Hududlarda yer nazorati tadbirlari
Qashqadaryo viloyati Nishon tumani inspektorlari tomonidan o‘tkazilgan yer va kadastr nazorati tadbirlarida “Kimyogar” MFY da fuqaro tomonidan hech qanday huquqiy hujjatlarsiz 4 sotix yer maydonni o‘zboshimchalik bilan egallab olib noqonuniy ravishda beton poydevor qurib olganligi holati aniqlandi. Olib borilgan tushuntirishlar hamda yozma ko‘rsatmadan so‘ng yer maydon fuqaro tomonidan bartaraf etildi.
Farg‘ona viloyati Buvayda tumani inspektorlari tomonidan o‘tkazilgan yer va kadastr nazorati tadbirlarida “Qoratepa” MFY Qoratepa qishlog‘i hududida fuqaro tomonidan ariqning muhofaza hududidan yer maydonini hech qanday huquqiy hujjatlarsiz egallab olganlik holati aniqlandi. Shundan so‘ng yer qonunbuzarlikni sodir etgan shaxsga tushuntirish ishlari olib borildi hamda uning huquqiy oqibatlari tushuntirildi hamda noqonuniy qurilma fuqaro tomonidan joyning o‘zida bartaraf etildi.
Surxondaryo viloyati Qiziriq tumani inspektorlari tomonidan o‘tkazilgan yer va kadastr nazorati tadbirlarida “Zartepa” MFY hududidagi davlat zaxirasida bo‘lgan yer maydonidan o‘zboshimchalik bilan 0.05 gektar egallab olib, 100 kv.metrdan iborat poydevor (fundament) qurib olganligi holati aniqlandi. Ushbu holat bo‘yicha tushuntirish ishlari olib borildi hamda O‘z Res MJtK ning 60-moddasi 3-qismiga asosan fuqaroga maʼmuriy hujjatlar rasmiylashtirildi.
Samarqand viloyati Narpay tumani inspektorlari tomonidan o‘tkazilgan yer va kadastr nazorati tadbirlarida «Muqumiy» MFY da yashovchi fuqaro "Aholi punkti yerlari" toifasidagi yerdan o‘zboshimchalik bilan jami 1 000,0 kv.metr yer maydonini hech qanday huquqiy hujjatlarsiz o‘zboshimchalik bilan egallab olib, ushbu yer maydonida noqonuniy tarzda 56,0 kv.metr o‘lchamdagi turar-joy binosini qurayotganligi aniqlangan. Ushbu holat bo‘yicha tushuntirish ishlari olib borildi hamda O‘z Res MJtK ning 60-moddasi 3-qismiga asosan fuqaroga maʼmuriy hujjatlar rasmiylashtirildi.
