“Raqamli O‘zbekiston - 2030” strategiyasini amalga oshirish doirasida Yagona interaktiv davlat xizmatlari portali mobil ilovasining yangi takomillashtirilgan talqini ishga tushirilgan bo‘lib, 2021-yilning yakuniga qadar portalning mobil ilovasi orqali ko‘rsatiladigan elektron xizmatlarni sonini 100 taga yetkazish rejalashtirilgan.
Kadastr agentligining quyidagi oltita elektron xizmatlari mazkur portalda to‘liq ishga tushirildi:
🔹Kadastr pasportini shakllantirish;
🔹Turar joyning maydoni bo‘yicha ma’lumotnoma olish;
🔹Ko‘chmas mulk obyektlariga bo‘lgan huquqlarni davlat ro‘yxatidan o‘tkazishga ariza yuborish;
🔹Ko‘chmas mulk obyektlari davlat reyestridan ko‘chirmalar olish;
🔹Ko‘chmas mulk bo‘yicha ko‘chirma berish;
🔹Kadastr obyektiga taqiqni tekshirish.
