![](https://kadastr.uz/medias/article/4410/1721368741_0.jpg)
Joriy yilning iyul oyidan boshlab Kadastr agentligi hamda Koreya Yer, infratuzilma va transport vazirligi hamkorligida amalga oshirilayotgan “O‘zbekistonda Milliy fazoviy axborot salohiyatini kompleks mustahkamlash tizimini tashkil etish” grant loyihasi doirasida 5 bosqichli treninglarga start berildi.
Bosqichma-bosqich amalga oshirilishi ko‘zda tutilgan mazkur treninglar “GNSS o‘lchovi hamda Suratlarni qayta ishlash va ulardan foydalanish” yo‘nalishidagi kurslardan boshlangan bo‘lib, bosqich yakuniga qadar Web-GIS hamda QGIS yo‘nalishlarining bazaviy va ilg‘or darajalarini, shuningdek, LiDAR suratlarini qayta ishlash hamda sohaga doir dasturlash yo’nalishlarini qamrab oladi.
Kadastr agentligi hamda uning tarkibiy tuzilmasidan saralab olingan trenerlarning bosqichli o‘quv dasturi O‘zbekiston hamda Koreya Respublikasining Yer va fazoviy ma’lumotlarni axborotlashtirish malaka oshirish institutida amalga oshirilishi rejalashtirilgan.