![](https://kadastr.uz/medias/article/4273/1720161670_0.jpg)
Dunyoning ko‘plab mamlakatlarida 73 yildan buyon yozning ilk kuni "1-iyun – Xalqaro bolalar kuni" sifatida nishonlanadi. Dam olish kuni bo‘lmasa ham bu kun barcha bolajonlar uchun haqiqiy bayram hisoblanadi.
1949-yilda Parijda ayollarning Xalqaro demokratik federatsiyasi kongressi bo‘lib o‘tdi. Bu kongressda bolalarning bardamligi va baxt-saodatining kafolati bo‘lgan mustahkam tinchlikni ta’minlash uchun doimiy kurash haqidagi shior yangradi.
Urushdan keyingi davrda sayyoramizda yashovchi barcha bolajonlarning sog‘liq va xotirjamligini saqlash dolzarb muammoga aylanib qolgan edi. Shu sabab 1950-yildan e’tiboran 1-iyun Xalqaro bolalarni himoya qilish kuni sifatida nishonlana boshladi.
1989-yilda BMT Bosh Assambleyasi bolalar huquqlari to‘g‘risida Konvensiya qabul qildi. Unda butun dunyo mamlakatlari uchun bolalar huquqlarini himoya qilishni ta’minlashni joriy qilish to‘g‘risida yozilgan.
Kadastr agentligi jamoasi barcha bolajonlarni bayram bilan tabriklaydi.