Joriy yilning 31-yanvar kunida Andijon viloyati, Qo'rg'ontepa tumani fuqaro va tadbirkorlarning kadastr masalalari bilan bog'liq murojaatlarini tinglab, tegishli yechimlar berish maqsadida Kadastr agentligi direktorining o'rinbosari M.S.Mirmaksudov hamda viloyatning tizim mutaxassislari ishtirokida sayyor qabul o'tkazildi.
Sayyor qabulda fuqarolarga qonunchilikdagi o'zgarishlar, kuni kecha O'zbekiston Respublikasi Prezidentining Yer resurslaridan samarali foydalanish bo'yicha belgilagan topshiriq va vazifalari haqida huquqiy tushunchalar berish bilan birga tuman shaharlardan kelgan 25 nafar fuqarolarning muammolariga e'tibor qaratildi va 12 dan ortiq murojaatlarga o'sha yerning o'zida huquqiy tushuncha berish orqali ijobiy hal etildi.
