📊Kadastr agentligi Respublika  Aerogeodeziya markazi toponimika xizmatida joriy yilning yanvar-fevral oylarida Qoraqalpog‘iston Respublikasi va barcha viloyat (tuman, shahar) hokimliklari hududda mavjud geografik obyektlarni nomlash hamda ekspert komissiyasi xulosalarida muvofiq deb topilgan geografik obyekt nomlarini davlat reyestri bazasiga joylashtirish bo‘yicha murojaatlar kelib tushmoqda.

📝Respublikamizning barcha viloyat (tuman, shahar) hokimliklaridan jami 1316 ta geografik obyektni nomlash, 685 ta geografik obyektni qayta nomlash bo‘yicha takliflar kelib tushgan. Shulardan 1172 ta geografik obyekt nomi “Geografik obyektlarning nomlari to‘g‘risida”gi Qonun hujjatlari talablariga muvofiq, 144 ta geografik obyekt nomi qonun hujjatlari talablariga nomuvofiq deb xulosa berildi. Ayni paytda xizmat faoliyatida 628 ta geografik obyektni nomlash va qayta nomlash ishlari olib borilmoqda.