O‘zbekiston Respublikasi Prezidentining topshirig‘iga asosan birinchi marotaba O‘zbekiston Milliy atlasi yaratildi.
O‘zbekiston Milliy atlasi 416 ta xaritalarni o‘zida jamlagan 2 ta jilddan iborat bo‘lib, O‘zbekiston Respublikasining barcha sohalarini kartografik va matnli ko‘rinishda tavsiflovchi fundamental ilmiy-maʼlumotnoma asari hisoblanadi.
Milliy atlasning I-jildi 205 ta xaritalarni o‘zida jamlagan 3 ta bo‘limdan iborat bo‘lib, unda O‘zbekiston Respublikasining "Tabiiy-geografik o‘rni va umumiy xususiyatlari", "Tabiiy sharoiti va tabiiy resurslari" hamda "Ekologiya va atrof-muhit muhofazasi" sohalari aks ettirilgan.
Milliy atlasning II-jildi 211 ta xaritalarni o‘zida jamlagan 5 ta bo‘limdan iborat. Unda O‘zbekiston Respublikasining "Umumiy xususiyatlari", "Aholisi", "Ijtimoiy" va "Iqtisodiyot sohalari" hamda "Tarixi" aks ettirilgan.
Milliy atlas Kadastr agentligi va "Kartografiya" davlat ilmiy-ishlab chiqarish korxonasining 100 dan ortiq mutaxassislari bilan Fanlar akademiyasining yetuk olimlari, vazirlik va idoralarning 40 ga yaqin vakillari hamda oliy taʼlim va boshqa ilmiy maqomga ega bo‘lgan tashkilotlardan jalb etilgan ekspertlar hamkorligida yaratildi.
