🔰So‘nggi yillarda respublikada ishbilarmonlik va investitsiya muhitini tubdan yaxshilash, ortiqcha byurokratik to‘siqlarni bartaraf etish, eskirgan, zamon talablariga mos kelmaydigan tartib-taomillarni takomillashtirish borasida izchil chora-tadbirlar amalga oshirilayotganligini inobatga olib, Vazirlar Mahkamasining 2021-yil 28-iyundagi 395-son qaroriga muvofiq Kadastr agentligining «Geodeznazorat» axborot tizimi ishlab chiqildi.

💠Mazkur axborot tizimini ishlab chiqishdan asosiy maqsad geodeziya va kartografiya faoliyati bilan shug‘ullanuvchi yuridik shaxslarni texnik loyiha va texnik hisobotlarni ekspertizadan o‘tkazish uchun arizalarni «Geodeznazorat» axborot tizimidan yuborilishini yo‘lga qo‘yishdan iborat.

💠Bu bilan ortiqcha ovoragarchiliklar, buyrakratik to‘siqlar bo‘lmasligi taʼminlanib, murojaatlarning muddatlari buzilishlari oldi olinadi. Shu bilan birgalikda texnik loyiha va texnik hisobotlarning elektron reyestri yuritilib boriladi.

🔹Bugungi kunda ushbu axborot tizimi test rejimida ishlab kelmoqda, test rejimidan muvaffaqiyatli o‘tgandan so‘ng barcha geodeziya va kartografiya faoliyati bilan shug‘ullanuvchi yuridik shaxslar tomonidan yuboriladigan arizalarni tizim orqali yuborilishini taʼminlash ko‘zda tutilgan.