Xalqimizning hayotiy talab va ehtiyojlarini ta’minlash, odamlarni rozi qilish yo‘lidagi har bir amaliy ish muhimdir.

Davlat kadastrlari palatasi Jizzax viloyati boshqarmasi xodimlari Prezidentimizning 2019-yil 17-yanvardagi “Aholi muammolari bilan ishlash tizimini yanada takomillashtirish chora-tadbirlari to‘g‘risida”gi farmoni ijrosiga e’tibor qaratmoqda.  

Aholining biror bir masala, mummo, dard-tashvishi bilan qaysidir idora yoki rahbarga murojaat qilishi – ularning muhim siyosiy huquqlaridan biri hisoblanadi. Yurtdoshlarimiz tomonidan ko‘tarilayotgan murojaatlarida ularning kayfiyati, shart-sharoiti, olib borilayotgan islohotlarga munosabatini yaqqol ko‘rish mumkin.

Murojaatlarga munosabat tubdan o‘zgargani sabab mansabdor shaxslar fuqarolar va jamiyat oldida mas’ul ekanligini, xalq manfaati chuqur his eta boshladi. Chunki har bir murojaat ortida inson taqdiri yotibdi. Inson taqdiriga befarq bo‘lishga esa hech kimning haqqi yo‘q.

Mehnat qilib kelayotganim – Davlat kadastrlari palatasi Jizzax viloyati boshqarmasiga joriy yil shu bugungga qadar, jami 5 ming 67 ta murojaat kelib tushgan bo‘lib, ushbu murojaatlarning 1 ming 998 tasi yuridik, 3 ming 69 tasi esa jismoniy shaxslardan. Shundan, 1 ming 23 tasi uy-joy hujjatlarini rasmiylashtirish, 154 tasi yer maydonlarini o‘lchab berish, 1 ming 125 tasi yer maydonidan ajratish, 42 tasi yer toifasini o‘zgartirish va 2 ming 723 tasida boshqa masalalar ko‘tarilgan.

Fuqarolari tomonidan ko‘tarilgan murojaatlarning 2 ming 156 tasi tegishli tartibda o‘z yechimini topgan bo‘lsa, 2 ming 911 tasi bo‘yicha huquqiy tushuntirishlar berilib, tegishli yo‘l-yo‘riqlar ko‘rsatildi.

Prezidentimizning ta’kidi bilan aytganda, “Xalqimiz o‘z hayotida ijobiy o‘zgarishlarni ertaga emas, uzoq kelajakda emas, aynan bugun ko‘rishi kerak” va tizimimiz xodimlari shu yo‘lda astoydil mehnat qilmoqda.

M.Ahmatov,  

Davlat kadastrlari palatasi Jizzax  

viloyati boshqarmasi boshlig‘i o‘rinbosari.