Ommaviy axborot vositalarida va ijtimoiy tarmoqlarda Farg‘ona viloyatida kadastr xodimi qo‘lga olingani haqida xabarlar tarqaldi.

Kadastr agentligi mazkur holatni keskin qoralaydi va bunday nopok xodimlardan tizim tozalanishidan manfaatdor ekanligini maʼlum qiladi.

Shuningdek, yana bir bor qatʼiy ravishda, nafaqat hududiy boshqarma va tizim tashkilotlari xodim hamda raxbarlari hatto, Kadastr agentligi rahbariyatida ham yer ajratish yoki uning toifasini o‘zgartirish vakolat yo‘q ekanligini taʼkidlaydi.

Bu masala yuzasidan Agentlik tomonidan yurtdoshlarimizga murojaat ham yo‘llangan.

Agentlik faoliyatida shaffoflik, qonuniylik va javobgarlik tamoyillari ustuvor hisoblanadi. Har qanday noqonuniy xatti-harakatlar yuzasidan zudlik bilan huquqni muhofaza qiluvchi organlar bilan hamkorlikda tegishli choralar ko‘riladi.

Kadastr agentligi barcha xodimlarini o‘z xizmat burchini sidqidildan, halol va masʼuliyat bilan bajarishga, fuqarolar va tadbirkorlar ishonchini oqlashga chaqiradi.

Yurtdoshlarimizdan esa sobiq yoki amaldagi kadastr xodimlarining har qanday shubhali takliflari yuzasidan huquqni muhofaza qiluvchi organlarga murojaat qilishlarini so‘raymiz.