📝Respublikadagi mavjud 5562 ta (134984,7 gektar) sunʼiy baliqchilik havzalari xatlovdan o‘tkazilib, natijasi bo‘yicha hududlarda faoliyat yuritayotgan 39 ta fermer xo‘jaliklari tomonidan 204,46 gektar yer maydonlari o‘zboshimchalik bilan egallab olinganlik hamda 303 ta holatda 5,48 gektar yer maydonlariga o‘zboshimchalik bilan imorat qurganlik holatlari aniqlandi.

💠Aniqlangan yer qonunbuzilish holatlarini bartaraf etish maqsadida, 338 ta (1 217 gektar) fermer xo‘jaliklariga ogohlantirilish xatlari yuborildi, 25 ta holatda sudlarga daʼvo arizalari kiritildi. Shuningdek 57 nafar fermer xo‘jaliklari rahbarlariga nisbatan maʼmuriy jarimalar rasmiylashtirildi.

💠Bundan tashqari 18 ta holatda jinoyat alomatlari aniqlanganligi sababli qo‘shma tartib asosida prokuratura organlariga yuborildi.

💠Shuningdek, 1 334 ta (36 146,05 gektar) fermer xo‘jaliklarining yer uchastkasiga bo‘lgan huquqlari belgilangan tartibda Davlat ro‘yxatidan o‘tkazilmaganligi aniqlandi. Mazkur holat yuzasidan 71 nafar fermer xo‘jaliklari rahbarlariga maʼmuriy bayonnomalar rasmiylashtirilib, maʼmuriy jarimalar qo‘llash to‘g‘risida qaror qabul qilindi.