🔰Yig'ilishni Kadastr agentligi Komplaens-nazorat xizmati boshlig'i B.Shomansurov va Davlat kadastrlari palatasi Komplaens-nazorat xizmati boshlig‘i A.Rahmatov boshchiligida o'tkazildi.
🔰Unda Kadastr agentligi va Davlat kadastrlari palatasi Sirdaryo viloyat boshqarmasi hamda uning tuman shahar bo‘lim va filiallarida jami 216 nafar rahbar xodimlar qatnashishdi.
📌Yig‘ilishda, Kadastr agentligi Komplaens-nazorat xizmati boshlig‘i B.Shomansurov quyidagilarda to‘xtalib o‘tdi. Kadastr agentligi rahbariyati va qolaversa Komplaens-nazorat xizmati xodimlari tomonidan odatiy tusga aylangan Korrupsiya holatlari oldini olishga qaratilgan profilaktik tadbirlar, kengaytirilgan yig‘ilishlarda Korrupsiyani oldini olishga qaratilgan davra suhbatlari o'tkazilib bir necha marotaba ogohlantirishlarga qaramasdan, joriy yilning 11-may kuni Davlat kadastrlari palatasi Guliston shahar filiali muhandisi I.O.A. fuqaroning ishonchiga mulk huquqini davlat ro'yxatidan o'tkazib berish evaziga 300 AQSH dollari talab qilib olyotgan paytida huquqni muhofaza qiluvchi organlar tomonidan jinoyat ustida qo‘lga olinganligi aytib o‘tildi.
🔹Afsuski, bunday noqonuniy harakatlar nafaqat Kadastr tizimini, balki ota-onasi, o‘z farzandlari hamda yaqin qarindoshlarining ham yuzini yerga qaratganini taʼkidlab o‘tildi.
🔹Shuning bilan bir qatorda Kadastr agentligi va Davlat kadastrlari palatasining hududiy tuman shahar bo‘lim va filiallarida bir qator kamchiliklar borligi to‘g‘risida to‘xtalib o‘tildi.
🔹Jumladan: Kiyinish madaniyati, ijro intizomiga masʼul xodimlar murojaatlarga eʼtiborsizligi, Kadastr arxiv hujjatlari baʼzi bir xodimlarning ish stolida qolib ketgan yoki kadastr arxiv hujjatlar xonasi tartibga solinmaganligi hamda tuman-shahar bo‘lim va filiallari joylashgan bino oldida ozodalikka rioya etilmaganligi tufayli bir necha rahbar xodimlarga nisbatan ogohlantirish va intizomiy jazo choralari qo‘llanildi.
🔹Yig‘ilish yakunida Davlat kadastrlari palatasi Komplaens-nazorat xizmati boshlig‘i A.Rahmatov Kadastr agentligi va Davlat kadastrlari palatasi Sirdaryo viloyati boshqarmasi xodimlari hamda tuman va shahar bo‘lim-filiallar rahbar va xodimlari bilan individual suhbat o'tkazib sodir etilgan korrupsion holat yuzasidan xulosa chiqarish kerakligi va uning oqibatlari nimalarga olib borishi to‘g‘risida yana bir bor tushuntirish ishlari olib borildi.
📉Shuningdek Kadastr agentligi Sirdaryo viloyat boshqarmasi boshlig'i A.Maxarov va Komplaens-nazorat xizmati bo'yicha bosh mutaxassis N.Abdaliyev tomonidan tizim xodimlariga jismoniy va yuridik shaxslarga xizmat ko'rsatish jarayonida tamagirlik, poraxo'rlk, mansab vakolatini suiiste'mol qilish kabi korrupsion holatlarga yo'l qo'ymaslik, aksincha o'z xizmat vazifalarini sidqidildan vijdonan bajarib, aholining kadastr idoralariga bo'lgan ishonchlarini yanada mustahkamlash va sifatli xizmat ko'rsatishga chaqirdi.
