Kadastr agentligi hamda Davlat kadastrlari palatasi tashabbusi bilan Navoiy viloyatida kadastr sohasidagi xotin-qizlarning muammolariga amaliy ko‘mak berish maqsadida sayyor qabul o‘tkazildi.
Sayyor qabul davomida viloyat Xotin-qizlar boshqarmasi hamda Oqila ayollar harakati masʼullari va boshqa mutasaddilar qatnashishdi. Xotin-qizlarning murojaatlari davomida oliy taʼlimda o‘qishlari uchun tavsiyanoma berish, moddiy va maʼnaviy qo‘llab quvvatlash va bir qator boshqa masalalar o‘rganildi, tegishliligi bo‘yicha amaliy yordam beriladigan bo‘ldi.
Yaqinlashib kelayotgan 8-mart Xalqaro xotin-qizlar bayrami munosabati bilan kadastr sohasida faoliyat yuritayotgan xotin-qizlar tabriklanib iliq tilaklar bildirildi.
