🔹2022-yilning o‘tgan davri mobaynida respublika bo‘yicha yer uchastkasini o‘zboshimchalik bilan egallash bilan bog‘liq 6 516 ta yoki 2 293,2 gektar holat aniqlandi.

🔹Agentlik organlari tomonidan berilgan yozma ko‘rsatmalar asosida 2 897 ta holatda 1 413 gektar (45 %) maydondagi qonunbuzilishlarni ixtiyoriy bartaraf etilishi ta’minlandi.

🔹O‘zboshimchalik bilan egallangan maydonlarni qaytarish, noqonuniy qurilmalarni buzdirish haqida sudlarga 2 121 ta da’vo arizalari kiritildi.

🔹Yerga oid qonun buzilishi holatlarida jinoyat alomatlari kuzatilgan 413 ta yoki 93,9 gektar ish hujjatlari o‘rnatilgan tartibda prokuratura organlariga yuborildi.

🔰Joriy yilda respublika bo‘yicha yer uchastkalaridan maqsadsiz foydalanish bilan bog‘liq 409 ta (7 832,1 gektar) holat aniqlandi.

💠Maqsadsiz foydalanilgan yer uchastkalariga bo‘lgan huquqni bekor qilish yuzasidan hokimliklarga 378 ta (7 821,4 gektar) holatda taqdimnomalar kiritildi.

💠PF-6243-son Farmon bilan Kadastr agentligiga to‘g‘ridan-to‘g‘ri sudga murojaat qilish huquqi berilganidan keyin 31 ta (10,7 gektar) holatda yer uchastkalariga bo‘lgan huquqni bekor qilish yuzasidan sudlarga murojaat qilindi.

💠Yer va kadastr nazoratini avtomatlashtirish, korrupsiya holatlarini oldini olish maqsadida yerga oid huquqbuzarliklarni aniqlashdan bartaraf etilgunga qadar monitoringini yurituvchi “E-YER NAZORAT” avtomatlashtirilgan axborot tizimi amaliyotga joriy etilgan. Hozirda nazorat tadbirlari davom ettirilmoqda.