Bugun O‘zbekiston Milliy matbuot markazida Kadastr agentligining Davlat kadastrlari palatasi mutasaddilari ishtirokida “Yer hisobini raqamli iqtisodiyotga joriy etish jarayonlari” mavzusida matbuot anjumani o‘tkazildi.
Yer uchastkalarini hisobga olish hamda yerga bo‘lgan huquqlarni davlat ro‘yxatidan o‘tkazilish avvalam bor yer uchastkalarini muhofaza qilish, yer munosabatlarini tartibga solish hamda aholini yerga bo‘lgan huquqlarini davlat tomonidan himoyaga olinishidir.
O‘zbekiston Respublikasining ma’muriy chegarasidagi umumiy yer maydoni 2022-yil 1-yanvar holatiga jami 44 mln 892 ming 400 gektarni, shundan sug‘oriladigan yerlar esa 4 mln 331 ming 700 gektarni tashkil qiladi. Ya’ni Resublikamizdagi jami yerlardan bor yo‘g‘i 9.7 % sug‘oriladigan yerlar tashkil etadi.
Respublikaning jami 44,9 mln gektar yer maydonidan 41,4 mln gektari (qishloq xo‘jaligi 23,9 mln gektar, o‘rmon fondi 11,9 mln gektar, tabiatni muxofaza qilish yerlari 2,9 gektar, davlat zaxira yerlari 1,7 mln gektar) yoki 92,2 % “Kadastr va ro‘yxatdan o‘tkazishning integrasiyalashgan axborot tizimi”da elektron xaritasi yaratilib, kadastr axborot tizimiga kiritildi.
Shundan:
– 36,0 mln gektar 4 596 mln nafar (qishloq xo‘jaligi 22,3 mln gektar, o‘rmon fondi 11,8 mln gektar, tabiatni muxofaza qilish yerlari 1,1 mln gektar) yerdan foydalanuvchilar kesimida kadastr yig‘ma jildlari shakllantirilgan holda davlat ro‘yxatidan o‘tkazildi.
O‘zbekiston Respublikasi yer fondi yerlaridan foydalanish maqsadi va tartibiga ko‘ra o‘ziga xos hususiyatlarga ega bo‘lib, ular O‘zbekiston Respublikasi “Yer kodeksi”ning 8-moddasiga asosan 8 ta toifaga bo‘linadi.
O‘zbekiston Respublikasi Yer fondining toifalari bo‘yicha taqsimlanishi quyidagicha;
1. Qishloq xo‘jaligiga mo‘ljallangan yerlar -27148,5 ga
2. Aholi punktlarining yerlari - 224,1 ga
3. Sanoat, transport, aloqa, mudofaa va boshqa maqsadlarga mo‘ljallangan yerlar yerlar - 879,6 ga
4. Tabiatni muhofaza qilish, sog‘lomlashtirish va rekreatsiya maqsadlariga mo‘ljallangan yerlar - 731,6 ga
5. Tarixiy-madaniy ahamiyatga molik yerlar - 14,6 ga
6. O‘rmon fondi yerlari - 12057,3 ga
7. Suv fondi yerlari - 827,1 ga
8. Zaxira yerlar - 3009,6 ga
