2022-yilda Surxondaryoda qariyb 54 mingga yaqin murojaatchining kadastr pasporti shakllantirilgan. Bu haqda Effect.uzʻga kadastr agentligi Surxondaryo viloyati boshqarmasi boshligʻi S.Shaymardanov xabar berdi.

Maʼlum qilinishicha, bugungi kunda Davlat kadastrlari palatasi tomonidan aholiga 10 ga yaqin davlat xizmatlari koʻrsatilib, kadastrga oid davlat xizmatlarini koʻrsatish elektron tarzda amalga oshiriladi. Bunda har bir murojaat Davlat xizmatlari markazlari hamda Yagona interaktiv davlat xizmatlari portali orqali elektron koʻrinishda qabul qilinib ijrosi taʼminlanadi.

Xususan, Surxondaryoda 2022-yilda Davlat kadastrlari palatasi viloyat boshqarmasi va uning hududiy filiallari tomonidan 54 005 ta kadastr kadastr pasporti shakllantirilgan. Ushbu 54 005 ta kadastr pasportidan 2 570 tasi DXM tomonidan bekor qilinib, 10 840 tasi rad etilgan, 1 151 tasi toʻlovi kutilmoqda, 39 404 tasi yakunlangan hamda 8714 tasi muddati oʻtgan hisoblanadi.

“Kadastr hujjatini tayyorlash yuzasidan eng koʻp murojaat viloyatning Termiz shahri aholisidan kelib tushgan boʻlib, murojaatlar 9 415 tani tashkil qilgan. Kadastr hujjatlarini tayyorlash hududlar kesimida tahlil qilinganda, Termiz shahrida 9 415 ta, Angor tumanida 2 713 ta, Bandixon tumanida 1005 ta, Boysun tumanida 1 339 ta, Denov tumanida 6 859 ta, Jarqoʻrgʻon tumanida 4 103 ta, Muzrabot tumanida 2 353 ta, Oltinsoy tumanida 1 418 ta, Qiziriq tumanida 1 811ta, Qumqoʻrgʻon tumani 4 712 ta, Sariosiyo tumanida 3 097 ta, Sherobod tumanida 2 616 ta, Shoʻrchi tumani 4 106 ta, Termiz tumani 5 230 ta va Uzun tumanida 3 228 ta yer uchastkalari hamda koʻchmas mulklarga kadastr pasporti tayyorlab berilgan”, - deydi Boshqarma boshligʻi S.Shaymardanov