Davlat kadastrlar palatasi Buxoro viloyat boshqarmasining "Topografik va kartografik materiallarni tayyorlash sektori" tomonidan joriy yilda jami 341 gektar yer maydoniga umumiy qiymati 301 926 423 so‘mlik topografik xizmatlar ko‘rsatilgan. Bu haqda Davlat kadastrlari palatasi Buxoro viloyati boshqarmasi axborot xizmati ma’lum qildi.

Bundan tashqari O‘zbekiston Respublikasi Prezidentining 2022-yil 16-avgust kunidagi «Mahalla institutining jamiyat hayotidagi rolini mustahkamlash va moliyaviy imkoniyatini yanada kengaytirish chora-tadbirlari to‘g‘risida»gi qarorida 2023-yil 1-yanvarga qadar har bir mahallaning aniq chegaralari belgilash bo‘yicha bir qator vaziyafalar ko‘rsatib o‘tilgan. Qarorda belgilangan vazifalar ijrosini ta’minlash maqsadida, Buxoro viloyatidagi mavjud 544 ta mahalla fuqarolar yig‘inlarining aniq chegaralari tasvirlangan topografik xaritalari tayyorlab chiqilmoqda.

Ayni paytda tuman va shaharlardagi ayrim mahallalarning xududiy bo‘linishi bo‘yicha taklif loyihalari bo‘yicha ish olib borilmoqda. Mazkur jarayonlar joriy yil yakuniga qadar to‘liq tugatilishi ta’minlanadi.