O‘zbekiston Respublikasi Vazirlar Mahkamasining 2021-yil 27-avgustdagi №543-sonli qarori ijrosi yuzasidan Davlat soliq qo‘mitasi huzuridagi Kadastr agentligining 2021 yil 19 oktyabr kungi №02-04-1935-sonli xati bo‘yicha Xorazm viloyatida o‘quv seminari o‘tkazildi.
O‘quv seminarda viloyat hokimining sanoatni rivojlantirish, kapital qurilish, kommunikatsiyalar va kommunal xo‘jaligi masalalari bo‘yicha o‘rinbosari B.Qurbonov O‘zbekiston Respublikasi Vazirlar Mahkamasining 2021 yil 27 avgustdagi №543-sonli qarori bilan tasdiqlangan “Yer uchastkalarini davlat va jamoat ehtiyojlari uchun doimiy foydalanishga ajratishning Maʼmuriy reglamenti”ga asosan Davlat soliq qo‘mitasi huzuridagi Kadastr agentligi tomonidan yer uchastkalarini berish bo‘yicha materiallar to‘plash, ko‘rib chiqish va kelishish tartib–taomillarini amalga oshirish uchun “YERELEKTRON” avtomatlashtirilgan axborot tizimi qayta ishlab chiqilib, amaliyotga joriy etilganligini hamda tizimda ishlash yuzasidan joylardagi hokimliklar, vakolatli organlar va tashkilotlarga tegishli login va parollar taqdim etilganligini, shuningdek Kadastr agentligiga joylardagi hokimliklar va tashkilotlardan “YERELEKTRON” avtomatlashtirilgan axborot tizimidan foydalanish imkoniyatlarini kengroq tushuntirish yuzasidan takliflar kelib tushayotganligi inobatga olinib, Kadastr agentligi tomonidan o‘quv kurslarini tashkil etish yuzasidan ishchi guruhi tuzilib, o‘qitish grafigi tayyorlanganligini, ushbu o‘qitish grafigi bo‘yicha Xorazm viloyatining tegishli tashkilotlari xodimlarini o‘qitish uchun Kadastr agentligi Davlat kadastrlarini yuritishda hududlar bilan ishlash boshqarmasi bosh mutaxassisi M.M.Agzamov, Kadastr agentligining Davlat kadastrlari palatasi bosh mutaxassisi Z.H.Faxriddinov va «Geoinfokom» DUK bo‘lim bosh mutaxassisi M.A.G‘aynazarov kelganliklarini aytib o‘tdi hamda so‘zni M.M.Agzamovga berdi.
Kadastr agentligining “Davlat kadastrlarini yuritishda hududlar bilan ishlash boshqarmasi” bosh mutaxassisi M.M.Agzamov kun tartibidagi masala yuzasidan Davlat soliq qo‘mitasi huzuridagi Kadastr agentligi direktori F.K.Umarov tomonidan 16.10.2021 yil kuni tasdiqlangan O‘zbekiston Respublikasi Vazirlar Mahkamasining 2021 yil 27 avgustdagi №543-sonli qarori bilan tasdiqlangan “Yer uchastkalarini davlat va jamoat ehtiyojlari uchun doimiy foydalanishga ajratishning Maʼmuriy reglamenti”ga asosan “YERELEKTRON” avtomatlashtirilgan axborot tizimidan foydalanish bo‘yicha o‘qitish grafigiga asosan joriy yilning 21 oktyabr kuni Xorazm viloyatida o‘quv seminari belgilanganligini bildirib, “Yer uchastkalarini davlat va jamoat ehtiyojlari uchun doimiy foydalanishga ajratishning Maʼmuriy reglamenti”ga asosan “YERELEKTRON” avtomatlashtirilgan axborot tizimidan foydalanish bo‘yicha yig‘ilish qatnashchilariga tushuntirishlar berdi hamda O‘quv seminari ishtirokchilarini qiziqtirgan savollarga javoblar berdi.
