Bugun Sirdaryo viloyati Guliston shahrida Kadastr agentligi mutasaddilari hamda hokim maslahatchilari ishtirokida "Geografik ob’ektlar nomlarini to‘g‘ri shakllantirish va ularni davlat reyestriga kiritish" yuzasidan amaliy seminar bo‘lib o‘tdi.
Seminarda viloyatda mavjud 297 ta raqamlashmagan
uy-joylar, 72 ta nomsiz ko‘chalarga nom berish hamda takrorlanuvchi ko‘cha nomlarini o‘zgartirish bo‘yicha amalga oshirilishi lozim bo‘lgan ishlar yuzasidan so‘z yuritildi.
Bunda Kadastr agentligi hokim maslahatchilari va mahalla raislari ishtirokida har bir hududda xatlov o‘tkazilib, ko‘chalarga nom berish va xonadonlarni raqamlashtirish orqali ularning davlat reyestriga kiritilishini ta’minlanadi.
Bajarilayotgan ishlarning natijasida aholining doimiy ro‘yxatdan o‘tish (propiska), tez tibbiy yordam chaqiruvi va boshqa shu kabi muammolariga yechim bo‘lishi kutilmoqda.
