Kadastr agentligi direktorining o'rinbosari Abdullayev To'lqin Mansurovich boshchiligida Samarqand viloyati Tayloq tumanida sayyor qabuli bo'ldi.
Soha bo‘yicha fuqarolarning murojaatlari tinglanib, ularning muammolarini qonuniy tomondan ijobiy hal etish masalalari ko‘rib chiqildi.
Sayyor qabulda 40 nafarga yaqin fuqarolar o‘zlarining kadastr sohasiga oid muammoli masalalari yuzasidan murojaat qilishdi, 15 ga yaqiniga huquqiy tushuntirish berildi va joyida hal etildi. Shu bilan birga, qo‘shimcha o‘rganish hamda hujjatlar talab etiladigan 26 ta murojaatlar bo‘yicha sohadagi mas’ullarga topshiriq va ko‘rsatmalar berildi va muddatlari belgilanib, ijrosi nazoratga olindi.
