O‘zbekiston Respublikasi Oliy Majlisi Qonunchilik palatasining 16-avgust 2021 yildagi 1290-IV-son  va O‘zbekiston Respublikasi Oliy Majlisi Senatining 27-avgust 2021 yildagi SQ-379-IV-son Qarorlari ijrosi yuzasidan Kadastr agentligi hamda Davlat kadastrlari palatasining Toshkent viloyati boshqarmalari hamda hududiy bo‘linmalari tomonidan bir qator ishlar amalga oshirilmoqda.

Unga ko‘ra, Toshkent viloyatining Zangiota tumanidan Toshkent shahrining Sergeli tumaniga quyidagi ijtimoiy obyektlar o‘tkazilishi taʼminlandi:

🟢 mahallalar – 13 ta;

🟢 ko‘p qavatli turar joylar – 23 ta;

🟢 ko‘p qavatli turar joylardagi honadonlar – 335 ta;

🟢 yakka tartibdagi uy-joylar – 10 954 ta;

🟢 noturar joylar – 535 ta;

🟢 maktablar – 7 ta;

🟢 maktabgacha taʼlim muassasalari – 5 ta;

🟢 diniy muassasalar – 2 ta;

🟢 qabristonlar – 4 ta;

🟢 madaniyat markazlari – 1 ta;

🟢 tibbiy muassasalar – 2 ta.

Zangiota tumanidan Sergeli tumaniga o‘tayotgan aholining doimiy yashash manzili Toshkent shahri Sergeli tumani etib belgilanadi.