O‘zbekiston Respublikasi “Milliy geografik axborot tizimini yaratish” tadbirlari doirasida, Respublika aerogeodeziya markazi tomonidan hududlarda o‘rnatilgan doimiy ishlovchi 50 ta Global yo‘ldoshli pozitsion stansiyalar monitoringi olib borilmoqda. Global yo‘ldoshli pozitsion stansiyalar ma’lumotlarini foydalanuvchilarga taqdim etish maqsadida (Billing tizimi) joriy qilindi. Global yo‘ldoshli pozitsion stansiyalari ma’lumotlaridan foydalanuvchilar uchun ularning texnik parametrlariga asoslangan holda RTK, Regional Network RTK service, Post Processing Services, Real Time Status Services xizmatlari ishlab chiqildi. Bugungi kunda Sun’iy Yo‘ldosh Geodeziya Differensial Stansiya 50 ta doimiy amal qiluvchi GNSS tarmog’i ishlab turibdi.

🛰Ushbu GNSSlar AQShning GPS, Rossiya Federatsiyasining GLONASS, Yevropaning GALILEO, Xitoyning BeiDou, Yaponiyaning QZSS kabi GNSS (GNSS-global navigatsion sun’iy yo‘ldosh tizzimi) tizimlar signallarini qabul qiladi. GNSSlar – Rover (mobil) GNSS priyomniklar yordamida real vaqtda geodeziya, topografiya ishlarini bajarish uchun yaratilgan. GNSS geodeziya va geologiya, qishloq xo‘jaligi, transport, vaqt va sinxronizatsiyalash, seysmologiya va boshqa ijtimoiy-iqtisodiy yo‘nalishlarda keng va samarali faoliyat olib borish imkonini beradi. Jumladan

▪️Respublikaning barcha iqtisodiy-ijtimoiy sohalarida  yuqori sifatli geodezik xizmatlarni ko‘rsatish maqsadida GNSS global navigatsiya yo‘ldoshlar tizimidan foydalanish;

▪️O‘zbekiston Respublikasining yuqori aniqlikdagi geotsentrik koordinatalar tizimining parametrlarini aniqlash, davlat balandlik asoslarini modernizatsiya qilish;

▪️davlat geodeziya tarmoqlarining innovatsion tuzilishini yaratish;

▪️yer yuzasi deformatsiyasi jarayonlarini, zilzilalar va tabiiy ofatlarning prognozini aniqlash maqsadida uzluksiz geodezik kuzatuv tizimlarini yaratish va rivojlantirish;

▪️yer parametrlarini aniqlashtirish;