Farg‘ona viloyati boshqarmasi Farg‘ona shahar bo‘limi xodimlari nazorat tadbirlari vaqtida shaharning "Nafosat" MFY, Yoshlarobod ko‘chasida yashovchi fuqaro tomonidan qishloq xo‘jaligida foydalanilmaydigan jami 0,04 gektar yer maydoni o‘zboshimchalik bilan egallab olib, noqonuniy to‘siq devor qurib olganlik holati aniqlandi.
Buxoro viloyati boshqarmasining Kogon tumani bo‘limi tomonidan "Kogon" MFYda nazorat tadbiri o‘tkazilganda fuqaro tomonidan 30 kv.metr yer maydoni o‘zboshimchalik bilan egallab olinib, hech qanday huquqiy hujjatlarsiz qurulish ishlari bajarilganligi aniqlandi.
Surxondaryo viloyati boshqarmasi Angor tuman bo‘limi inspektorlari tomonidan tumanning "Kattaqum" MFYda faoliyat yuritib kelayotgan "Boburboy" MCHJga tegishli bo‘lgan yer maydonining bir qismi ushbu mahallada yashovchi fuqaro tomonidan o‘zboshimchalik bilan egallab olinganligi aniqlandi.
Sirdaryo viloyati boshqarmasining Sayxunobod tuman bo‘limi tomonidan "Faravon" MFY hududida nazorat tadbirlari o‘tkazildi. Unda fuqaro tomonidan hech qanday huquqiy hujjatlarsiz o‘zboshimchalik bilan 24 kv.m yer maydonida noqonuniy bino qurish holati aniqlandi.
Mazkur holatlarning barchasi qonun buzarlikni sodir qilgan shaxslar tomonidan ixtiyoriy bartaraf qilindi.
