Ko‘chmas mulk maʼlumotlarini tahrirlash uchun ariza berish, noturar obyektlarini kadastr pasportini shakllantirish va ularga bo‘lgan huquqni davlat ro‘yxatidan o‘tkazish hamda bino va inshootlarning mansubligi va tarkibi to‘g‘risida maʼlumotnoma berish xizmatlari ishga tushirildi.
Fuqaroning familiyasi, ismi va otasining ismi o‘zgarganda ularga tegishli bo‘lgan ko‘chmas mulkka egalik qilish guvohnomasini qayta rasmiylashtirish uchun fuqaroning shaxsiy telefon raqamiga xabarnoma yuborish tizimi joriy etildi.
Barcha kadastr xizmatlari to‘liq Yagona billing tizimiga o‘tkazildi.
“E-YER NAZORAT” AATning mobil dasturi ishga tushirildi.
“YERELEKTRON” AAT to‘liq takomillashtirildi.
“Ko‘chmas mulkni ro‘yxatdan o‘tkazish va kadastr integratsiyalashtirilgan axborot tizimi”ning universal integratsion shina tizimi 50 tadan ziyod axborot tizimlariga integratsiya qilindi.
Ommaviy geoportal axborot tizimi ishga tushirilib, uning negizida Yer resurslarini xatlovdan o‘tkazish natijalari bo‘yicha maʼlumotlarni taqdim etish geoportali yaratildi.
“muhandis.kadastr.uz” AT malaka shaxodatnomasi uchun talabgorlardan kelib tushgan arizalarini ko‘rib chiqish hamda malaka shaxodatnomasi olish jarayonini o‘z ichiga oladigan tizim ishlab chiqildi.
Markaziy saylov komissiyasi tomonidan taqdim etilgan tasdiqlangan dislokatsiyalarga muvofiq, saylov uchastkalari to‘g‘risidagi maʼlumotlar hamda chegalaralari ko‘rsatilgan interaktiv elektron xaritasi yaratilib, Markaziy saylov komissiyasiga taqdim etildi.
Kadastr agentligi direktori o‘rinbosari Mirsaid Mirmaksudov
