Respublika Kadastr agentligi direktor o‘rinbosari Abdushukur Abdullayev tuman madaniyat markazida kadastr bo‘yicha tuman aholisi muammolarini o‘rganish va joyida yechim topishini taʼminlash maqsadida sayyor qabul o‘tkazdi.
Albatta, bugun boshqa sohalar qatori kadastr sohasi bo‘yicha ham aholi o‘rtasida yechimini kutayotgan muammolar mavjud. Sayyor qabul davomida ana shu muammo va kamchiliklarni joyida yechim topshrishiga alohida eʼtibor qaratildi. Aholining har bir murojaatlari diqqat bilan tinglanib, uni hal etish choralari izlandi.
Sayyor qabulda jami 40 nafar fuqarolar ishtirok etib, 40 ta murojaatlar tushdi. Aholi tomonidan bildirilgan murojaatlarning 15 tasi joyida yechim topdi. O‘rganish va muddat talab etadigan murojaatlar esa ijro uchun nazoratga olinib, ularni o‘z vaqtida, qonun doirasida ko‘rib chiqish va hal etish yuzasidan mutasaddi rahbarlarga shaxsiy javobgarlik yuklatildi.
