Kadastr agentligi nomidan barcha kasbdoshlarimizni, yurtdoshlarimizni va Respublikamiz mehmonlarini kirib kelayotgan 2023-yil bilan samimiy tabriklayman.
Davlatimiz rahbari tomonidan 2023-yil "Insonga e'tibor va sifatli ta'lim yili" deb e'lon qilgani mamlakatimiz uchun siyosiy, iqtisodiy, madaniy va maʼnaviy tiklanish jarayonlarida muhim bosqich ekanligi va xalqimizga bo'lgan e'tiborning yana bir isbotidir. Prezidentimiz tomonidan xalqning farovonligi, muammolarini o‘z vaqtida samarali hal etish, aholi turmush darajasi hamda sifatini oshirish asosiy maqsad etib belgilandi.
Ortda qolgan yil boshqa sohalar qatori Kadastr sohasi uchun muvaffaqiyatli bo‘ldi, deyish uchun barcha asoslar yetarli. O'tayotgan har bir daqiqada qo‘yilgan rejalarni tizimli ravishda amalga oshirish uchun xodimlarimiz bir yoqadan bosh chiqarib birga harakat qilishdi, ijobiy izlanishlar qilishdi. Shunday ekan, boshlanayotgan yangi yilda faoliyatimiz xayrli va muvaffaqiyatli bo‘lsin. Yaratgandan barchangizga salomatlik, oilalaringizga fayzu-baraka tilab qolaman!
Bugungi yorqin, bayramona Yangi yil shukuhi sizga doimo hamroh bo‘lsin!
Yangi 2023-yilingiz bilan, aziz vatandoshlar!
Hurmat bilan,
Farrux Pulatov
Kadastr agentligi direktori
