2022-yilning o‘tgan 7 oyi davomida 510 ta holatda jami 101,38 gektar yer maydonlari o‘zboshimchalik bilan egallab olinganligi aniqlandi.
Ushbu holatlar bo‘yicha Kadastr agentligi Farg‘ona viloyat boshqarmasi hamda tuman (shahar) bo‘limlari tomonidan yer qonun buzilish holatlarini sodir etgan 407 ta shaxslarga nisbatan bartaraf etish yuzasidan yozma ko‘rsatmalar yuborilib, 155 ta holatda 5 gektar yer maydonlarida yo‘l qo‘yilgan qonunbuzilish holatlari joyida bartaraf etildi.
Yer qonunbuzilishi holatlarini sodir etgan aybdor shaxslar tomonidan qurilgan qurilishlarni buzdirish hamda yer maydonlarini tuman zaxirasiga qaytarish maqsadida (68 gektar) yoki 211 ta holatda sudlarga daʼvo arizalari kiritildi.
Yuqoridagi qayd etilgan holatlar yuzasidan Maʼmuriy Javobgarlik TO‘G‘RISIDAgi Kodeksning tegishli moddalari bilan 1813 ta holatda 4 mlrd 788 mil so‘m miqdorida maʼmuriy jarima qo‘llanilib, qo‘llanilgan maʼmuriy jarimalarning 1 mlrd 609 mil so‘m undirildi. Shuningdek Maʼmuriy Javobgarlik TO‘G‘RISIDAgi Kodeksning 68-prim 1-moddasi (Ko‘chmas mulkka bo‘lgan xuquqi davlat ro‘yxatidan o‘tkazish uchun o‘z vaqtida murojaat etmaslik) bilan jami 1098 ta holatda 3 mlrd 76 mil 500 ming so‘m miqdorida maʼmuriy jarimaga tortildi.
Yer uchastkalaridan maqsadsiz foydalanish holatlari yuzasidan o‘tkazilgan nazorat tadbirlarida viloyat bo‘yicha 34 ta jismoniy va yuridik shaxslar tomonidan 2,0 gektar yer uchastkalaridan maqsadsiz foydalanish holatlari aniqlanib, tuman va shahar hokimliklariga boshqarma tomonidan maqsadsiz foydalanayotgan yer uchastkalarini hokimlik zaxirasiga qaytarilishi to‘g‘risida tegishli taqdimnomalar kiritilishi taʼminlandi.
Jinoyat alomatlari mavjud huquqbuzarlik holatlari yuzasidan (16,2 gektar) yoki 118 ta holatda prokuratura organlariga to‘plangan hujjatlar Qo‘shma tartib asosida taqdim etildi.
Muzaffar Turg‘unov,
Kadastr agentligi Farg‘ona viloyati boshqarmasi Yer va kadastr nazorati bo‘lim boshlig‘i
