Kadastr agentligi Jizzax viloyati boshqarmalari xodimlari uchun Alisher Navoiy nomidagi Toshkent davlat o‘zbek va adabiyoti universiteti huzuridagi Davlat tilida ish yuritish asoslarini o‘qitish va malaka oshirish markazi tomonidan bir oylik “O‘zbek adabiy tili, me’yorlari va davlat tilida ish yuritish kursi” bo‘yicha qisqa muddatli o‘quv kurslari tashkil etilgan edi.
Mazkur o‘quv kurslarini muvaffaqiyatli tamomlagan bir guruh bitiruvchilarga sertifikatlar topshirildi.
Kadastr agentligida Jahon banki loyihasi doirasida Agentlik va uning tizimidagi tashkilotlarda faoliyat yuritib kelayotgan 65 nafar Kadrlar bo‘limi mas’ul xodimlarini joriy yilning dekabr va 2023-yil yanvar oylarida “Kadrlar xizmati faoliyatida qonun hujjatlari talablariga rioya qilish hamda mehnatga oid hujjatlarni rasmiylashtirish” bo‘yicha 2 haftalik malaka oshirish o‘quv kursi tashkil qilinmoqda.
Joriy yilning 9-20-dekabr kunlari ushbu o‘quv markazida “HR va Kadrlar xizmati faoliyatida qonun hujjatlari talablariga rioya qilish hamda mehnatga oid hujjatlarni rasmiylashtirish” mavzusi bo‘yicha malaka oshirish kursida 19 nafar Kadrlar bo‘limi mas’ul xodimlarining malakasi oshirilib ularga o‘quv markazi tomonidan sertifikatlar taqdim etildi.
2023-yil yanvar oyidan boshlab ushbu malaka oshirish kursida mutaxassislarning malakasini oshirish ishlari davom etishi rejalashtirilmoqda.
