🔰Kadastr agentligi va uning hududiy tuzilmalari tomonidan joylarda samarali yer va kadastr nazoratini amalga oshirish bo‘yicha olib borilgan nazorat tadbirlari natijasida 2022-yilning 5 oyi davomida jami 7 618 ta holatda 2 623,5 gektar yerlarni o‘zboshimchalik bilan egallab olish holatlari aniqlandi.
📌Shundan,
🔹qishloq xo‘jaligiga mo‘ljallangan yerlarda 3 095 ta,
🔹aholi punktlari yerlarda 3 621 ta,
🔹sanoat, transport, aloqa, mudofaa va boshqa maqsadlarga mo‘ljallangan yerlarda 173 ta,
🔹tarixiy madaniy ahamiyatga molik yerlarda 6 ta,
🔹o‘rmon fondi yerlarda 30 ta,
🔹suv fondi yerlarda 83 ta hamda zaxira yerlarda 610 tani tashkil etadi.
💠Aniqlangan yer qonun buzilish holatlarini bartaraf etish va ularga nisbatan choralar ko‘rish maqsadida:
🔸7 564 ta yer qonun buzilishini sodir etgan shaxslarga ogohlantirish xatlari yuborilib, shundan 3 575 tasi fuqarolar tomonidan ixtiyoriy ravishda bartaraf etildi;
🔸yer qonun buzilish holatlarini bartaraf etish yuzasidan 2 757 ta holatda sudlarga kiritilgan da’vo arizalarga asosan 393 ta holatda sudning hal qiluv qarori (noqonuniy qurilmalarni buzish bo‘yicha) qabul qilindi.
🔸Boshqa holatlar bo‘yicha sud jarayoni davom etmoqda.
📤Shuningdek, rasmiylashtirilgan hujjatlar tegishli choralar ko‘rish uchun 616 ta holatda prokuratura organlariga hamda 163 ta holatda majburiy ijro byurosiga yuborildi.
📝Bundan tashqari, respublika bo‘yicha jami 545 ta holatda 8 215,2 gektar yer maydonlaridan maqsadsiz foydalanilganligi aniqlanib, 26 ta holatda 1,8 gektar yer maydonlari bo‘yicha sudlarga da’vo arizalari hamda 519 ta holatda 8 213,4 gektar yer maydonlari bo‘yicha mahalliy hokimliklarga taqdimnomalar kiritildi, shundan 28 ta holatda 196,8 gektar yer maydonlarining tuman hokimliklari zaxirasiga qaytarilishi ta’minlandi.
📌Hozirda yer va kadastr nazorati tadbirlari davom etmoqda.
