Prezident tashabbuslari amalda.
“Namangan shahri aholisining soni - million kishidan iborat shaharga aylanadi”- Shavkat Mirziyoyev.
Muhtaram Prezidentimiz Shavkat Mirziyoyev o‘tgan yili Namanganlik saylovchilar bilan uchrashuvida o‘zining saylov oldi dasturi bilan tanishtirib, viloyatda birinchi o‘rinda hal qilinishi kerak bo‘lgan masalalar va tashabbuslarni olg‘a surgan edi.
Yer va boshqa tabiiy resurslari cheklangan, aholisi zich joylashgan, viloyatda kambag‘allikni kamaytirish, aholi daromadlarini oshirish, sog‘liqni saqlash va taʼlim tizimlaridagi muammolarga yechim topish kerakligi xususida gapirgan edi.
Yuqoridagi masalalar va tashabbuslarni hal qilish uchun jiddiy ishga kirishildi.
Xabaringiz bor Namangan va Samarqand shaharlarini istiqbolda «millionli shaharlar»ga aylantirish bo‘yicha choralar ko‘riladi. Bu ishlar 2022-2026 yillarga mo‘ljallangan taraqqiyot strategiyasini 2022 yilda amalga oshirish bo‘yicha «Yo‘l xaritasi» loyihasida ko‘zda tutildi.
Xususan, 2022 yilning mart oyida Namangan va Samarqand shaharlarini «millionli shaharlar»ga aylantirish bo‘yicha respublika ishchi guruhlari tashkil etiladi. Iyun oyida Samarqand va Namangan shaharlarining chegaralarini o‘zgartirish masalasi xalq deputatlari mahalliy kengashlarida ko‘rib chiqiladi. Avgust oyida esa Samarqand va Namangan shaharlari chegaralarini o‘zgartirish bo‘yicha Oliy Majlis Senati va Qonunchilik palatasi qarorlari ishlab chiqish ko‘zda tutilgan.
Namangan shahrini istiqbolda “millionli shahar”ni shakllantirish bo‘yicha choralar ko‘rilmoqda. Maʼlumot o‘rnida, Namangan shahri Davlatobod tumanining “Yuksalish” hamda To‘raqo‘rg‘on tumanining "Yettikon" mahallalari hududidan yashil makon uchun 1 ming 371 gektar yer ajratilgan. Bu hududda «Yangi Namangan» shaharchasini barpo etish uchun qurilish ishlari allaqachon boshlab yuborilgandi.
Shaharcha maydoni faqatgina binolardan iborat bo‘lgan joy emas, balki ekologik musaffolik mavjud bo‘lgan hududga aylanadi. Shu bois ham «Yashil hudud» da 65 gektarli «Yangi O‘zbekiston bog‘i» barpo etilmoqda.
Viloyatda uy-joyga ehtiyoj katta. Birgina Namangan shahrida kelgusi besh yilda aholi 1 million nafarga yetishi hisobiga, qo‘shimcha 52 mingta uy-joyga ehtiyoj mavjud.
Shu sababli shaharning “Yuksalish” massivida 30 ming oila uchun 330 ta ko‘p qavatli uylar, maktab, bog‘cha, shifoxona, kichik sanoat zonalari, xizmat ko‘rsatish obyektlarini qamrab olgan “Yangi Namangan” shaharchasi bunyod etiladi.
Eng muhimi – viloyat hududida yer maydonlari tanqisligini inobatga olib, yangi ishlab chiqarish quvvatlari 3-4 yoki undan ortiq qavatli binolarda joylashtiriladi.
Yuqoridagi maʼlumotlar va raqamlardan ko‘rinib turubdiki, bu ishlarni amalga oshirishda Kadastr agentligi tizimidagi Namangan viloyat boshqarmalari kadastrchilariga ham “Inson qadrini ulug‘lash va faol mahalla yili” da Namangan shahrini istiqbolda “millionli shahar” maqomini shakllantirishda qatnashib shahrimizni obod qilish uchun juda katta vazifalar yuklanmoqda.
Hozirda Namangan shahar kadastr tizimida Prezidentimiz tashabbuslarini amal oshirish uchun texnik va tashkiliy tayyorgarlik ishlari boshlab yuborildi.
