O‘zbekiston Respublikasi Iqtisodiyot va Moliya vazirligi huzuridagi Kadastr agentligi tomonidan Jaxon Banki ishtirokidagi “Fazoviy maʼlumotlar milliy infratuzilmasini yaratish” investitsiya loyihasining texnik-iqtisodiy asoslanuv (TIA)ni ishlab chiqish boʻyicha konsalting xizmatlarni xarid qilish rejalashtirilmoqda.
Loyihaning asosiy maqsadlari quyidagilardan iborat:
1. Geofazoviy obyektlar (yer uchastkalari, binolar, inshootlar, tabiiy obyektlar va hodisalar) to‘g‘risidagi ma’lumotlarni yig‘ish va qayta ishlash jarayonlarini raqamlashtirish.
2. Fazoviy ma’lumotlarni yig‘ish, shakllantirish, foydalanish, sifatini nazorat qilish va taqdim etish tartiblarini standartlashtirish va texnik jihatdan tartibga solish.
3. Geoaxborot va veb-texnologiyalardan foydalangan holda FMMIning texnologik tuzilmasi va ma’lumotlar bankini yaratish.
4. Raqamli kartografik bazani yaratish, kartografik monitoring tizimini yaratish va joriy etish orqali yangilash.
5. Doimiy faoliyat ko‘rsatadigan sun’iy yo‘ldosh orqali kuzatish stansiyalari tarmog‘i bilan to‘liq qamrab olishni ta’minlash va real vaqt rejimida obyektlarning joylashuvini aniqlash uchun sifatli, aniq ma’lumotlar taqdim etish.
6. Kadastr agentligi va boshqa manfaatdor idoralarning fazoviy ma’lumotlarni yaratish va ulardan foydalanish sohasidagi salohiyatini oshirish.
7. Veb-texnologiyalar orqali fazoviy ma’lumotlar yaratuvchilarini bazaviy hamda foydalanuvchilarni fazoviy ma’lumotlar bilan ta’minlash uchun sharoit va infratuzilmani yaratish.
Texnologik jarayonlar va uskunalarga qo‘yiladigan asosiy talablar:
Tizimning ishlashi uchun texnik asos uning barcha tarkibiy qismlarining muvofiqligini ta'minlaydigan taqsimlangan hisoblash kompleksi shaklida amalga oshirilishi kerak.
FMMI texnik - dasturiy kompleksi quyidagi talablarga javob berishi kerak:
- tizimning moslashuvchanligi;
- xatolarga chidamlilik;
- mavjudligi;
- tizimning kengayishi;
- axborot resurslarini markazlashtirish;
- Potensial o‘sishni hisobga olgan holda qurish.
Ushbu loyihaga qiziqish boʻlgan ko‘rsatib o‘tilgan sohalarda konsalting xizmtini ko‘rsatib kelayotgan konsalting kompaniyalar takliflarini Kadastr Agentligiga taqdim etishingizni so‘raymiz.
Murojaat uchun: x.magdiev@kadastr.uz, info@kadastr.uz
