda 5 gektar; 
sanoat, transport, aloqa, mudofaa va boshqa maqsadlarga mo‘ljallangan yerlarda 231 ta holatda 2.25 gektar; 
tabiatni muhofaza qilishga mo‘ljallangan 
yerlarda 1 ta holatda 0.04 gektar;
tarixiy-madaniy ahamiyatga molik yerlarda 4 ta holatda 0.62 gektar;
o‘rmon fondi yerlarda 15 ta holatda 4 gektar; 
suv fondi yerlarda 36 ta holatda 7 gektar; 
zaxira yerlarda 95 ta holatda 17 gektarni tashkil etadi.