Boshqarma boshliqlari va mas’ul mutaxassislari hamda zoom platformasi orqali bo‘lim va filial rahbarlari ishtirok etgan yig‘ilish avvalida direktori o‘rinbosari A.Abdullayev tomonidan joriy yilning birinchi yarmida amalga oshirilgan ishlar muhokama qilindi. Yer nazorati, aholiga kadastr xizmatlarini ko‘rsatish yo'nalishi, xodimlarning malakasini oshirish masalalari, tizimda korrupsiyaga qarshi kurash yo‘nalishida joriy qilinayotgan ta’sirchan choralar xususida ma'lumot berildi.
Bo'lim boshliqlari va filial rahbarlarining sohaga doir takliflari tinglanib, kuchaytirilgan yer va kadastr nazorati tadbirlarini davom ettirish, aholi o'rtasida yer qonunbuzilishi holatlarining huquqiy oqibatlarini tushuntirish bo'yicha targ'ibot tadbirlarini ko'paytirish yuzasidan tegishli topshiriqlar berildi.
