2021-yil 21-dekabr kuni Davlatimiz Rahbari huzurida o‘tkazilgan yig‘ilishda kadastr sohasidagi islohotlar, jumladan Davlat soliq qo‘mitasi huzuridagi Kadastr agentligi tashkil etilganidan keyin oxirgi bir yil davomida amalga oshirilgan ishlar muhokama qilindi hamda 2022 yilda amalga oshiriladigan eng dolzarb vazifalar berildi.
Oxirgi bir yil davomida amalga oshirilgan ishlar:
42 ta me’yoriy hujjat ishlab chiqildi (7 ta qonun, 2 ta Prezident Farmoni va qarori, 27 ta Vazirlar Mahkamasi qarori va 6 ta idoraviy hujjatlar). Shundan 2 ta Qonun, 6 ta Vazirlar Mahkamasi qarorlari hamda 4 ta idoraviy hujjatlar qabul qilindi;
Kadastr agentligi tizimidagi shtat birliklari optimizatsiya qilinib, 1 254 ta (14,4 %) shtat qisqartirildi va 6 427 nafar xodimlar attestatsiyadan o‘tkazildi;
Sohani raqamlashtirish uchun zarur bo‘lgan yirik doimiy xotiraga ega (1 100 terabayt) “Ma’lumotlar markazi” ishga tushirildi;
O‘zaro integratsiya qilinmagan “Davreestr”, “Ko‘chmas mulk”, “Ko‘chmas mulk-3” axborot tizimlari o‘rniga Jahon banki bilan hamkorlikda “Kadastr va ro‘yxatdan o‘tkazish integratsiyalashgan axborot tizimi” yaratildi;
2021 yil 1 maydan boshlab yangi integratsiyalashgan axborot tizimi orqali O‘zbekiston tarixida ilk bor qishloq xo‘jaligi yerlarini elektron shaklda davlat ro‘yxatidan o‘tkazish boshlandi va 24,1 mln gektar qishloq xo‘jaligi yeridan 23,1 mln gektarini (96%) elektron xaritaci yaratilib, 21,8 mln gektar (95%) 127 mingta yerdan foydalanuvchi kesimida kadastr yig‘ma jildlari shakllantirilgan holda davlat ro‘yxatidan o‘tkazildi;
Ilgari hisobga olinmagan 412 mingta yangi ko‘chmas mulk ob’ekti kadastr bazasiga kiritildi va mahalliy byudjetga qo‘shimcha 442,3 mlrd so‘m soliq hisoblandi;
477,7 mingta ko‘chmas mulk ob’ektlarida qo‘shimcha qurilmalar aniqlandi.
Yer hisobini yuritish bo‘yicha 2022 yilda amalga oshirilishi lozim bo‘lgan eng dolzarb vazifalar:
- qishloq xo‘jaligiga mo‘ljallangan boshqa toifadagi yerlarni (suv, tabiatni muhofaza qilish, obodonlashtirish, sanoat, transport, aloqa, mudofaa, zaxira) elektron xaritasini yaratib, davlat ro‘yxatidan o‘tkazish ishlarini amalga oshirish;
- Milliy ortofotoplanlarimizni yaratish va topologik xatoliklarning oldini olish;
- Ko‘chmas mulk”, “Ko‘chmas mulk-3” (1-C) axborot tizimlaridagi mavjud 8 millionga yaqin ko‘chmas mulk ob’ektlari to‘g‘risidagi ma’lumotlarni yangi “Kadastr va ro‘yxatdan o‘tkazish integratsiyalashgan axborot tizimi” (UzKad)ga migratsiya qilish;
- Ilg‘or xorijiy davlatlar tajribasini o‘rgangan holda Yagona koordinatalar tizimida ishlash mexanizmlarini joriy etish;
- GNSS stansiyalarini hududlarga bosqichma-bosqich o‘rnatish;
- Tizim tashkilotlar va xodimlarni Yer tuzish ishlarini bajarish uchun zamonaviy yangi tizimlarda ishlaydigan asbob-uskunalar bilan ta’minlash.
