Kadastr agentligining Komplaens-nazorat xizmati tomonidan «Korrupsiyaga yo‘l qo‘ymaslik va uni oldini olish» bo‘yicha tizim tashkilotlarida profilaktika ishlari olib borilmoqda.
♦Joriy yilning 28-oktabr kuni Kadastr agentligi tasarrufidagi Respublika Aerogeodeziya markazi Samarqand hududlararo bo‘linmasi xodimlari ishtirokida davra suhbati o‘tkazildi. Tadbirda Kadastr agentligining Komplaens-nazorat xizmati boshlig‘i B. Shamansurov, kadrlar bo‘limi bosh mutaxassisi L. Xolov, Respublika Aerogeodeziya markazi direktori o‘rinbosari I.Matmurodov va bosh hisobchisi I. Koralevalar ishtirok etishdi.
•Uchrashuv ochiq muloqot tarzida o‘tkazildi. Mazkur tadbirda korxona xodimlarining korrupsiya illatlaridan uzoq bo‘lishi va o‘z vazifasiga sitqidildan yondoshib, ish faoliyatini to‘g‘ri olib borishi va korxonaga ishga olinadigan har bir yangi ishchi xodimlarni ochiqlik tamoyillariga ko‘ra, ochiq va shaffof tanlov asosida “Argos.uz” dasturi orqali ishga qabul qilish, shuningdek, korxona xodimlari o‘rtasida o‘zaro ichki muhitni sog‘lomlashtirish, buning uchun Kadastr agentligi tomonidan tasdiqlangan “Kasb odobnomasi” va “Odob-axloq qoidalari”ga hamda korxonaning “Ichki mehnat tartib qoidalari”ga qat’iy rioya etilishini ta’minlash va xodimlar o‘rtasida sport va madaniy-ma’rifiy tadbirlarni tashkil etish zarurligi yuzasidan korxona rahbari R.Xatamov va mas’ul xodimlariga tegishli tushuntirish va ko‘rsatmalar berildi.
Bu kabi profilaktik tadbirlarni o‘tkazishdan ko‘zlangan asosiy maqsad, sohada korrupsion omillarni kamaytirish, har bir xodimda korrupsiyaga qarshi murosasiz immunitetni shakllantirish hisoblanadi.
