2022 yil 1 yanvar holatiga O‘zbekiston Respublikasining maʼmuriy-hududiy chegarasidagi jami yerlari 44 mln 892 ming gektarni tashkil etadi. Ushbu maydonlar (yer fondi) foydalanish maqsadiga qarab 8 ta toifaga bo‘linadi.
Bulardan qishloq xo‘jaligi yerlari 22 mln. 116 ming gektarni tashkil etib, shundan sug‘oriladigan yerlar 3 mln 200 ming gektardan ortiq.
Xatlov ishlari anʼanaviy tarzda ruletkalarda, qo‘lda sarjinda, qog‘ozga yozib emas, yuqori aniqlikdagi zamonaviy o‘lchov asboblaridan foydalangan holda bajarilmoqda. Bundan ko‘zlangan maqsad klasterlar, fermer xo‘jaliklari va boshqa yerdan foydalanuvchilarning o‘zlariga tegishli yer maydonlari va chegaralarini aniq, shaffof holda yer hisobini yuritish.
Bu yo‘nalishda Shvetsariyaning Leica kompaniyasi bilan oldindan hamkorlik qilib kelinmoqda. Hozirgi kunda Respublika aerogeodeziya markazimizda Leica kompaniyasining TS 02, TS 11, GS 10 va GS 18 markali yuqori aniqlikka ega bo‘lgan elektron taxeometr va GPS qurilmalari mavjud.
Shuningdek, doimiy ishlab turuvchi 50 ta GNSS stansiyalar ham Leica kompaniyasi qurilmalaridan iborat. Hozirgi kunda uzluksiz ishlab turgan GNSS stansiyalar qurilmalariga bog‘langan holda xatlov ishlarini amalga oshirish uchun zamonaviy GPS uskunalaridan foydalaniladi.
Bugungi kunda bu stansiyalarga talab yuqoriligini inobatga olib, 2022-2023 yillarda Milliy geografik axborot tizimini yaratish doirasida yuqoridagi 50 ta stansiya to‘liq qamrab olinmagan hududlarda qo‘shimcha yana 80 ta GNSS-sors stansiyalar o‘rnatish rejalashtirilgan.
Ushbu stansiyalar ishga tushishi bilan respublika hududini 30 km radiusda to‘liq qamrab olinadi.
Respublika aerogeodeziya markazi direktori Akmal Omonov
Ko‘chmas mulklar to‘g‘risidagi maʼlumotlar bugungi Davreyestr AT, Ko‘chmas mulk AT kabi axborot tizimlarida jamlanib kelinmoqda. Mazkur maʼlumotlar o‘z navbatida geografik ko‘rinishlar bilan birga umumlashtirilib, geoaxborot tizimlarida shartli belgilar orqali rasmiylashtirilib, omma uchun bo‘lgan geoportalga joylanadi.
Agentlik tomonidan ushbu maʼlumotlarni bir joyda jamlash hamda omma uchun ochiq tarzda foydalanish imkonini beradigan platforma yaʼni http://map.geoportal.uz/ geoportali ishlab kelmoqda.
Mazkur geoportalda ko‘chmas mulk obyektlari yer chegarasi, kadastr raqami, obyekt turi, manzili, yer maydoni kabi maʼlumotlar mavjud.
Kadastr agentligi boshqarma boshlig‘i o‘rinbosari Sherzod Zakirov.
Respublikaning jami 44,9 mln gektar yer maydonidan 41,1 mln gektari (qishloq xo‘jaligi 23,6 mln gektar, o‘rmon fondi 11,9 mln gektar) yoki 91,5 foizi JAHON BANKNING LOYIHASIGA ASOSAN “Kadastr va ro‘yxatdan o‘tkazishning integratsiyalashgan axborot tizimi”da “Uzkad” dasturida elektron xaritasi yaratilib, kadastr axborot tizimiga kiritildi.
Shundan:
– 36,4 mln gektar 505,3 mingta (qishloq xo‘jaligi 22,3 mln gektar, o‘rmon fondi 11,7 mln gektar) yerdan foydalanuvchilar kesimida kadastr yig‘ma jildlari shakllantirilgan holda davlat ro‘yxatidan o‘tkazildi.
Davlat kadastrlari palatasi Raisi o‘rinbosari Nozimjon Inamov.
