Kadastr agentligi Qoraqalpog‘iston Respublikasi boshqarmasi boshlig‘i I.Tleuov o‘tgan 9 oy davomida olib borgan ishlari haqida ma’lumot berdi.

Xususan, Kadastr agentligi Qoraqalpog‘iston boshqarmasi tomonidan o‘tgan davr davomida Respublika bo‘ylab jami 1180 ta maydoni  (203,44 ga) o‘zboshimchalik bilan egallangan yer maydonlari aniqlangan

Shundan qishloq xo‘jaligi yerlari 66 ta maydoni (122,25 ga), aholi punktlari 1090 ta maydoni (78,37 ga), sanoat, transport aloqa mudofaa va boshqa yerlar 3 ta maydoni (0,01 ga), o‘rmon fondi yerlari 4 ta maydoni (2,05 ga), Suv fondi yerlari 5 ta maydoni (0,06 ga)  Zaxira yerlar 12 ta maydoni (0,70 ga) egallab olish holatlari aniqlangan.

Aniqlangan 1180 ta holatga barchasiga bartaraf etish yuzasidan yozma ko‘rsatmalar to‘ldirilgan va 910 ta holat ixtiyoriy bartaraf etilgan,  177 ta holatga  jami maydoni 113,98 ga  Fuqarolik ishlar bo‘yicha sudlarga da’vo arizalari kiritilgan. Sud tomonidan 37 ta holatga 0,99 ga sudning hal qiluv qarori chiqqan, 130 ta holatga maydoni 112,89 ga  sud jarayoni davom etmoqda. 35 ta holat maydoni 1,6 ga Qo‘shma tartib asosida prokuratura organlariga yuborilgan.   

Kadastr agentligi Qoraqalpog‘iston Respublikasi boshqarmasi tomonidan yer va kadastr sohasidagi huquqbuzarliklar uchun qo‘llanilgan ma’muriy jarimalar to‘g‘risida jazoga tortilgan shaxslar soni 2 748 nafarni tashkil etadi.

Jumladan Ma’muriy javobgarlik to‘g‘risidagi kodeksning 60-modda 2-qismi (Yerlarni o‘zboshimchalik bilan egallab olish) bilan 78 ta shaxs, 60-modda 3-qismi (O‘zboshimcha egallangan yerlarda qurilish ishlarini amalga oshirish) bo‘yicha 136 ta shaxs, 68-modda 1-qismi (Yer tuzish loyihalaridan o‘zboshimchalik bilan chetga chiqish) 732 ta shaxs, 68¹-moddasi  (Ko‘chmas mulkka bo‘lgan huquqni davlat ro‘yxatidan o‘tkazish uchun o‘z vaqtida murojaat etmaslik) bo‘yicha 1802 shaxs  yer va kadastr sohasidagi huquqbuzarliklarni sodir etib ma’muriy jarimalarga tortilgan.