2021 yil va 2022 yilning o‘tgan davrida (1 iyun holatiga) respublika bo‘yicha yer uchastkasini o‘zboshimchalik bilan egallash bilan bog‘liq 24 511 ta yoki 5 164,7 gektar (2022 yilda 7 618 ta yoki 2 623,5 gektar) holat aniqlandi.
Agentlik organlari tomonidan berilgan yozma ko‘rsatmalar asosida 11 228 ta holatda 3 050,5 gektar (46%) maydondagi qonunbuzilishlarni ixtiyoriy bartaraf etilishi taʼminlandi.
O‘zboshimchalik bilan egallangan maydonlarni qaytarish, noqonuniy qurilmalarni buzdirish haqida sudlarga 11 637 ta yoki 1 456,5 gektar (2022 yilda 2 757 ta yoki 427,2 gektar) daʼvo arizalari kiritildi.
Kadastr agentligi direktorining birinchi o‘rinbosari Atabek Allaberganov.
Yerlarni o‘zboshimchalik bilan egallash holatlari bor, yer uchastkalaridan maqsadsiz foydalanish holatlari bor. Bu ikkala tushunchani bir-biridan farqlab olish kerak.
O‘zboshimchalik bilan egallab olingan yer uchastkasi — qonunchilikda belgilangan tartibda ajratilmagan (realizatsiya qilinmagan), shu jumladan, berilgan (realizatsiya qilingan) yer uchastkasining chegaralari vakolatli organlar tomonidan naturada (joyning o‘zida) belgilanmagan, yer uchastkasiga bo‘lgan huquqni tasdiqlaydigan hujjatlar berilmagan holda foydalanilgan yer uchastkasi.
Yer uchastkalaridan maqsadsiz foydalanish – yer uchastkalarini ajratib berish hujjatlarida belgilangandan boshqa maqsadda foydalanish yoki belgilangan muddatlarda foydalanmaslik degani.
Kadastr agentligi direktorining birinchi o‘rinbosari Atabek Allaberganov.
Yer va kadastr nazoratini avtomatlashtirish, korrupsiya holatlarini oldini olish maqsadida yerga oid huquqbuzarliklarni aniqlashdan bartaraf etilgunga qadar monitoringini yurituvchi “E-YER NAZORAT” avtomatlashtirilgan axborot tizimi amaliyotga joriy etildi.
Kadastr agentligi boshqarma boshlig‘i Murod Fayzullayev
Aniqlangan konunbuzilish holatlarini ixtiyoriy bartaraf etishga eʼtibor qaratamiz. Biz jarima qilishdan ko‘ra, qonunda belgilangan sanksiyalarni tushuntirgan holda uning oqibatlarini bartaraf etishga ko‘proq ahamiyat beryapmiz.
Birgina joriy yilning o‘tgan 5 oyida yer uchastkalarini o‘zboshimchalik bilan egallash (MJTK 60-modda 2-qismi) bilan bog‘liq 4 652 ta holatlar aniqlanib, huquqbuzarlarga berilgan yozma ko‘rsatmalar asosida 3 241 ta holat belgilangan muddatda ixtiyoriy bartaraf etilganligi sababli, huquqbuzarlar jami
22 mlrd so‘mdan ortiq maʼmuriy jarimadan ozod etildi.
Kadastr agentligi direktorining birinchi o‘rinbosari Atabek Allaberganov.
