Kadastr agentligi Toshkent viloyati boshqarmasi Axborot xizmatining Effect.uz`ga ma’lum qilishicha, viloyatda yil davomida jami 1551ta holatda 558,03 gektar yer maydoni o‘zboshimchalik bilan egallangan.

So‘nggi yillarda respublikada yer uchastkalaridan oqilona va maqsadli foydalanilishini ta’minlash, ularni muhofaza qilish, yangi yerlarni o‘zlashtirish hamda qayta muomalaga kiritish borasida tizimli ishlar amalga oshirilmoqda.

Biroq, hududlarda yer qonunchiligiga rioya qilmaslik, yer uchastkalaridan maqsadsiz va samarasiz foydalanish, jumladan noqonuniy qurilmalar qurish, shuningdek, yerlarni o‘zboshimchalik bilan egallash holatlari uchrayotganligi ko‘ngilni xira qilishi tabiiy, albatta.

Hozirgi kunga qadar viloyat hududlarida olib borigan monitorinlar natijasida 1,551ta holatda yer qonunbuzilish holatlari aniqlangan. Mazkur raqamlarning katta qismini uy-joy (822ta) va noturar-joylar (579ta) qurish ko‘rsatkichlari tashkil etmoqda.

Buning oqibatida jami 558,08 gektar yer maydoni o‘zboshimchalik bilan egallangan. Shundan 436,3 gektar yer maydoni qishloq xo‘jaligi yeralaridir. Ushbu holatlar tahlil qilinganda,

Ohangaron tumanida 158ta holatda 239,3 gektar;

Bo‘stonliq tumanida 136ta holatda 13,28 gektar;

Toshkent tumnida 129ta holatda 75,1 gektar;

Olmaliq shahrida 122ta holatda 2,55 gektar;

Yangiyo‘l tumanida 107ta holatda 30,04 gektar yer maydonlari egallangani ma’lum bo‘lmoqda.

Bartaraf etish bo‘yicha 745ta holatda tegishli tartibda berilgan ogohlantirishlardan ixtiyoriy ravishda bartaraf etilgan, 520ta holat fuqarolik ishlari bo‘yicha sudlarga da’vo arizalari kirtilgan, shundan 194ta ariza qanoatlantirilib, 300ta ariza sud jarayonida. Bundan tashqari, 166ta holatda prokuratura organlariga taqdim etilgan.