Bu haqda AOKAda o‘tkazilgan brifingda Kadastr agentligi axborot xizmati rahbari Ne’mat Atamuratov ma’lum qildi.
2022-yil davomida amalga oshirilgan yer va kadastr nazorati tadbirlari to‘g‘risida ma’lumot:
I. Yer nazorati yo‘nalishida 2022-yil davrida respublika bo‘yicha yer uchastkasini o‘zboshimchalik bilan egallash bilan bog‘liq 18 597 ta yoki 6 307 gektar holat aniqlandi.
Aniqlangan yer qonun buzilish holatlarini bartaraf etish va ularga nisbatan choralar ko‘rish maqsadida:
— Agentlik organlari tomonidan 18 389 ta (6 157,5 ga) yer qonun buzilishini sodir etgan shaxslarga ogohlantirish xatlari yuborilib, shundan 9 927 tasi (4 957,8 ga) fuqarolar tomonidan ixtiyoriy ravishda bartaraf etildi;
— yer qonun buzilish holatlarini bartaraf etish yuzasidan 8 138 ta (1 185,3 ga) holatda sudlarga kiritilgan da’vo arizalariga asosan 4 583 ta (635,0 ga) holatda sudning hal qiluv qarori qabul qilindi, boshqa holatlar bo‘yicha sud jarayoni davom etmoqda.
Shuningdek, rasmiylashtirilgan hujjatlar tegishli choralar ko‘rish uchun 1 644 ta (705,3 ga) holatda prokuratura organlariga hamda 3 850 ta (613,3 ga) holatda majburiy ijro byurosiga yuborildi.
II. Yerlardan maqsadsiz foydalanish holatlarini o‘z vaqtida aniqlash va chora ko‘rilishini ta’minlash bo‘yicha:
— 2 135 ta (15 130,4 ga) holatda yerlardan maqsadsiz foydalanish holatlari aniqlanib, 1 919 ta (14 099,7 ga) holatda hokimliklarga taqdimnomalar kiritilib, shundan 179 ta holatda (3 716,6 ga) yer maydonlarining tuman hokimliklari zaxirasiga qaytarilishi ta’minlandi, shuningdek 216 ta holatda (1 030,7 ga) sudlarga to‘g‘ridan to‘g‘ri da’vo kiritildi.
III. Yer va kadastr nazoratini avtomatlashtirish, korrupsiya holatlarini oldini olish maqsadida yerga oid huquqbuzarliklarni aniqlashdan bartaraf etilgunga qadar monitoringini yurituvchi “E-YER NAZORAT” avtomatlashtirilgan axborot tizimi amaliyotga joriy etilib, hisobot davrida nazorat tadbirlari davom ettirilmoqda.
IV. 2022-yil davomida mulkka bo‘lgan huquqini davlat ro‘yxatidan o‘tkazish uchun o‘z vaqtida vakolatga organga murojaat etmaslik holati bo‘yicha jami 23 292 ta holat aniqlanib, ularga nisbatan tegishli choralar ko‘rildi.
