Bugun 7-fevral kuni Kadastr agentligi va Davlat kadastrlari palatasi Toshkent viloyati boshqarmalari Komplayens-nazorat xizmati xodimlari va Bosh prokuratura huzuridagi Departamentning Toshkent viloyati boshqarmasi Yangiyo‘l shahar bo‘limi tezkor xodimlari bilan hamkorlikda korrupsion holatlarni oldini olishga qaratilgan faol tadbir o‘tkazildi.

Natijada, Yangiyo‘l shahar filiali boshlig‘i I.Xning xizmat xonasida fuqaro M.A tomonidan o‘ziga tegishli bo‘lgan Yangiyo‘l shaharda joylashgan qurilishi bitmagan xonadonni qurilishi tugallangan deb kadastr hujjatlarini rasmiylashtirish uchun Kadastr xodimiga “pora” berishga undagan. Oqibatda 2 mln so‘mning bir qismi, yaʼni 1 mln so‘mini berayotgan vaqtda fuqaro Departament tezkor xodimlari tomonidan daliliy ashyo bilan ushlandi.

Fuqaro M.Aning jinoyatga undash kabi noqonuniy so‘zlashuvlari va harakatlari filial boshlig‘i xonasiga o‘rnatilgan maxsus texnik vosita bilan qayd etildi va holat hujjatlashtirildi.
Hozirda fuqaro M.Aga nisbatan dastlabki tergov oldi harakatlari Departamentning Yangiyo‘l shahar bo‘limi tomonidan olib borilmoqda.

 Hurmatli fuqarolar. Qonunchilikda pora berganga va olganga qat'iy javobgarlik nazarda tutilgan. Davlat xizmatlaridan foydalanganda qonun doirasida o‘z huquqlaringizni talab qiling. Korrupsiyaga yo‘l qo‘ymang va shunday shaxslar haqida maʼlumotga ega bo‘lsangiz huquqni muhofaza qilish organlariga xabar bering.